١٤
١ ایمانده ضعیف اولانی شك و شبهه‌لره حكم ایتمك مقصدیله اولمایه‌رق قبول ایدڭز٢ بری هر شیئی ییه‌بیلورم اعتقادنده‌در لكن ضعیف اولان سبزه‌وات ییر٣ ییان یمییانی تحقیر ایتمسون و یمییان ییانی حكم ایتمسون زیرا الله انی قبول ایتمشدر٤ سن كیمسین كه غیرینك خدمتكارینی حكم ایدرسین . او كندی افندیسنك نظرنده طورور و یاخود دوشر و لكن طوره‌جقدر زیرا الله انی طوردرمغه قادردر.٥ كیمی بر گونی دیكر كوندن اوستون طوتار و كیمی هر گونی مساوی طوتار. هر كس كندی ذهننده قانمش اولسون٦ كونه اعتبار ایدن رب ایچون اعتبار ایدر و كونه اعتبار ایتمیان رب ایچون اعتبار ایتمز. ییان رب ایچون ییر زیرا اللهه شكر ایدر یمییان دخی رب ایچون یمییوب اللهه شكر ایدر٧ زیرا بزدن كیمسه كندیسی ایچون یاشاماز و كیمسه كندیسی ایچون اولمز٨ زیرا یاشادیغمز حالده رب ایچون یاشارز و اولدیكمز حالده رب ایچون اولورز ایمدی یاشار ایسه كده اولور ایسه كده ربك ایز٩ چونكه مسیح بونڭ ایچون یعنی اولولر و دیر یلر اوزرینه سلطنت ایتمك ایچون اولدی و [قیام ایدوب] ینه یاشادی١٠ لكن سن نیچون قارنداشكی حكم ایدرسین یاخود سن نیچون قارنداشكی تحقیر ایدرسین زیرا جمله‌مز مسیحك محكمه‌سنه احضار اولنه‌جغز١١ زیرا رب بیورر كه حیاتم حقی ایچون هر كس بڭا دیز چوكه‌جك هر دیل اللهه حمد ایده‌جكدر دیو یازلمشدر١٢ بوكا بناءً بزدن هر بری كندیسی ایچون اللهه حساب ویره‌جكدر.١٣ بو تقدیرده آرتق بری بریمزی حكم ایتمیه‌لم آنجق دها زیاده برادر اوكنه تو ڭز یا سورچمك سببی قومامغه قرار ویرڭز١٤ بیلورم و رب عیساده قاندم كه هیچ بر شی حدّ ذاتنده ناپاك دكلدر فقط بر شیئی ناپاك عد ایدن كیمسه‌یه اول شی اڭا ناپاكدر١٥ اما اگر قارنداشك طعام سببیله مكدر اولور ایسه آرتق سن محبت اوزره یورومیورسین سنڭ طعامكله اوغورینه مسیحك اولدیكی كیمسه‌یی سن هلاك ایتمه.١٦ ایمدی سزڭ خیر ڭز تقبیح اولنماسون١٧ زیرا ملكوت الله ییه‌جك ایچه‌جك دكل آنجق صلاح و سلامت و روح القدسله مسرت‌در١٨ زیرا بونلرله مسیحه خدمت ایدن كیمسه اللهك عندنده مقبول و ادملر عندنده مستحسندر١٩ بوكا بناءً سلامته و یكدیكرمزك معموریتنه باعث اولان شیلره سعی ایده‌لم٢٠ طعام سببیله اللهك ایشنی خراب ایتمه واقعا هر شی طاهردر فقط توڭز ویره‌رك ییان ادمه كوتودر٢١ ات ییمه‌مك و شراب ایچمه‌مك و برادركه توڭز یاخود سورچمه یاخود ضعیفلكه سبب اولان ایشده بولنمامق ایودر.٢٢ ایمانك وارمی. انی اللهك حضورنده كندكده حفظ ایله. نه مباركدر اول كیمسه‌كه تحسین ایتدیكی شیده كندی علیهنه حكم ایتمز.٢٣ لكن شبهه ایدن كیمسه ییدیكی تقدیرده ایمانله یمیدیكی ایچون محكومدر زیرا ایماندن اولمایان هر شی كناهدر