٢
١ ایمدی سن ای اوغلم عیسی المسیحده اولان عنایتده كسب قوت ایدوب٢ چوق شاهدلرك حضورنده بندن ایشیتدیكك شیلری صادق و سائرلره تعلیمه مستعد اولان ادملره امانت ایله٣ ایمدی سن عیسی المسیحك ایو عسكری كبی مشقته تحمل ایله٤ عسكرلك ایدن بر كیمسه سرعسكرینی خوشنود ایتمك ایچون بو عمرك امورینه قارشماز٥ همدخی اگر بر كیمسه كوره‌شور ایسه قانون اوزره كوره شمینجه تاجه نائل اولماز٦ امك چكن چفتجی اوّلا محصولدن حصه‌دار اولمق كركدر٧ سویله‌دیكم شیلری اكلا و رب سڭا هر شیده فهم احسان ایلسون٨ بشارتمه كوره داود نسلندن اوله‌رق اولولردن احیا اولنان عیسی المسیحی تذكر ایله٩ بن دخی بو بشارتك یولنده مجرم كبی زنجیربند اولنجه‌یه قدر مشقت چكرم فقط اللهك كلامی باغلو دكلدر١٠ بونڭ ایچون منتخبلرك اغورینه هر شیئه تحمل ایدرم تا كه انلر دخی عیسی المسیحده ابدی عزتله اولان خلاصه نائل اوله‌لر١١ بو كلام صادقدر كه اگر انڭ ایله برابر اولدڭ ایسه برابر دخی یاشایه‌جغز١٢ اگر تحمل ایدر ایسه‌ك برابر دخی سلطنت ایده‌جڭز اكی انی انكار ایدر ایسه‌ك او دخی بزی انكار ایده‌جكدر١٣ اگر بز ایمان ایتمز ایسه‌ك او صادق قالور. كندی كندینی انكار ایده‌مز١٤ بو خصوصلری اخطار ایله و بر شیئه فائده‌لو اولمایوب ایشیدنلرك خرابنه سبب اولان نزاع لفظی ایتمه‌ملرینی ربك حضورنده تنبیه ایله١٥ حقیقت كلامنی طوغری تفصیل ایده‌رك كندیكی اللهه مقبول خجل اولماز بر ایشبحی دیو احضار ایتمكه جهد ایله١٦ اما ناپاك و باطل لفظلردن اجتناب ایله زیرا انلركیده كیده فسقه سبب اولور١٧ و انلرك سوزی قنقرینه كبی ییر كه هیمینایس و فیلیتس انلردن اولوب١٨ قیامت حالا وقوع بولمشدر دیه‌رك حقیقتدن صاپدیلر و بعض كیمسه‌لرك ایماننی افساد ایدرلر١٩ ینه اللهك محكم اساسی قائم اولوب مهری بودر كه رب كندینككیلرینی بیلور و هر كیم كه مسیحك اسمنی ذكر ایدرسه حقسزلقدن اجتناب ایلسون٢٠ لكن بیوك بر خانه‌ده یالڭز آلتون و كومش قابلر بولنمایوب آغاج و طوپراقدن دخی بولنور بعضیسی شرف بعضیسی ایسه شرفسزلك ایچوندر٢١ ایمدی اگر بر كیمسه كندینی بو شیلردن پاكلرسه شرف ایچون و صاحبنك استعمالنه فائده‌لو و مقدّس و هر ایو ایسه حاضر بر قاب اوله‌جقدر٢٢ سن دخی كنجلك شهوتلرندن قاچ لكن پاك قلبدن ربه دعا ایدنلر ایله برابر صلاح و ایمان و محبت و سلامته سعی ایله٢٣ اما سفیهانه و معناسز مجادله‌لردن صاقن چونكه منازعه حصوله كتوردبكنی بیلورسین٢٤ ربك قولی ایسه منازعه ایتمه‌ملودر آنجق جمله‌یه حلیم و تعلیمه مستعد و ظلمه صبرلو٢٥ مقاومت ایدنلره حلمله نصیحت ایدیجی اولمق كركدر اوله كه حقیقتی فهم ایتمك ایچون الله انلره توبه ویره٢٦ و شیطان طرفندن انك ارادتی اجراسی ایچون اسیر طوتلمش اولانلر انك طوزاغندن آییله‌لر.