١
١ اللهك ارادتیله عیسی المسیحك رسولی اولمق اوزره دعوت اولنان پولس و برادر سوسطانس٢ اللهك قورنطوسده اولان كلیساسنه یعنی عیسی المسیحده تقدیس اولنوب مقدّسلر اولمق اوزره دعوت اولنان كیمسه‌لر ایله انلرك و بزم ربّمز! اولان عیسی المسیحك اسمنه هر یرده دعا ایدنلرڭ جحمله‌سنه٣ پدرمز الله و رب عیسی المسیح طرفندن سزه عنایت و سلامت اولسون.٤ عیسی المسیحده سزه احسان اولنان اللهك عنایتی ایچون سزڭ حقكزده دائما اللهمه شكر ایدرم٥ كه مسیحك شهادتی سزده ثابت اولندیغی كبی٦ انڭ ایله هر خصوصده هر كلامده و هر علمده غنی اولدیڭز٧ شویله كه ربمز عیسی المسیحك ظهورینه منتظر اوله‌رق هیچ بر موهبه‌ده نقصانڭز یوقدر٨ او دخی ربمز عیسی المسیحك كوننده تهمتسز اولمڭز ایچون سزی نهایته دكین ثابت قیله‌جقدر.٩ سزی كندی اوغلی ربمز عیسی المسیحك مشاركتنه دعوت ایدن الله صادقدر١٠ ای برادرلر سزه ربمز عیسی المسیحك اسمیله رجا ایدرم كه جمله كزك سوزی بر اولسون و اراكزده اختلاف اولمایوب كاملاً هم افكار و هم رأی بولنه‌سڭز١١ زیرا ای برادرلرم كلوانك خانه‌سی طرفندن سزڭ حقكزده بڭا خبر ویرلدیكه اراكزده منازعه‌لر واردر١٢ بونی دیمك استرمكه سزدن هر بری بن پولسك و بن اپولوسك و بن كفاسك و بن مسیحك ایم دیر١٣ مسیح تقسیم‌می اولندی. سزڭ ایچون پولس می صلب اولندی یوقسه پولسك اسمنه‌می وافتیز اولندیڭز.١٤ سزدن كریسپوس ایله غایوسدن ماعدا كیمسه‌یی وافتیز ایتمدیكم ایچون اللهه شكر ایدرم١٥ كه بر كیمسه بنم اسممه وافتیز اولندیڭز دیمسون١٦ و استفاناسك خانه‌سی خلقنی دخی وافتیز ایتدم بوندن بشقه بر كیمسه‌یی وافتیز ایدوب ایتمدیكمی بیلمم١٧ زیرا مسیح بنی وافتیز ایتمك ایچون دكل آنجق بشارتی تبشیر ایتمك ایچون ارسال ایلدی بو دخی مسیحك خاچی بیهوده اولمامق ایچون كلام حكمتیله اولمادی١٨ زیرا خاچه دائر اولان كلام اهل هلاك اولانلره سفاهتدر لكن بز اهل خلاص اولانلره قوة اللهدر١٩ زیرا حكمت صاحبلرینك حكمتنی محو و اكلایشلولرك اكلایشنی ابطال ایده‌جكم دیو یازلمشدر٢٠ نره‌ده حكمت صاحبی نره‌ده كاتب. بو عالمك بحث ایدیجیسی نره‌ده‌در. الله دنیانك حكمتنی سفاهته چویرمدیمی٢١ زیرا اللهك حكمتنجه دنیا كندی حكمتی واسطه‌سیله اللهی بیلمدیكندن وعظك سفاهتی واسطه‌سیله الله ایمان ایدنلری خلاص ایلمكی مناسب گوردی٢٢ چونكه یهودیلر علامت طلب ایدرلر و یونانیلر حكمت ارارلر٢٣ فقط بز صلب اولنمش مسیحی یعنی یهودیلره تو ڭز و یونانیلره سفاهت٢٤ لكن دعوت اولنانلره یهودی اولسون یونانی اولسون قوة الله و حكمة الله اولان مسیحی وعظ ایدرز٢٥ زیرا اللهك سفیه اولان شیئی انسانلردن حكمتلودر و اللهك ضعیف اولان شیئی انسانلردن قوتلودر٢٦ ای برادرلر دعوتكزه باقڭز. تن حسبنجه چوق حكمتلولر چوق قوتلولر چوق اصلزاده‌لر دعوت اولنمادی٢٧ لكن الله حكمت صاحبلرینی خجل ایتمك ایچون دنیانك سفیه شیلرینی انتخاب ایتدی و الله قوتلو شیلری خجل ایتمك ایچون دنیانك ضعیف شلرینی انتخاب ایلدی٢٨ و الله موجود اولان شیلری ابطال ایتمك ایچون دنیانك ادنی شیلرینی و تحقیر اولنان و هیچ حكمنده اولان شیلری انتخاب ایتدی٢٩ كه اللهك حضورند هیچ بر بشر افتخار ایتمیه٣٠ و سز اندن عیسی المسیحده‌سڭز اوّل كه بزم ایچون الله طرفندن حكمت و صلاح و تقدیس و فدیه اولدی٣١ تا كه یازلدیغی وجهله افتخار ایدن كیمسه رب ایله افتخار ایتسون