١٠
١ و بن پولس كه اراكزده ایكن متواضع اما غائب ایكن سزه طوغری جسارتلو ایم مسیحك حلم و لطافتیله سزه‌كندم رجا ایدرم٢ نیاز ایدرم كه یانكزده بولندیغمده بزه تنجه كزر نظریله باقان بعض كیمسه‌لر حقنده جسارت ایتمك نیتنده اولدیغم اعتمادله جسور بولنمایه‌یم٣ زیرا تنده اوله‌رق كزر ایسه‌كده تنجه جنك ایتمیورز٤ چونكه جنكمزك سلاحلری جسمانی اولمایوب حصارلر ییقمق ایچون اللهك عونیله قوتلودر٥ و اللهی بیلمكلك علیهنه قالقشان تصوراتی و هر یوكسك شیئی ییقه‌رق جمله افكاری مسیحك اطاعتنه اسیر ایدرز٦ سزڭ اطاعتڭز دخی تمام اولدیغنده هر اطاعتسزلقدن انتقام آلمغه حاضر ایز.٧ صورت ظاهره‌یه می باقارسڭز. اگر بر كیمسه مسیحك ایم دیه‌رك كندینه اعتماد ایدر ایسه كندیلكندن شونی‌ده دوشونسونكه كندیسی مسیحك اولدیغی كبی كذلك بز دخی [مسیحك ایز]٨ زیرا ربك خرابیتڭز ایچون دكل آنجق معموریتڭز ایچون بزه ویردیكی حكومتمزدن طولایی بر آز دها زیاده افتخار ایده‌جك اولور ایسه‌مده محجوب اولمایه‌جغم٩ بونی دیرم تا كه مكتو بلرله سزی قورقودر كبی كورونمیه‌یم١٠ زیرا بری دیور كه مكتوبلری آغر و قوتلودر لكن جسدینك كوروشی ضعیف و كلامی حقیردر١١ بو مقوله كیمسه بز غائب ایكن مكتوبلر واسطه‌سیله كلامده نصل ایسه‌ك حضورده عملده دخی اویله بولنه جغمزی دوشونسون١٢ زیرا كندمزی كندی كندیلرینی توصیه ایدن بعض كیمسه‌لر ایله عدّ ایتمكه همده انلره قیاس ایتمكه جسارت ایتمیز. فقط انلر كندیلرینی كندیلریله اولچوب كندیلرینی كندیلرینه قیاس ایتملریله فهم ایتمزلر.١٣ لكن بز اولچیدن خارج شیلرله دكل آنجق سزه قدر واصل اولمق اوزره اللهك بزه تقسیم ایتدیكی قانونك اولچیسنه كوره افتخار ایده‌جڭز١٤ زیرا سزه واصل اولمادق كبی حدمزی تجاوز ایتمیورز چونكه مسیحك بشارتنده سزه قدر بیله واصل اولدق١٥ غیریلرك امكلری حقنده اولچیدن خارج شیلرله افتخار ایتمكده اولمایوب ایمانڭز آرتدقجه قانونمزه كوره سزڭ ایله زیاده ككشلنورز١٦ و بشقه‌سنك قانونیله حاضر شیلر ایچون افتخار ایتمیه‌رك بشارتی سزدن اوته اولان یرلرده وعظ ایتمك امیدنده ایز١٧ لكن افتخار ایدن رب ایله افتخار ایتسون١٨ زیرا كندی كندینی توصیه ایدن دكل آنجق ربك توصیه ایتدیكی كیمسه مقبولدر.