١٥
١ و بز كه قوتلو ایز كندی نفسمزی خوشنود ایتمیوب ضعیف اولانلرك ضعیفلكلرینه تحمل ایتمكه بورجلو ایز٢ بزدن هر بری قو كشوسنك معموریتی بابنده خیری ایچون انی خوشنود ایتسون٣ زیرا سڭا ستم ایدنلرك ستملری اوزریمه دوشدی دیو یازلدیغی اوزره مسیح دخی نفسی خوشنود ایتمدی٤ زیرا مقدّما یازیلان شیلر بزم تعلیممز ایچون یازلمش ایدی تا كه صبرله و كتابلرك تسلیسیله امیده مالك اوله‌لم٥ و صبر و تسلی منبعی اولان الله سزه عیسی المسیحه كوره بری بریڭز ایله هم افكار اولمغی احسان ایلیه٦ كه یكدل و یكزبان اوله‌رق ربمز عیسی المسیحك پدری اللهی تمجید ایده‌سڭز٧ بو اجلدن مسیح دخی اللهك عزتی ایچون بزی قبول ایلدیكی مثللو سز دخی بری بریكزی قبول ایدڭز٨ ایمدی دیرمكه [عیسی] المسیح اجداده اولان وعدلری ثابت قیلمق اوزره اللهك حقیقتی ایچون ختان خدمتجیسی اولدی٩ طائفه‌لر دخی اللهه مرحمتی ایچون حمد ایده‌لر نته‌كیم بو سببدن طائفه‌لر اراسنده سڭا حمد ایدوب سنڭ اسمكهمزمور اوقویه‌جغم دیو یازلمشدر١٠ و ینه ای طائفه‌لر انك قومی ایله برابر مسرور اولڭز بیورر١١ و ینه ای جمله طائفه‌لر ربه تسبیح ایدڭز و ای جمله قوملر اڭا ثنا ایلیڭز١٢ و ینه اشعیا یسی‌دن بر كوك حاصل اولوب طائفه‌لره حكومت ایتمك ایچون ظهور ایده‌جكدر و طائفه‌لرك امیدی انده اوله‌جقدر دیو بیورر١٣ و روح القدسك قوتیله امید كزك آرتمسی ایچون امیدك منبعی اولان الله سزی اینانمقده كمال مسرّت و سلامتله مملو قیلسون١٤ ای برادرلرم بن كندم دخی سزڭ حقكزده قاندم كه سز خیرله مملو و هر علمله طولو اولوب بری بریكزه نصیحت ایتمكه قادرسڭز١٥ اما ای برادرلر طائفه‌لر ایچون عیسی المسیحك خدمتجیسی اولوب طائفه‌لر تقدسه‌سی روح القدس واسطه‌سیله تقدیسی اولنه‌رق مقبول اولمسی ایچون اللهك بشارتنده كاهنلك اجرا ایتمكلكم خصوصنده١٦ الله طرفندن بڭا احسان اولنان عنایت سببیله اخطار ایدر كبی سزه بعض خصوصلرده بر آز جسارتله یازدم١٧ ایمدی اللهه متعلق اولان شیلرده عیسی المسیح ایله افتخار ایده‌بیلورم١٨ زیرا طائفه‌لرك اطاعتی ایچون علامتلر و معجزه‌لرك قوتی و روح الهك قدرتیله قولاً و فعلاً مسیحك بنم واسطه‌مله ایشلمدیكی بر شیئی سویله‌مكه جسارت ایتمم١٩ بو وجهله مسیحك بشارتنی اورشلیمدن طولاشه‌رق ایللر یقونه قدر تماماً تبشیر ایلدم٢٠ و اخرك تملی اوزرینه بنا ایتمه‌مك ایچون شو و جهله غیرت ایتدم كه تبشیر بشارتم مسیحك اسمی ذكر اولندیغی محلده اولمایوب٢١ آنجق انك حقنده خبری اولمایانلر كوره‌جك و ایشیتمش اولمایانلر اكلایه‌جقدر دیو یازلدیغی اوزره اولسون٢٢ بو اجلدن دخی طرفكزه كلمكدن دفعاتله منع اولندم ایسه‌ده٢٣ شمدی بو سمتلرده آرتق بڭا یر قالمایوب چوق سنه دنبرو سزه كلمكه آرزوكش اولدیغمدن٢٤ اسپانیایه كیده‌جكم زمان [سزه كلورم زیرا] كچر ایكن اوّلا سزڭ ایله كوریشوب بر مقدار سزه طویدقدنصكره طرفكزدن اورایه طوغری كوندرلمك امیدنده‌ایم٢٥ شمدی ایسه مقدّسلره خدمت ایتمك اوزره اورشلیمه گیدیورم٢٦ زیرا اورشلیمده اولان مقدّسلرك فقراسنه بر اعانه ایتمك ماكدونیه‌لو و اخائیالولره خوش كوروندی٢٧ خوش كوروندی همدخی انلره بورجلودرلر زیرا طائفه‌لر بونلرك روحانی شیلرینه حصه‌دار اولدقلری حسبیله جسمانی شیلرده دخی انلره خدمت ایلمكه بورجلودرلر٢٨ ایمدی بونی تكمیل ایدوب انلره بو میوه‌یی تسلیم ایتدكدن صكره یانكزدن كچه‌رك اسپانیایه كیده‌جكم٢٩ و بیلورمكه سزه كلدیكمده مسیحك بشارتنك كمال بر كتیله كله‌جكم٣٠ ای برادرلر ربمز عیسی المسیح ایله و روحك محبتیله سزه یالواررمكه٣١ یهودیه‌ده بولنان ایمانسز كیمسه‌لردن خلاص بولوب اورشلیم ایچون اولان خدمتم مقدّسلره مقبول اولسون دیو بنم ایچون و بنم ایله برابر اللهه دعا ایتمكده جهد ایده‌سڭز٣٢ تا كه اللهك ارادتیله طرفكزه مسرّتله گلوب سزڭ ایله برابر استراحت ایده‌یم٣٣ و سلامت منبعی اولان الله جمله‌ڭز ایله اولسون آمین