٦
١ ای برادرلر اگر بر ادم غافلاً بر خطاده طوتلور ایسه سز كه روحانی‌سڭز بویله كیمسه‌یی حلم روحیله اصلاح ایدڭز و بونڭ ایله برابر كندیكی صاقن سن دخی اغوا اولنمایه‌سین٢ بری بریكزك آغرلقلرینی طاشیڭز و بویله‌جه مسیحك شریعتنی اتمام ایلیڭز٣ زیرا اگر بر كیمسه بر شی دكل ایكن كندینی بر شی ظن ایدر ایسه كندینی آلدادور٤ اما هر كس كندی عملنی موازنه ایتسون و او زمان غیریسیله دكل یالڭز كندیسیله افتخاری اوله‌جق٥ زیرا هر كس كندی یوكنی طاشیه‌جقدر.٦ كلامده تعلیم اولنان كیمسه معلمنی هر كونه نعمتلردن حصه‌دار ایلسون٧ آلدانمایڭز الله استهزا اولنماز زیرا ادم هر نه اگر ایسه همان انی بیچه‌جكدر٨ چونكه كندی تنی ایچون اكن تندن هلاك بیچه‌جك و روح ایچون اكن روحدن ابدی حیات بیچه‌جكدر٩ لكن خیر ایشلمكدن اوصانمایه‌لم زیرا كوشه‌مدیكمز تقدیر‌ده موسمنده بیچه‌جڭز١٠ حال بویله ایكن وقتمز اولدقجه هر كسه خصوصا اهل ایمان اولانلره ایولك ایده‌لم١١ باقڭز كندی المله سزه نصل یازیلر یازدم١٢ تن حسبیله كوزل كورونمك استیانلر سزی ختان اولنمغه ابرام ایدرلر بو دخی آنجق مسیحك خاچی سببندن تعدّی كورمه‌ملری ایچوندر١٣ زیرا ختان اولنانلر كندیلر بیله شریعتی حفظ ایتمیوب آنجق سزڭ تنكزله افتخار ایتملری ایچون سزڭ ختان اولنمكزی استیورلر١٤ لكن حاشا كه بن ربمز عیسی المسیحك خاچندن غیری بر شیله افتخار ایده‌یم. انك واسطه‌سیله دنیا بڭا بن دخی دنیایه صلب اولندم١٥ زیرا عیسی المسیحده نه ختان نه ده ختانسزلق بر شیئه یارار آنجق یكی مخلوق اولمق لازمدر١٦ و بو قانون اوزره یوروینلرك كافه‌سی اوزرینه و اللهك اسرائیلی اوزرینه سلامت و مرحمت اولسون١٧ بوندن بویله كیمسه بڭا زحمت ویرمسون زیرا بن جسدمده رب عیسانك بره‌‌لرینی طاشیورم١٨ ای برادرلر ربمز عیسی المسیحك عنایتی سزڭ روحڭز ایله اولسون آمین