١
١ پولس انسان طرفندن دكل و انسان واسطه‌سیله دكل آنجق عیسی المسیحك و انی اولولردن احیا ایدن پدر اللهك طرفندن رسول اوله‌رق٢ و بنم ایله برابر بولنان جمله برادرلر غلاطیا كلیسالرینه٣ پدر الله طرفندن و پدرمز اللهك ارادتنه كوره بو حاضر یارامز دنیادن بزی خلاص ایتمك اوزره كناهلرمز ایچون كندینی تسلیم ایتمش اولان ربمز عیسی المسیح طرفندن٤ سزه عنایت و سلامت اولسون٥ اللهه ابدالاباد حمد اولسون آمین.٦ سزی مسیحك عنایتنه دعوت ایدندن بشقه بر بشارته بویله چارچابك دوندیككزه تعجّب ایدرم٧ بو دخی بشقه دكلدر آنجق سزی مضطرب ایدن و مسیحك بشارتنی تحریف ایتمك استیان بر طاقم كیمسه‌لر واردر٨ لكن اگر بز یاخود سمادن بر ملك بیله بزم سزه تبشیر ایتدیكمز بشارتدن غیریسنی سزه تبشیر ایدر ایسه ملعون اولسون٩ مقدّما دیدیكمز كبی شمدی دخی ینه دیرمكه اگر بر كیمسه قبول ایتدیككزدن بشقه بر بشارت سزه تبشیر ایدر ایسه ملعون اولسون١٠ زیرا شمدی ادملرك رضاسنی‌می یوقسه اللهك رضاسنی‌می ارارم یاخود ادملری خوشنود ایتمك آرزوسنده‌می ایم زیرا اگر ادملری خوشنود ایتسه ایدم آرتق مسیحك قولی اولماز ایدم١١ ای برادرلر طرفمدن سزه تبشیر اولنان بشارتك انسانه كوره اولمادیغنی بیلدررم١٢ زیرا بن نه انی انساندن آلدم نه‌ده تعلیم اولندم آنجق عیسی المسیحك وحیی ایله آلدم١٣ زیرا بنم بر زمان دیانت یهودیه‌ده اولان حركتلرمی یعنی اللهك كلیساسنه حددن زیاده تعدّی و انی خراب ایتمكده اولدیغمی١٤ و اجدادمك روایتلرینه زیاده‌سیله غیرتلو اوله‌رق ملتمده بولنان چوق اقرانمدن زیاده دیانت یهودیه‌ده ترقی ایلدیكمی ایشیتمشسڭز١٥ لكن بنی والده‌مك رحمندن آیروب كندی عنایتی واسطه‌سیله دعوت ایدن الله١٦ طائفه‌لر اراسنده تبشیر ایتمه‌م ایچون كندی اوغلنی بڭا كشف ایتمكی مناسب كوردیكی وقتده درحال تنه و قانه طانشمادم١٧ همدخی اورشلیمه بندن اوّل رسول اولانلرك یاننه چیقمایوب فقط عربستانه كیتدم و ینه دمشقه عودت ایتدم١٨ اندن اوچ سنه صكره بطرس ایله كوروشمك اوزره اورشلیمه چیقوب یاننده اون بش كون مكث ایلدم١٩ و لكن رسوللردن ربك قارنداشی یعقوبدن غیریسنی كورمدم٢٠ و سزه یازمقده اولدیغم شیلر خصوصنده یالان سویله‌مدیكم اللهك حضورنده عیان‌‌در٢١ اندنصكره سوریه ایله قیلیقیه سمتلرینه گلدم٢٢ و مسیحده اولان یهودیه كلیسالرینه شخصاً شانلمش دكل ایدم٢٣ آنجق بزه بر زمان تعدّی ایدن مقدّما خراب ایتدیكی ایمانی شمدی تبشیر ایدیور دیو خبر آله‌رق٢٤ حقمده اللهه حمد ایدرلر ایدی.