١٣
١ طرفكزه كله‌جكم بو اوچنجی دفعه‌در ایكی یا اوچ شاهدك آغزیله هر سوز ثابت قیلنه‌جقدر٢ اوّلا سویله‌دم و ایكنجی دفعه حاضر كبی پیشین سویله‌یورم و غائب اوله‌رق بن مقدما كناه ایدنلره و سائرلرك جمله‌سنه شمدی یازارمكه تكرار كلدیكمده اسركه‌میه‌جكم.٣ چونكه مسیحك بنده سویله‌مسنك بر برهاننی ارایورسڭز او دخی سزڭ ایچون ضعیف اولمایوب آنجق اراكزده قوتلودر٤ چونكه ضعیفلكه صلب اولندی ایسه‌ده اللهك قدرتیله یاشایور كذلك بز دخی انده ضعیف ایسه كده ینه اللهك قدرتیله سزڭ ایچون انك ایله برابر یاشایه‌جغز٥ ایمانده‌میسڭز دیو كندیكزی تجربه ایدڭز. كندیكزی امتحان ایلیڭز یوقسه كندیكزی یعنی عیسی المسیح سزده بولندیغنی بیلمزمیسڭز مكركه مردود بولنمش اوله‌سڭز٦ اما اومارمكه بزم مردود اولمادیغمزی بیله‌جكسڭز٧ و بر كملك ایتمه‌مڭز ایچون اللهه نیاز ایدرم نیازم دخی بزم مقبول كورونمه‌مز ایچون دكل آنجق بز مردود كبی اولسه‌ق بیله سزڭ خیر ایشله‌مڭز ایچوندر٨ زیرا حقیقته مغایر بر شی یاپه‌مایوب آنجق حقیقت ایچون یاپه‌ییلورز٩ زیرا بز ضعیف اولوب سز ایسه قوتلو اولدیغڭز زمان مسرور ایز و نیازمز دخی سزڭ كمالڭز ایچوندر١٠ بو سببدن غائب ایكن بو شیلری یازیورم تا كه حاضر ایكن ربك خرابیت ایچون دكل آنجق معموریت ایچون بڭا ویردیكی حكومته كوره شدتله معامله ایتمیه‌یم١١ نهایت ای برادرلر صاغ اوله‌سڭز. كامل و متسلی و هم افكار اولوب سلامت اوزره اولڭز و محبت و سلامت منبعی اولان الله سزڭ ایله اوله‌جقدر١٢ مقدّس اوپشله یكدیكر كزی سلاملایڭز١٣ جمله مقدّسلر سزه سلام ایدر١٤ رب عیسی المسیحك عنایتی و اللهك محبتی و روح القدسك مشاركتی جمله‌‌ڭز ایله اولسون آمین.