٥
١ زیرا بیلورز كه اگر قولبه اولان اشبو زمینی خانه‌مز بوز یلور ایسه الله طرفندن ابدی بر بنامز یعنی سماواتده ال ایله یاپلمامش خانه‌مز واردر٢ فی الواقع بونده سمادن اولان مسكنمزی كینمك اشتیاقیله آه چكرز٣ باری كینمش اولسه‌ق چپلاق بولنمایه‌جغز٤ زیرا بز كه بو قولبه‌ده ایز یوك آلتنده اوله‌رق آه چكیورز چونكه صونیمق دكل آنجق فانی اولانك حیاته غرق اولمسی ایچون كینمك اسنرز٥ و بزی همان بو شیئه حاضرلایان همده بزه روحك پینی ویرن اللهدر٦ بونڭ ایچون دائما اعتماد ایدر و بیلورز كه تنده حاضر ایكن ربدن غائب ایز٧ زیرا كورونانلرله دكل آنجق ایمانله یورورز٨ ایمدی اعتماد ایدرز و تندن غائب و ربك یاننده حاضر بولنمغی دها زیاده آرزو ایدرز٩ بو اجلدن دخی كرك حاضر كرك غائب ایسه‌ك انك عندنده مقبول اولمغه غیرت ایدرز١٠ زیرا مسیحك محكمه‌سنه جمله‌مزك چیقمسی لازمدر كه هر بری كندی عمللرینه كوره كرك خیر كرك شر جسدده یاپدیغی شیلره نائل اوله١١ بوكا بناءً بز رب قورقوسنی بیله‌رك ادملری قاندرورز و اللهك عندنده اظهار اولنمش ایز و اومارم كه سزڭ ضمیرلركزده دخی اظهار اولنمش ایز١٢ زیرا كندمزی ینه سزه توصیه ایتمیورز فقط قلبده دكل آنجق ظاهرده افتخار ایدنلره بر مخالفتڭز اولمق اوزره بزم حقمزده سزه افتخار ایچون بر فرصت ویریورز١٣ زیرا اگر دیوانه اولمش ایسه‌ك الله ایچوندر و اگر عقلمز تام ایسه سزڭ ایچوندر١٤ چونكه مسیحك محبتی بزی مجبور ایدر. زیرا اگر بری جمله ایچون اولدی ایسه بوندن تحقیق ایدرزكه جمله‌سی اولدی١٥ و او جمله‌نك یولنه اولدی كه یاشایانلر آرتق كندیلری ایچون دكل آنجق كندیلرینك یولنه اولن و قیام ایدن ایچون یاشایه‌لر١٦ شویله كه بوندن بویله بز هیچ بر كیمسه‌یی تن حسبیله طانیمایوب حتی مسیحی تن حسبیله طانیدق ایسه‌ده شمدی آرتق طانیمایز١٧ ایمدی اگر بر كیمسه مسیحده ایسه یكی مخلوقدر اسكی شیلر كچدی اشته هر شی یكی اولدی١٨ لكن هر شی كندیسی ایله بزی عیسی المسیح واسطه‌سیله صلح ایدن و بزه مصالحه خدمتنی ویرن الله طرفندندر١٩ یعنی الله دنیایی صوچلرینی صایمایوب كندیسی ایله مسیحده صلح ایتمكده اوله‌رق مصالحه كلامنی بزه تسلیم ایتدی٢٠ ایمدی مسیح طرفندن ایلچیلك ایده‌رك الله بزم واسطه‌مزله رجا ایدر كبی الله ایله صلح اولمكزی مسیح طرفندن یالوارورز٢١ زیرا بز انده اللهك صالحلری اوله‌لم دیو كناه بیلمیانی بزم ایچون كناهكار عدّ ایلدی.