٥
١ اختیاری تعزیر ایتمه اما پدره نصیحت ایدر كبی كنجلره برادرلره كبی نصیحت ایله٢ اختیار قاریلره والده‌لره كبی گنج قاریلره كمال عفتله همشیره‌لره كبی نصیحت ایله٣ طول قاریلره یعنی فی‌الحقیقه طول اولانلره اكرام ایله٤ و اگر بر طول قارینك اولادی یا طورونلری وار ایسه اوّلا انلر كندی اهل بیتلرینه حرمت كوسترمكی و والدینلرینه مكافات ایفاسنی اوكرنسونلر زیرا بو خصوص اللهك عندنده ایو و مقبولدر٥ لكن فی الحقیقه طول و یالڭز قالمش اولان قاری اللهه توكل ایدوب كیججه كوندوز دعا و نیازه دوام ایدر٦ اما اهل ذوق اولان حیاتده ایكن اولمشدر٧ ایمدی قصورسز اولملری ایچون بو شیلری تنبیه ایله٨ اما اگر بر كیمسه تعلقاتنی خصوصا اهل بیتنی قایرمازسه ایمانی انكار ایتمش اولوب مؤمن اولمایاندن بدتردر٩ طول قاری التمش یاشندن اشاغی اولمایه‌رق بر زوجك زوجه‌سی بولنمش اولوب١٠ ایو عمللر خصوصنده حسن شهادته مظهر اولمش مثلا اولاد بسله‌مش و مسافر قبول ایتمش و مقدّسلرك ایاقرینی ییقامش و مضایقه‌ده اولانلره امداد و هر ایو عملده دوام ایتمش اولدیغی تقدیرده قید اولنسون١١ لكن گنج طوللری رد ایله زیرا مسیحه قارشو ذوقه تسلیم اولدقلرنده اولنمك استیوب١٢ اوّلكی ایمانی ترك ایتدكلری ایچون حكمه دوچار اولورلر١٣ و بونڭ ایله برابر اولری طولاشه‌رق تنبل اولمغه آلشورلر و یالڭز تنبل دكل آنجق كوه‌زه و آخرینك اموریله مشغول اوله‌رق نا سزا شیلری سویلرلر١٤ ایمدی استرمكه گنج اولانلر اولنوب و اولاد كتوروب خانه اداره‌سنه مقید اوله‌رق مخالف اولانه ستم ایچون بر فرصت ویرمسونلر١٥ زیرا حالا بعضلری صاپوب شیطانه تابع اولدیلر١٦ اگر بر مؤمن یا بر مؤمنه‌نك طوللری وار ایسه انلره اعانه ایلسون و كلیسایه بار اولماسون تا كه فی‌الحقیقه طول اولانلره اعانه ایده.١٧ مأموریتلرینك حسن اجراسنده بولنان اختیارلر خصوصا كلامده و تعلیمده امك چكنلر ایكی قات اكرامه لایق عدّ اولنسونلر.١٨ زیرا كتاب بیورر كه خرمن دوكن او كوزك آغزینی باغلامایه‌سین و ایشجی كندی اجرتنه مستحقدر١٩ ایكی یا اوچ شاهد اولمادقجه اختیار علیهنده شكایت قبول ایتمه٢٠ قباحتلولری جمله‌نك اوكنده تعزیر ایله تا كه سائرلر دخی خوف ایده‌لر٢١ اللهك و عیسی المسیحك و منتخب ملكلرك حضورنده تنبیه ایدرم كه بر شی خاطر ایچون ایتمیه‌رك بو شیلری بی‌عرضانه حفظ ایده‌سین٢٢ بر كیمسه‌نك اوزرینه عجله ایله ال قومایوب آخرلرك كناهلرینه مشترك اولمه. كندیكی پاك صاقله.٢٣ آرتق یالڭز صو ایچمیوب معده‌ك ایچون و كثرت اوزره وقوع بولان ضعیفلكلرك ایچون بر آز شراب استعمال ایله٢٤ بعض ادملرك كناهلری ظاهر اولوب اوكلرنجه حكمه كیدر بعضلرینك ایسه آردلرنجه گلور٢٥ كذلك بعضلرك ایو عمللری دخی ظاهر اولوب بشقه طرز اولانلرك كیزلنمسی غیر ممكندر.