٧
١ ایمدی ای سوكیلولر بو وعدلرمز وار ایكن كندمزی جسدك و روحك هر نوع مردارلغندن پاكلیه‌رك الله قورقوسیله قدسیتی اكمال ایده‌لم٢ بزی قبول ایدڭز. كیمسه‌یه حقسزلق ایتمدك. كیمسه‌یی افساد ایتمدك. كیمسه‌یه غدر ایتمدك٣ سزه قارشو حكم ایچون سویله‌میورم زیرا سزڭ ایله برابر اولمك و برابر یاشامق اوزره قلبلرمزده‌سڭز دیو مقدّما سویله‌دم٤ حقكزده جسارتم چوقدر. سزڭ ایچون افتخارم چوقدر. تسلی ایله مملو ایم. جمله مضایقه‌مزده مسرّتم غایتله طاشقیندر٥ چونكه ماكدونیه‌یه كلدیكمزده وجودمز هیچ بر راحت بولمادی. طیشاریدن غوغالر ایچریدن قورقولر هر طرفدن مضایقه چكر ایدك٦ و لكن متواضعلره تسلی ویرن الله تیطوسك وصولیله بزی متسلی قیلدی٧ و یالڭز انك وصولیله دكل آنجق انك سزدن طولایی متسلی اولدیغی تسلیله دخی مسرور اولدق چونكه بزه اشتیاق و فغانكزی و بنم ایچون اولان غیرتكزی خبر ویرمسیله بن زیاده مسرور اولدم٨ زیرا اگر سزی مكتوبله محزون ایتدم ایسه هر نه قدر پشیمان اولدم ایسه‌ده شمدی پشیمان دكل ایم زیرا گوریورم كه اول مكتوب آز بر مدت ایچون ایسه‌ده سزی محزون ایلدی٩ فقط شمدی محزون اولدیغڭز ایچون دكل آنجق محزون اولمڭز توبه‌یه سبب اولدیغی ایچون مسرور ایم زیرا اللهك ارادتنه كوره محزون اولدیڭز تا كه بزدن بر وجهله بر ضرر كورمیه‌سڭز١٠ چونكه اللهك ارادتنه كوره اولان حزن خلاصه سبب اولان و پشیمانلق كتورمیان توبه حاصل ایدر اما دنیانك حزنی اولوم حاصل ایدر١١ زیرا اشته همان بو اللهك ارادتنه كوره محزون اولمڭز سزده نه قدر جهد نه قدر اعتذار نه قدر غضب نه قدر قورقو نه قدر اشتیاق نه قدر غیرت نه قدر انتقام حاصل ایتدی. هر وجهله كند گزی بو خصوصده پاك كوستردیڭز.١٢ ایمدی سزه یازشم اوّل حقسزلغی ایشلیان ایچون یاخود اول حقسزلغی كورن ایچون اولمایوب آنجق اللهك حضورنده بزم سزدن طولایی همتمزك سزه اظهار اولنمسی ایچون ایدی١٣ بو سببدن سزڭ تسلیكزدن طولایی متسلی اولدق و تیطوسك مسرّتی اوزرینه دها زیاده مسرور اولدق چونكه انك روحی جمله ڭز واسطه‌سیله استراحت ایلدی١٤ زیرا اڭا سزڭ ایچون بر وجهله افتخار ایتدم ایسه محجوب اولمادم فقط سزه هر شیئی طوغری سویله‌دیكمز مثللو بزم تیطوسك یاننده ایتدیكمز افتخار دخی طوغری بولندی.١٥ و او جمله كزك اطاعتنی یعنی كندینی نصل قورقو و دتره‌مه ایله قبول ایتدیككزی خاطرینه كتوردیكنده سزه اولان محبتی ارتار١٦ ایمدی هر شیده سزه اعتمادم اولدیغی ایچون مسرور ایم