١
١ اللهك ارادتیله عیسی المسیحك رسولی پولس افسوسده بولنان مقدّسلره و عیسی المسیحده بولنان مؤمنلره٢ پدرمز الله و رب عیسی المسیح طرفندن سزه عنایت و سلامت اولسون٣ مبارك اولسون ربمز عیسی المسیحك پدری الله كه بزی سماویاتده مسیح واسطه‌سیله هپ روحانی بر كتلره نائل ایلدی٤ نته كیم كندی حضورنده محبتده مقدّس و لكه‌سز اولمه‌مز ایچون دنیانك قورلمسندن اوّل بزی انده انتخاب ایلدی٥ و سوكیلوسنده بزی مظهر ایلدیكی جلیل عنایتنك مدحی ایچون٦ كندی ارادتنك رضاسنه كوره كندینه عیسی المسیح واسطه‌سیله بزی اوغللغه تقدیر ایلدی٧ انده دخی بز قاننك واسطه‌سیله فدیه‌یه٨ یعنی بزه‌هر بر حكمت و فهمله بول بول ویردیكی عنایتك غنیلكنه كوره كناهلرك عفوینه مالك ایز.٩ و ازلدنبرو كندیسنده تصمیم ایلدیكی حسن رضاسنه كوره كندی ارادتنك سرّینی١٠ یعنی وقتلرك تمامینی اداره‌سنده هر شیئی كرك سماواتده كرك یر یورنده بولنان شیلری مسیحده برلشدره‌جكنی بزه بیلدردی١١ انك واسطه‌سیله هر شیئی كندی ارادتنك تدبیرینه كوره اجرا ایدنك مرادی موجبنجه تقدیر اولنمغله وارثته نائل اولدق١٢ تا كه بز مسیحه اوّل امید ایدنلر انك جلالنك مدحی ایچون اوله‌لم١٣ و اڭا سز دخی حقیقتك كلامی اولان خلاصكزك بشارتنی ایشیدوب امید ایتدیڭز. و اڭا ایمان ایتمكله وعد اولنان روح القدسله مهرلندیكر١٤ بو دخی ملكمزك فدیه اولنمسنه‌دك انك جلالنك مدحی ایچون وارثتمزك پیپدر١٥ بو اجلدن بن دخی رب عیسایه اولان ایمانكزی و جمله مقدّسلره اولان محبتكزی ایشیتمكله١٦ سزڭ ایچون شكر ایتمكدن فراغت ایتمیه‌رك سزی دعالرمده ذكر ایدرم١٧ تا كه ربمز عیسی المسیحك اللهی جلالك پدری انی بیلمك خصوصنده سزه حكمت و وحی روحنی احسان بیورمسیله١٨ قلبكزك كوزلری تنویر اولنه شویله كه انك دعوتنك امیدی نه و مقدّسلرده انك میراثنك جلالنك غنیلكی نه١٩ و انك قدرتنك قوتی اجراسنه كوره بز مؤمنلر حقنده قدرتنك فوق العاده اولان عظمتی نه اولدیغنی بیله‌سڭز٢٠ بونی دخی مسیحده انی اولولردن احیا ایتمكله اجرا ایدوب٢١ انی هر ریاست و حكومت و قدرت و سلطنتك و یالڭز بو دنیاده دكل آنجق آخرتده دخی یاد اولنان هر اسمك مافوقنده سماویاتده كندی صاغنده اوتورتدی٢٢ و هر شیئی انك ایاقلری آلتنه مطیع قیله‌رق انی هر خصوصده كلیسایه رئیس نصب ایلدی٢٣ بو دخی انك جسدی اولوب جمله‌یی هر شیده اكمال ایدنك كمالیدر