٦
١ ای اولاد كندی والدینكزه ربده مطیع اولڭز زیرا بو حقدر.٢ پدركه و والده‌كه حرمت ایله (وعد ایله برنجی امر بو در)٣ تا كه سڭا خیر گلوب یر اوزرنده عمرك اوزون اوله٤ سز دخی ای پدرلر اولادكزی غضبه كتورمیوب آنجق ربك تربیه و نصیحتنده انلری پرورده ایدڭز٥ سز دخی ای قوللر تن جهتیله افندیڭز بولنانلره مسیحه مطیع اولور كبی قورقو و دتره‌مه ایله قلبكزك ساده‌لكیله مطیع اولڭز٦ كوزه كورونمك ایچون اولان خدمتله انسانی خوشنود ایدر كبی دكل آنجق مسیحك قوللری كبی اللهك ارادتنی جاندن اجرا ایلیه‌رك٧ ادملره دكل آنجق ربه كبی خوشنودیله قوللق ایدڭز٨ زیرا بیلورسڭز كه هر كس هر نه خیر ایشلر ایسه كرك قول اولسون كرك آزاد اولسون همان بونی رب طرفندن آله‌جقدر٩ و سز ای افندیلر سزڭ دخی افندیڭز سماده بولندیغنی و انك عندنده خاطر صایمق اولمادیغنی بیله‌رك تهدیدی تركله انلره همان بو منوال اوزره معامله ایلیڭز١٠ الحاصل [ای برادرلرم] رب ایله و انك قدرتنك قوتیله قوتلنڭز١١ شیطانك دسیسه‌لرینه قارشو طورمغه مقتدر اولماڭز ایچون اللهك جمله سلاحلرینی قوشانڭز١٢ زیرا بزم جنكمز قان و تن ایله اولمایوب آنجق ریاستلر و حكومتلر و بو عالمك ظلمتنك حكمدارلری و سماویاتده اولان شریر روحلر ایله‌در١٣ بو سببدن شرّ كوننده قارشو طورمغه و هر شیئی تكمیل ایتد كدنصكره ثابت قدم اولمغه مقتدر اولمڭز ایچون اللهك جمله سلاحلرینی اوزركزه آلڭز١٤ ایمدی بلكزی حقیقتله قوشادوب و صلاح زرهنی كییوب ثابت قدم اولڭز١٥ و ایاقلر كزه سلامت بشارتنك تداركنی كیڭز١٦ و كافه‌سی اوزرینه ایمان قلقاننی آلكزكه انكله شریرك جمله قیزغین اوقلرینی سوندرمكه قادر اوله‌جقسڭز١٧ و خلاصك مغفرینی و روحك سیفنی یعنی اللهك كلامنی آله‌رق١٨ هر زمان هر دعا و نیازله روحده دعا ایدڭز و همان بوكا جمله مقدّسلر ایچون كمال مداومتله نیازه اویانق طورڭز١٩ بنم ایچون دخی نیاز ابدڭز كه یولنده زنجیر بند اوله‌رق ایلچیلك ایتدیكم بشارتك سرّینی جسارتله بیلدرمك ایچون آغزمك آچلمسنه بڭا كلام ویریله.٢٠ تا كه سویله‌مك بڭا واجب اولدیغی اوزره انده جسارتلنه‌یم.٢١ لكن بنم احوال و كیفیتم سزه دخی معلوم اولمق اوزره جمله‌سنی سزه سوكیلو برادر و ربده صادق خدمتجی تیخیكوس افاده ایده‌جكدر٢٢ و انی همان بونڭ ایچون طرفكزه كوندردمكه حقمزده خبرڭز اولسون و قلبكزه تسلی ویرسون٢٣ پدر الله و رب عیسی المسیح طرفندن برادرلره سلامت و ایمانله محبت اولسون٢٤ ربمز عیسی المسیحی خالصانه سونلرك جمله‌سنه عنایت اولسون آمین.