١
١ عیسی المسیح ایچون محبوس پولس و طیموتاوس برادر سوكیلومز و امكداشمز فیلمونه٢ و سوكیلو آپفیایه و سلاحداشمز ارخیبوسه و سنڭ خانه كده بولنان كلیسایه٣ سزه پدرمز الله و رب عیسی المسیح طرفندن عنایت و سلامت اولسون.٤ سنڭ رب عیسایه و جمله مقدّسلره اولان محبتكی و ایمانكی ایشیدر ایكن٥ دائما اللهمه شكر ایده‌رك دعالرمده ذكر ایدرمكه٦ ایمانكك مشاركتی عیسی المسیح ایچون سزده اولان هر ایولكی بیلمكلكده عامل اوله٧ زیرا ای برادر مقدّسلرك قلبلری سنڭ واسطه‌كله مستربح اولدیغندن سنڭ محبتكدن طولایی چوق مسرّت و تسلیمز وار٨ بو اجلدن لایق اولانی سڭا امر ایتمكه مسیحده چوق جسارتم وار ایسه‌ده٩ ینه بن بو مقوله بر كیمسه یعنی اختیار پولس و شمدی ایسه عیسی المسیح ایچون محبوس اوله‌رق محبته بناءً رجا ایتمكی دها ایو صایارم١٠ محبوسیتمده تولید ایلدیكم اوغلم اونه سیموس ایچون سڭا رجا ایدرم١١ مرقومك بر وقت سڭا فائده‌سی یوق ایدی ایسه‌ده شمدی سڭا همده بڭا فائده‌لو اوله‌رق انی كیرو كوندردم١٢ ایمدی سن انی بنم جكرم كبی قبول ایله١٣ بشارت ایچون اولان محبوسیتده بڭا سنڭ یركده خدمت ایتمك اوزره بن انی یانمده آلیقومق استدم ایسه‌ده١٤ سنڭ رأیك اولمادقجه بر شی یاپمق استمدم تا كه سنڭ خیرك ضروری اولمایوب رضا ایله اوله١٥ زیرا بلكه بر مدت آیرلمسی بونڭ ایچون یعنی آرتق قول كبی دكل١٦ آنجق قوله فائق اوله‌رق خصوصا بڭا و نه قدر زیاده سڭا هم تنده همدخی ربد سوكیلو بر برادر كبی انی الی الابد قبول ایتمش اوله‌سین١٧ ایمدی اگر بنی شریك عدّ ایدر ایسه‌ك انی بنم كبی قبول ایله١٨ و اگر سڭا بر حقسزلق ایتدی یاخود بورجی وار ایسه انی بڭا محسوب ایله.١٩ بن پولس كندی المله زیادم بن ادا ایدرم. ذاتكی بڭا بورجلوسین سڭا دیمیه‌یم٢٠ بلی ای برادر ربده سندن فائده‌مند اوله‌یم قلبمی مسیحده مستریح ایله٢١ سنڭ اطاعتكه اعتمادله دیدیكمدن زیاده دخی ایده‌جككی بیله‌رك سڭا یازدم٢٢ همدخی بڭا بر قوناق حاضرله زیرا سزڭ دعالرڭز واسطه‌سیله سزه باغشلانه جغمی اومارم٢٣ عیسی المسیحده حبس رفیقم اولان اپافراس٢٤ ووامكداشلرم مرقوس و اریستارخوس و دماس و لوقا سڭا سلام ایدر٢٥ ربمز عیسی المسیحك عنایتی روحڭز ایله اولسون آمین.