١٦
١ كنخریا كلیساسنده خادمه اولان همشیره‌مز فیبه‌یی سزه توصیه ایدرم٢ كه مقدّسلره لایق اولدیغی صورتله انی ربده قبول ایدوب هر قنغی مصلحتده سزه محتاج اولور ایسه اڭا یاردم ایده‌سڭز زیرا كندیسیده نیچه‌لره و بڭا دخی معاونت ایتمشدر٣ عیسی المسیحده امكداشلرم اولان بریسكیلا ایله اكویلاسه سلام ایدڭز٤ انلر جانم ایچون كندی بویونلرینی قودیلر. انلره یالڭز بن دكل آنجق طائفه‌لرڭ جمله كلیسالری دخی متشكردرلر٥ و انلرك خانه‌سنده اولان كلیسایه و آسیانك مسیح ایچون ایللك میوه‌سی اولان سوكیلوم اپنیتوسه سلام ایدڭز٦ سزڭ ایچون چوق امك چكمش اولان مریمه سلام ایدڭز٧ اقربامدن و حبس رفیقلرم اولوب رسوللر آراسنده معتبر همده بندن اوّل مسیحده بولنان اندرونیقوس و یونانیه سلام ایدڭز٨ ربده سوكیلوم اولان امپلیاسه سلام ایدڭز٩ مسیحده امكداشمز اوربانوسه و سوكیلوم ایستاخیسه سلام ایدڭز١٠ مسیحده مقبول اپلاسه سلام ایدڭز. ارستوبولوسك خانه‌سندن اولانلره سلام ایدڭز١١ اقربامدن اولان هرودیونه سلام ایدڭز. نرقیسوسك خانه‌سندن بولنوب ربده اولانلره سلام ایدڭز١٢ ربده امك چكن طریفینه‌یه و طریفوسه‌یه سلام ایدڭز. ربده چوق امك چكمش اولان سوكیلو پرسیسه سلام ایدڭز١٣ ربده منتخب اولان روفوسه و بنم والده‌م اولان انڭ والده‌سنه سلام ایدڭز١٤ اسینقریتوس و فیلاغون و هرماس و پطورپاس و هرمیسه و انلر ایله برابر اولان برادرلره سلام ایدڭز١٥ فیلولوغوس ایله یولیا و نیریاس ایله انڭ همشیره‌سنه و اولیمپاسه و انلر ایله برابر بولنان جمله مقدّسلره سلام ایدڭز١٦ بری بریكزه مقدّس اوپشله سلام ایدڭز. مسیحك كلیسالری سزه سلام ایدرلر.١٧ ای برادرلر سزه رجا ایدرمكه اوكرندیكڭز تعلیمه مغایر فرقه و توكزلره سبب اولانلره دقت ایدوب انلردن صاقنه‌سڭز١٨ زیرا بو مقوله كیمسه‌لر ربّمز! {عیسی} المسیحه دكل آنجق كندی قارنلرینه خدمت ایدوب خوش سوزلر و مدیحیه‌لرله صافدرونلرك قلبلرینی الدادرلر١٩ زیرا سزڭ اطاعتڭز جمله‌یه شایع اولدی بونڭ ایچون سزڭ حقكزده مسرور ایم اما استرمكه سز خیر ایچون عاقل و شرّ ایچون ساده‌دل اوله‌سڭز٢٠ و سلامت منبعی اولان الله شیطانی ایاقلركزك آلتنده سریعاً ازه‌جكدر. ربّمز! عیسی المسیحك عنایتی سزڭ ایله اولسون {آمین}.٢١ امكداشم طوموتاوس و اقربامدن اولان لوقیوس و یاسون و سوسیپاتروس سزه سلام ایدرلر٢٢ بن ترتیوس كه بو رساله‌یی یازدم سزه ربده سلام ایدرم٢٣ بنم و بتون كلیسانك مهمانداری اولان غایوس سزه سلام ایدر. شهر امینی ارسطوس و قوارتوس برادر سزه سلام ایدرلر٢٤ {ربّمز! عیسی المسیحك عنایتی جمله ایله اولسون آمین}.٢٥ و بنم بشارتم و عیسی المسیح وعظی مو جبنجه و ازلی زمانلردن برو خفی طوتیلوب شمدی اظهار اولنان٢٦ و ازلی و ابدی اولان اللهك امری مو جبنجه پیغمبر كتابلری واسطه‌سیله ایمانه اطاعت ایچون جمله ملتلره بیلدریلان سرّك كشف اولنمسنه كوره سزی ثابت قیلمغه قادر اولان٢٧ یاكلز عالم اللهه عیسی المسیح واسطه‌سیله الی الالد حمد اولسون آمین.