٣
١ كندمزی ینه توصیه ایتمكه‌می باشلایورز یوقسه بعضلری كبی طرفكزه توصیه‌نامه‌لره یاخود طرفكزدن توصیه‌لره‌می محتاج ایز٢ قلبلرمزده یازلمش و جمله ادملرك طانیوب اوقودقلری مكتوبمز سزسڭز٣ چونكه بزم خدمتمز واسطه‌سیله مركبله دكل آنجق حی اولان اللهك روحیله طاش لوحه‌لره دكل آنجق قلبك ات لوحه‌لرینه یازلمش اولان مسیحك مكتوبی سز اولدیغڭز آشكاردر٤ مسیحك واسطه‌سیله دخی اللهه بویله اعتمادمز واردر٥ و لكن بالذات كندیلمكزدن كبی بر شی كندمز تفكر ایتمكه مستعد اولمایوب استعدادمز اللهدندر٦ او دخی بزی عهد جدیدك یعنی حرفك دكل آنجق روحك خدمتجیلری اولمغه مستعد قیلدی زیرا حرف اولدرر اما روح احیا ایدر٧ و اگر حرفلرله طاشلر اوزرینه حك اولنان اولوم خدمتی بنی اسرائیل موسانك یوزینه انك فانی جلالی سببندن نظر قیله‌مادقلری درجه‌ده جلیل اولدی ایسه٨ روحك خدمتی دها زیاده جلیل اولمامسی نصل اولور٩ زیرا محكومیت خدمتی جلیل اولدیغی تقدیرده دها زیاده صلاح خدمتی جلالده آرته‌جقدر١٠ زیرا جلاله مظهر اولان بیله بو خصوصده یعنی دها اعلا جلاله نسبتله جلیل دكل ایدی١١ چونكه فانی اولان جلیل اولدی ایسه باقی اولان نه قدر زیاده جلیل اولور١٢ ایمدی بویله امیدمز وار ایكن چوق جسارت ابراز ایدرز١٣ و بنی اسرائیل فانی نسنه‌نك نهایتنه نظر قیلماملری ایچون موسی كندی یوزینه نقاب قودیغی كبی ایتمیز١٤ اما انلرك ذهنلری كورلنمش ایدیكندن عهد عتیق اوقوندیغنده اول تقاب بو كونه قدر رفع اولنمامش طوریور او دخی مسیحده ابطال اولنور١٥ و لكن تا بو كونه دكین موسانك كتابی اوقوندیغنده نقاب انلرك قلبی اوزرنده باقیدر١٦ اما ربه رجوع ایتدكلرنده نقاب قالدریله‌جقدر١٧ ایمدی رب روحدر و ربك روحی هر نره‌ده ایسه حرّیت اوراده در١٨ بزم جمله‌مز ایسه ربك جلالنی آیینه‌ده كبی نقابسز یوزله سیر ایده‌رك كویا ربك روحی طرفندن همان اوّل صورته جلالدن جلاله تبدیل اولنورز