٢
١ زیرا سزڭ و لاودیقیاده بولنانلر و یوزمی جسدده كورمه‌مش اولانلرك جمله‌سی ایچون نه قدر جهدم اولدیغنی بیلمكزی استرم٢ تا كه انلرك قلبلری تسلی بوله و محبتده برلشه‌رك و كمال فهمك هر بر غنیلكنه یعنی بدر اللهك و مسیحك سرّینی بیلمكه نائل اوله‌لر٣ انده حكمتك و علمك جمله خزینه‌لری محفوظدر٤ بونی ایسه كیمسه سزی اغفال ایدیجی سوزلرله اضلال ایتمه‌مسی ایچون سویله‌یورم٥ زیرا تنجه غائبده ایسه‌مده روحجه سزڭ ایله برابر ایم و حسن نظامكزی و مسیحه اولان ایمانكزك ثباتنی كوروب شاد اولیورم٦ ایمدی رب عیسی المسیحی نصل قبول ایتدیڭز ایسه انده بویله یورویڭز٧ و انده كوكلنمش و معمور اولمش و تعلیم اولندیغڭز وجهله ایمانده ثابت قیلنمش اوله‌رق شكر ایله بونده ترقی ایدڭز٨ صاقنڭز بر كیمسه سزی مسیحه كوره اولمایه‌رق انسان روایتنه كوره و دنیانك اركاننه كوره فیلسوفلق و باطل حیله ایله اسیر آلماسون٩ زیرا الوهیتك هر كمالی جسدجه انده ساكندر١٠ و او هر ریاست و حكومتك باشی اولوب سز انده مكمل‌سڭز١١ همدخی انده تنه متعلق كناهلرك وجودندن مسیحك ختانیله صوینوب ال ایله اولمامش ختانله دخی ختان اولندیڭز١٢ و انك ایله برابر وافتیزده كومیلوب بونده دخی انی اولولردن احیا ایدن اللهك قدرتنه اولان ایمان واسطه‌سیله انك ایله برابر احیا اولندیڭز١٣ و سزی خطالرده و تنكزك ختانسزلغنده اولمش ایكن جمله خطالرمزی عفو ایده‌رك برابرنجه احیا ایلدی١٤ و بزه قارشو اولوب بزه مخالف اولان نظامات خطنی رسید ایلیوب خاچه دخی میخلایه‌رق انی اورته‌دن قالدردی١٥ و ریاستلر ایله حكومتلری صویوب انلره انڭ واسطه‌سیله مظفر اوله‌رق انلری اشكاره تشهیر ایلدی.١٦ ایمدی ییمك یا ایچمك یا بیرام یا آی باشی یا سبت كونلری خصوصنده كیمسه سزی حكم ایتمسون١٧ چونكه بونلر كله‌جك شیلرڭ كولكه‌سی اولوب جسم ایسه مسیحكدر١٨ كیمسه تواضعله و ملكلر دیانتیله كورمدیكی شیلره مداخله ایتمك استیه‌رك سزی اجر كزدن محروم قوماسون١٩ بو مقوله كندی تنه تابع اولان عقلیله بیهوده یره تكبر ایدوب باشه باغلانماز. بتون بجد ایسه اوناقلر و باغلر واسطه‌سیله اندن معاونت آلوب تركیب اولنه‌رق الهك بیوتمسیله بیور٢٠ ایمدی اگر مسیح ایله برابر دنیانڭ اركاننه اولدیڭز ایسه نیچون دنیاده یاشایانلر كبی٢١ انسان امرلرینه و تعلیماتنه كوره طوقونمه طاتمه یوقلامه بیوران قانونلره امتثال ایدرسڭز٢٢ (بونلرك كافه‌سی ایسه قولانمغله زوال بولور)٢٣ واقعا بو شیلرده عبادت نافله و تواضع و جسده شفقتسزلق ایله حكمت صورتی وار ایسه‌ده اعتباره شایان اولمایوب آنجق نفسی اقناع ایدر