١
١ خلاصكارمز اللهك و امیدمز اولان [رب] عیسی المسیحك امری اوزره عیسی المسیحك رسولی پولس ایمانده اوز اوغلم طیموتاوسه٢ پدرمز الله و ربمز عیسی المسیح طرفندن سڭا عنایت و مرحمت و سلامت اولسون٣ بن ماكدونیایه كیتمك اوزره ایكن بعض كیمسه‌لرك بشقه تعلیم اوكرتمه‌ملرینی و مصاللره و ایماتدن اوله‌رق اللهه مقبول اولان معموریته دكل آنجق مجادله‌یه وسیله اولان توكنمز نسب سلسله‌لرینه دقت ایتمه‌ملرینی تنبیه ایده‌سین دیو٤ سنڭ افسوسده مكث ایتمه‌كی رجا ایتدیكم كبی شمدی دخی ایدرم٥ تنبیهك نتیجه‌سی پاك قلبدن و خالص ضمیردن و ریاسز ایماندن اولان محبتدر٦ بعضلری بونلردن صاپوب بیهوده سوزلره مائل اولدیلر٧ و شریعت معلملری اولمق استرلر ایسه‌ده نه سویله‌دكلری نه ده ادعا ایتدكلری شیلری اكلارلر٨ شریعتك ایو اولدیغنی بیلورز بو شرطله‌كه بر ادم انی شرعاً استعمال ایده٩ لكن بونی بیلملیدر كه شریعت صالح ایچون اولمایوب بالعكس عاصیلر و اطاعتسزلر و فاجرلر و كناهكارلر و خبیثلر و فاسقلر و بابایی و انایی ضرب ایدنلر١٠ و قاتللر و زنا كارلر و لوطیلر و انسان خرسزلری و یالانجیلر و حانثلر و صحیح تعلیمه مخالف اولان سائر هر بر شی ایچون قونلمشدر١١ بو دخی مبارك اللهك بڭا امانت اولنان جلیل بشارتنه مطابقدر١٢ و بنی قوتلندرن ربمز عیسی المسیحه متشكر ایم چونكه مقدّما كفر ایدیجی و تعدّی ایدیجی و شتم ایدیجی ایكن بنی صادق صایوب خدمته تعیین ایلدی١٣ اما مرحمته نائل اولدم زیرا ایمانسزلقده ایكن بیلمیه‌رك ایشلدم١٤ و عیسی المسیحده اولان ایمان و محبتله ربمزك عنایتی غایتله آرتدی١٥ بو كلام صادق و هر وجهله قبوله شایاندر كه عیسی المسیح دنیایه كناهكارلری خلاص ایتمك ایچون گلدی بونلرك برنجیسی بن ایم١٦ لكن بونڭ ایچون رحمته نائل اولدم تا كه عیسی المسیح ابدی حیات ایچون كندینه ایمان ایده‌جك اولانلره اورنك اولمق اوزره كمال صبرینی ابتدا بنده اظهار ایده١٧ ایمدی ازلی و ابدی پادشاهه زوال بولماز و كوزه كورونمز یالڭز اللهه ابدالاباد عزت و حمد اولسون آمین.١٨ سڭا ای اوغلم طیموتاوس سنڭ حقكده اقدمجه اولان الهاملره كوره شو تنبیهی توصیه ایدرم تا كه انلرله ایو جهاده اقدام ایلیه‌سین١٩ و ایمانی و خالص ضمیری حفظ ایده‌سین بونی ایسه بعضلری رد ایتمش اولملریله ایمان خصوصنده غرق اولدیلر٢٠ هیمنوس و اسكندر بونلردن اولوب كفر ایتمه‌مكی اوكرنسونلر دیو انلری شیطانه تسلیم ایتدم