٣
١ بو اجلدن آرتق تحمل ایده‌میوب آتینه‌ده یالڭز براقلمامزی مناسب گوردك٢ و اللهك متجیسی و مسیحك بشارتنده امكداشمز اولان برادرمز طیموتاوسی كوندردك تا كه سزی ثابت ایتمسی و ایمانكزدن طولایی سزه تسلی ویرمسیله٣ بو مضایقه‌لرده كیمسه صارصلماسون زیر بونڭ ایچون تعیین اولندیغمزی كندیڭز بیلورسڭز٤ چونكه یانكزده ایكن دخی مضایقه چكه‌جكمزی سزه مقدما خبر ویردك نته‌كیم معلومڭز اولدیغی اوزره وقوع بولمشدر٥ بو سببدن بن دخی آرتق تحمل ایده‌میه‌رك اغوا ایدیجی سزی اغوا ایتمسیله امكمز بیهوده چیقماسون دیو ایمانڭز خصوصنده خبر آلمق ایچون كوندردم.٦ لكن شمدی طیموتاوس طرفكزدن بزه واصل اولوب ایمان و محبتكزی و بزم سزی كورمكه مشتاق بولندیغمز مثللو سزڭ دخی بزه اولان اشتیاقكزی و بزی دائما خیر ایله ذكر ایتدیككزی بزه مژده ایلدی٧ بو سببدن ای برادرلر بزم جمله مضایقه و ضرورتمزده ایمانكزدن طولایی حقكزده متسلی اولدق٨ زیرا سز ربده ثابت قالدیغڭز تعدیرده شمدی بز صاغ قالورز٩ زیرا سزڭ ایچون اللهمزك حضورنده حقكزده مسرور اولدیغمز مسرّته مقابل اللهه نه شكر عرض ایده‌بیلورز١٠ یوزكزی گورمك و ایمانكزك نقصاننی اكمال ایتمك ایچون كیجه و كوندوز زیاده‌سیله نیاز ایلمكده ایز١١ پدرمز الله كندیسی و ربمز عیسی المسیح طرفكزه كلمك اوزره یولمزی آسان ایده١٢ و بزم سزه محبتمز اولدیغی مثللو رب سزڭ دخی بری بریكزه و جمله‌یه اولان محبتكزی چوغالدوب آرتدرسون١٣ تا كه پدرمز اللهك حضورنده ربمز عیسی المسیح جمله مقدّسلری ایله ظهور ایتدكده قلبلركزی قدسیتده قصورسز ثابت قیله.