١
١ عیسی المسیحك قوللری پولس و طیموتاوس فیلیپیده عیسی المسیحده اولان جمله مقدّسلر و اپسقپوسلر ایله شماسلره٢ سزه پدرمز الله و رب عیسی المسیح طرفندن عنایت و سلامت اولسون.٣ سزڭ ایلك كوندن شمدی‌یه دكین بشارته اولان مشاركتكزدن طولایی٤ دائما جمله‌ڭز ایچون هر بر نیازمده مسرّتله نیاز ایده‌رك٥ سزی هر ذكر ایتدیكمده اللهمه شكر ایدرم٦ و همان شوكا یعنی سزده بر ایوایشه باشلامش اولان عیسی المسیحك كوننه‌دك انی تكمیل ایده‌جكنه امین ایم٧ نته كیم جمله ڭز حقنده بو افكارده بولنمق بڭا لایقدر چونكه كرك بندلرمده و كرك بشارتی وقایه و اثبات ایتدیكمده بنم ایله برابر عنایته مشترك اولدیغڭز اجلدن سزی قلبمده حفظ ایدرم٨ زیرا سزڭ جمله كزه عیسی المسیحك درونی محبتیله نصل مشتاق اولدیغمه الله شاهدمدر٩ و بو دعایی ایدرم كه١٠ مختلف شیلری تمییز ایتمك اوزره محبتڭز علمده و هر فهمیده كیتدكجه آرتسون تا كه سز اللهك حمد و ثناسی ایچون عیسی المسیح واسطه‌سیله اولان صلاح میوه‌لرندن مملو اوله‌رق١١ مسیحك كوننه‌دك خالص و قصورسز بولنه‌سڭز١٢ لكن ای برادرلر استرمكه بنم احوالم بشارتك ترقی ایتمسنه دها زیاده سبب اولدیغنی بیله‌سڭز١٣ شویله كه مسیح ایچون اولان بندلرم بتون سرایده و سائر محللرك جمله‌سنده ظاهر اولدی١٤ و ربده اولان برادرلردن نیچه‌لری بندلرمدن یوركلنوب دها زیاده جسارتلنه‌رك كلامی قورقوسز سویله‌مكده بولنیورلر١٥ واقعا بعض كیمسه‌لر همان حسد و نزاع و بعضیسی ایسه حسن رضا ایله مسیحی وعظ ایدرلر١٦ انلر مسیحی خالصانه دكل آنجق بندلرمه ثقلت علاوه ایده‌جكلر ظنیله منازعه‌دن١٧ بونلر ایسه بشارتك وقایه‌سی ایچون تعیین اولندیغمی بیله‌رك محبتدن وعظ ایدرلر١٨ هر نه ایسه و نه وجهله اولورسه اولسون كرك صورةً كرك حقیقةً مسیح تبشیر اولنیور و بوكا سوینرم همدخی سوینه‌جكم١٩ زیرا دعاڭز و عیسی المسیحك روحنك معاونتیله بونڭ بڭا خلاص سببی اوله‌جغنی بیلورم٢٠ نصل كه هیچ بر شیده محجوب اولمایه‌جغمه فقط هر وفت اولدیغی كی شمدی دخی عمر واسطه‌سیله اولسون اولوم واسطه‌سیله اولسون جسدمده كمال جسارتله مسیحه تعظیم ایدیله‌جكنه اشتیاقله منتظر و امیدوار ایم٢١ زیرا بڭا یاشامق مسیحدر و اولمك كاردر٢٢ و تنده یاشامق فی الواقع بڭا ایشك ثمره‌سی ایسه ینه قنغیسنی سچه‌جكمی بیلمم٢٣ زیرا ایكی طرفدن صیقلورم انتقال ایدوب مسیح ایله برابر بولنمق آرزوسنده ایم كه بو غایت زیاده اولی‌در٢٤ و لكن سزڭ ایچون تنده قالمق الزمدر.٢٥ و بوكا قانمش اوله‌رق بیلورمكه سزڭ ایمانده ترقیڭز و مسرّتڭز ایچون جمله ڭز ایله برلكده طوروب قاله‌جغم٢٦ تا كه تكرار یانكزه كلمكلكم سببیله عیسی المسیحده بنم ایچون افتخارڭز آرتسون٢٧ آنجق مسیحك بشارتنه لایق اولدیغی وجه اوزره حركت ایدڭز تا كه گلوب سزی كورسه‌مده غائب اولسه‌مده حقكزده بر روحده ثابت قالدیغكزی بشارته اولان ایمان ایچون كوكل برلكیله مجاهده ایده‌رك مخالفت ایدنلردن بر خصوصده خوف ایتمدیككزی ایشیده‌یم٢٨ بو ایسه انلره هلاك و سزه خلاص علامتیدر بو دخی اللهدندر.٢٩ چونكه یالڭز مسیحه ایمان ایتمك دكل آنجق انك ایچون الم چكمك دخی سزه احسان اولندی٣٠ مادامكه سز بنده گورمش ایدیكڭز و شمدی حقمده ایشیتدیكڭز همان اول جهادده بولنیورسڭز