٣
١ انلره اخطار ایله كه سلطنت و حكومتلره تابع اولوب اطاعت ایتسونلر و هر ایو ایشه حاضر بولنسونلر٢ كیمسه‌یه سب ایتمیه‌لر. نزاعجی اولمایوب لطیف اوله‌لر. جمله ادملره كمال حلم كوستره‌لر.٣ زیرا بر وقت بز دخی عقلسز اطاعتسز و ضلالتده ایدك و درلو درلو شهوت و ذوقلره اسیر اولوب شرّ و حسدده یاشار ایدك مكروه ایدك و بری بریمزه بغض ایدر ایدك٤ لكن خلاصكارمز اللهك لطفی و انسانه اولان محبتی ظاهر اولدیغی زمان٥ اجرا ایتدیكمز صلاح عمللرندن اولمایه‌رق آنجق كندی مرحمتنه كوره یكی طوغمه ییقامسی٦ و عیسی المسیح واسطه‌سیله اوزرمزه غنی غنی دوكدیكی روح القدسك یكیلتمسیله بزی خلاص ایلدی٧ تا كه انك عنایتیله تبریر اولنه‌رق ابدی حیات امیدی موجبنجه وارثلر اوله‌لم٨ بو كلام صادقدر و استرم كه اللهه ایمان ایدنلر ایو عمللر اجراسنه مقید بولنملری ایچون بو شیلری ثابت ایده‌سین. ایو و ادملره فائده‌لو شیلر بونلردر٩ اما سفیهانه مباحثه‌لردن و نسب سلسله‌لرندن و نزاعلر و شریعت مجادله‌لرندن اجتناب ایله زیرا انلر فائده‌سز و باطلدر١٠ اهل بدعت اولان بر ادمدن برنجی و ایكنجی نصیحتدن صكره اجتناب ایله١١ زیرا بیلورسین كه بو مقوله كیمسه ضلالته دوچار اولوب كندندن محكوم اوله‌رق كناه ایشلر.١٢ ارتیماسی یاخود تیخیكوسی سڭا كوندردیكم زمان نیقوپولیسه یانمه كلمكه غیرت ایله زیرا اوراده قیشی كچورمكه قرار ویردم.١٣ ارباب شریعتدن اولان زیناسی و اپوللوسی بر احتیاجلری اولمایه‌رق دقتله یوله چیقار١٤ و بزمكیلر دخی میوه‌سز بولنمامق اوزره ضروری احتیاجلر ایچون ایو عمللرله مشغول اولمغی اوكرنسونلر١٥ بنم ایله برابر اولانلرك جمله‌سی سڭا سلام ایدرلر. بزی ایمانده سونلره سلام ایله. عنایت جمله ڭز ایله اولسون آمین.