٢
١ سن ایسه صحیح تعلیمه لایق اولان شیلری سویله٢ اختیارلر آییق اهل وقار عاقل ایمان و محبت و صبرده سلیم اوله‌لر٣ كذلك اختیار قاریلر قدسیته لایق اولان حركتده بولنوب افنراجی یاخود چوق شرابه مبتلا اولمایه‌رق ایولك معلمه‌لری اوله‌لر٤ تا كه بونلر اللهك كلامنه كفر اولنمامق ایچون گنج قاریلری زوجلرینی و اولادلرینی سومك٥ و عقللو عفتلو و خانه‌لرینه مقید اهل خیر و كندی زوجلرینه مطیع اولمق خصوصنده تربیه ایده‌لر٦ كذلك نوجوانلره عقللو اولملری ایچون نصیحت ویر٧ و هر خصوصده كندیكی ایو عمللرده اورنك كوستروب تعلیمده خلوص و وقار و صحیح و عذرسز كلام ابراز ایله٨ تا كه مخالفت ایدن حقمزه سویلیه‌جك بر كوتو شی بوله‌مایه‌رق محجوب اوله٩ قوللره نصیحت ایله كه كندی افندیلرینه مطیع اوله‌رق هر شیده انلری خوشنود ایده‌لر١٠ شویله كه قارشو سویله‌میوب و سرقت ایتمیوب آنجق هر وجهله كامل صداقت كوسترملریله خلاصكارمز اللهك تعلیمنی هر شیده تزیین ایده‌لر.١١ زیرا اللهك خلاصه باعث اولان عنایتی جمله ادملره ظاهر اولوب بزی تربیه ایدركه١٢ فسق و دنیا شهوتلرینی رد ایده‌لم و بو دنیاده عاقلانه و صالحانه و تقوی اوزره یاشایه‌لم١٣ و اول مبارك امیده و عظیم اللهك و بزی هر درلو عصیاندن خلاص ایتمك و كندینه ایو عمللره غیرتكش و خاص قوم تقدیس ایتمك اوزره كندینی بزم ایچون ویرن١٤ خلاصكارمز عیسی المسیحك جلالنك ظهورینه منتظر اوله‌لم١٥ بو شیلری سویلیوب نصیحت ایله و چوق تأكیدله تعزیر ایله. كیمسه سنی تحقیر ایتمسون.