٤
١ ایمدی ای سو كیلو و رغبتلو برادرلرم مسرّتم و تاجم بو وجه اوزره ربده ثابت قالڭز ای سو كیلولر.٢ ربده هم افكار اولملرینی اوودیایه رجا ایدرم و سینتیخایه رجا ایدرم.٣ كذلك ای خالص رفیق سڭا دخی رجا ایدرمكه كلامس و اسملری حیات كتابنده موجود بولنان سائر امكداشلرم ایله برابر بشارتده بنم ایله جهد ایتمش اولان مرقومه‌لره معاونت ایده‌سین٤ ربده دائما مسرور اولڭز. ینه دیورم مسرور اولڭز٥ سزڭ لطافتڭز جمله ادملره معلوم اولسون. رب یاقیندر٦ هیچ بر شی ایچون اندیشه ایتمیه‌رك خصوصا هر شیده دعا و نیازله رجالرڭز تشكرله برابر اللهه بیلدرلسون٧ و اللهك هر عقلدن یوجه اولان سلامتی قلبلرڭز ایله فكرلركزی عیسی المسیحده محفوظ ایلیه‌جكدر٨ الحاصل ای برادرلر هر نه كه حق و معتبر و عادلانه و پاك و مرغوب و مقبول ایسه یعنی اگر بر فضیلت و اگر بر مدح وار ایسه همان بو شیلری تفكر ایدڭز٩ اول تعلیم اولنوب قبول ایتدیكڭز و ایشیدوب بنده كوردیكڭز شیلری اجرا ایدڭز و سلامت منبعی اولان الله سزڭ ایله اوله‌جقدر١٠ عاقبت حقمده اولان همتڭز تازه‌لندیكنه ربده زیاده‌سیله مسرور اولدم. واقعا همت ایدر ایدیڭز لكن فرصتڭز یوغیدی١١ بویله سویله‌یشم ضرورت جهتندن دكلدر زیرا بن بولندیغم حالده قناعت ایتمكی اوكرندم١٢ یوقسوللق چكمكیده بیلورم بوللقده بولنمغیده بیلورم. هر خصوصده جمله شیلرده طوق اولمغه‌ده آج اولمغه‌ده رفاه حالده بولنمغه‌ده محتاج اولمغاده تربیه اولندم١٣ بڭا قوت ویرن [مسیح] ایله هر شیئه مقتدر ایم١٤ و لكن مضایقه‌مده بڭا مشاركت ایلدیككزه ایو ایتدیڭز١٥ ای فیلیپیلولر بشارتك ابتداسنده ماكدونیادن چیقدیغم زمان آلمق و ویرمك خصوصنده سزدن غیری هیچ بر كلیسانك بڭا مشاركت ایتمدیكی سزڭ دخی معلومكزدر١٦ زیرا سلانیكده بولندیغم وقتده دخی احتیاجمی دفع ایچون بر ایكی دفعه كوندردیڭز١٧ بن عطیه طلبنده دكل ایم اما سزڭ حسابڭز ایچون چوغالان ثمره‌یی طلب ایدیورم١٨ لكن هر شیئم وار و بوللقده‌ایم. اپافرودیتوس واسطه‌سیله طرفكزدن گلان شیلری آلمش اولوب طولوایم و بونلر ایسه اللهه خوش و مقبول قربان و خوش رایحه‌در١٩ و اللهم كندی غنیلكنه كوره عزتله عیسی المسیحده سزڭ هر بر احتیاجكزی اكمال ایده‌جكدر٢٠ پدرمز اللهه ابدالاباد حمد اولسون آمین.٢١ عیسی المسیحده هر بر مقدّسه سلام ایدڭز٢٢ یانمده اولان برادرلر سزه سلام ایدرلر٢٣ جمله مقدّسلر و باخصوص قیصرك سراییدن اولانلر سزه سلام ایدرلر٢٤ ربمز عیسی المسیحك عنایتی سزڭ جمله ڭز ایله اولسون آمین.