٣
١ ایمدی اگر مسیح ایله برابر قیام ایتدیڭز ایسه یوقاریده اولان یعنی مسیح اللهك صاغنده اوتوردیغی یرك شیلرینی طلب ایدڭز٢ یر اوزرنده‌كی شیلره دكل یوقاریده اولان شیلره صرف افكار ایدڭز٣ زیرا اولدیڭز و حیاتڭز مسیح ایله برابر اللهده محفوظدر٤ حیاتمز اولان مسیح اظهار اولندیغی زمان سز دخی انك ایله برابر عزتله اظهار اولنه‌جقسڭز٥ ایمدی بو زمینی اعضاكزی یعنی زنا و ناپاكلك و هوا و هوس و كوتو شهوت و بتپرستلك اولان طمعكارلغی اولدرڭز٦ چونكه انلرك سببندن اهل عصیان اوزرینه اللهك غضبی گلور٧ سز دخی بو شیلرده یاشار ایكن بر وقت انلرك اراسنده یورور ایدیڭز٨ لكن شمدی سز دخی جمله‌سنی یعنی غضب و خشم و كوتولك و كفری و آغز كزدن ادبه مغایر سوزلری دفع ایدڭز٩ بری بریكزه یالان سویله‌میڭز چونكه اسكی ادمی عمللری ایله برابر صوینوب١٠ خالقنك صورتنه كوره بیلكیده یكیلنمش اولان یكی ادمی كیمشسڭز١١ كه بونده نه یونانی نه یهودی نه ختان نه ختانسزلق نه باربار نه اسكیتی نه قول نه آزاد بولنوب آنجق هر شی و هر شیده مسیحدر١٢ ایمدی اللهك مقدّس و سوكیلو منتخبلری كبی شفقت و مرحمت و لطافت و تواضع و حلم و صبر كیڭز١٣ و بری بریكزه تحمل ایدوب اگر بر كیمسه‌نك بشقه‌سی علیهنه بر شكایتی وار ایسه مسیح سزه باغشلادیغی مثللو سز دخی بری بریكزه بویله‌جه باغشلایڭز١٤ بونلرك جمله‌سی اوزرینه دخی كمالك ارتباطی اولان محبتی كیڭز١٥ و اللهك سلامتی قلبلركزده حكومت سورسون چونكه اڭا دخی یكوجودده دعوت اولندیڭز و متشكر اولڭز١٦ مسیحك كلامی سزده غنیلك اوزره هر حكمت ایله ساكن اولسون و بری بریكزه تعلیم و نصیحت ایدوبمزمور و الهی و روحانی اغنیه‌لرله اللهه قلبلركزده لطفله تغنی ایلیڭز١٧ و كرك قولاً كرك فعلاً هر نه یاپار ایسه ڭز جمله‌سنی رب عیسانك اسمیله و انك واسطه‌سیله پدر اللهه تشكر ایده‌رك یاپڭز١٨ ای زوجه‌لر ربده لایق اولدیغی وجه اوزره زوجلركزه مطیع اولڭز١٩ ای زوجلر زوجه‌لركزی سوڭز و انلره آجی معامله ایتمیڭز٢٠ ای اولاد والدینكزه هر خصوصده اطاعت ایدڭز زیرا بو شی ربه مقبولدر٢١ ای پدرلر اولادكزی غضبه كتورمیڭز اولمایه‌‌كه انلره فتور كلسون٢٢ ای قوللر هر خصوصده تن حسبیله افندیڭز بولنانلره كوزه كورونمك ایچون اولان خدمتله انسانی خوشنود ایدنلر كبی دكل آنجق اللهدن قورقه‌رق صافدرونلقله اطاعت ایدڭز٢٣ و میراث اجرینی ربدن آله‌جغكزی بیله‌رك هر نه كه یاپار ایسه ڭز انسان ایچون دكل آنجق رب ایچون كبی جاندن یاپڭز٢٤ زیرا رب مسیحه قوللق ایدرسڭز٢٥ اما حقسزلق ایدن ایتدیكی حقسزلغه كوره آله‌جقدر و خاطره رعایت یوقدر.