٣
١ شو كلام صادقدر یعنی اگر بر كیمسه اپسقپوسلغه راغب اولور ایسه كوزل بر ایش آرزوسنده اولور٢ ایمدی واجبدر كه اپسقپوس قصورسز و بر زوجه‌نك زوجی و آیق عاقل اهل عرض مسافر پرور و تعلیمه مستعد اوله٣ و شرابه میال و یا اوریجی اولمایوب آنجق لطیف اولسون و نزاع و آقچه سومكدن بری اولسون٤ كمال وقارله اولادینی اطاعتده طوته‌رق كندی خانه‌سنه حسن نظارت ایتسون٥ (كندی خانه‌سنه نظارت ایتمكی بیلمیان كیمسه اللهك كلیساسنی نصل اداره ایده‌بیلور)٦ تكبر ایدوب شیطانك او غرادیغی حكمه اوغرامامسی ایچون دینه یكی گلمش اولمایه٧ و ستمه و شیطانك طوزاغنه دوشمه‌مسی ایچون واجبدر كه خارجده اولانلردن حسن شهادته مظهر اولسون٨ كذلك شماسلر اهل وقار اولسونلر و ایكی سوزلو چوق شرابه میال قبیح قزانج طالبی اولمایه‌رق٩ ایمانك سرّینی پاك ضمیرله حفظ ایتسونلر١٠ بونلر دخی اوّلا تجربه اولنسونلر بعده قصورسز بولندقلری تقدیرده شماسلغی اجرا ایتسونلر١١ كذلك قاریلری اهل وقار اولوب افتراجی اولمایه‌رق آیق و هر شیده صادق اولسونلر١٢ شماسلر برر زوجه‌نك زوجی اولوب اولادلرینه و كندی خانه‌لرینه حسن نظارت ایدن ادملر اولسونلر١٣ زیرا شماسلغی ایوجه اجرا ایدنلر كندیلرینه ایو مرتبه و عیسی المسیحده اولان ایمانده چوق جسارت كسب ایدرلر١٤ طرفكه یاقینده كلمك امیدنده ایكن سڭا بو شیلری یازیورم١٥ كه كجیكیرسه‌م بیت اللهده یعنی حی اللهك كلیساسنده (كه حقیقتك دیركی و اساسیدر) نه صورتله حركت ایتمك واجب ایدیكنی بیله‌سین١٦ و تقوانك سرّی بیوك اولدیغی مسلمدر. اوّل كه تنده اظهار و روحله تصدیق اولنوب ملكلره كوروندی و طائفه‌لر اراسنده وعظ اولنوب دنیاده اڭا ایمان كتوریله‌رك جلال ایله سمایه چیقدی.