١٤
١ محبته سعی ایدڭز و روحانی موهبه‌لره خصوصا الهامله سویله‌مكه غیرت ایدڭز٢ زیرا غریب لسان سویلیان كیمسه ادملره دكل آنجق اللهه سویلر چونكه كیمسه اكلاماز واقعا روحله سرّلر سویلر٣ اما الهامله سویلیان معموریت و نصیحت و تسلی ایچون ادملره سویلر٤ لسان سویلیان كندینی معمور قیلار اما الهامله سویلیان كلیسایی معمور قیلار٥ و استرمكه سز جمله ڭز لسانلر سویلیه‌سڭز فقط دها زیاده الهامله سویلیه‌سڭز زیرا الهامله سویلیان لسانلر سویلیاندن بیوكدر مكر كلیسانك معموریتی ایچون ترجمه ایده٦ و شمدی ای برادرلر اگر لسانلر سویلیه‌رك یانكزه گلور ایسه‌م سزه یا وحی یاخود علم یا الهام یا تعلیمله سویله‌مدكجه سزه نه فائده ایتمش اولورم٧ و سس ویرن جانسز شیلر بیله كرك دودوك و كرك طنبور اولسون صدالرنده فرق كوسترمدكجه دودوكله یا طنبورله چالنان شی نصل اكلاشیلور٨ زیرا بورو دخی اگر نا معلوم صدا ویرر ایسه جنكه كیم حاضرلانه جقدر٩ كذلك سز دخی لسانله آچیق بر سوز سویله‌مز ایسه ڭز سویلنیلان نل اكلاشیلور زیرا هوایه سویله‌مش اولورسڭز١٠ واقعا دیباده بو قدر متنوع سسلر وار و انلردن هیچ بری معناسز دكلدر١١ بو بویله ایكن اگر سسك قوتنی بیلمز ایسه‌م بن سویلیانه باربار سویلیان دخی بڭا باربار اولور١٢ بویله‌جه سز دخی روحانی موهبه‌لره راغب اولدیغڭز جهتله كلیسانك معموریتی ایچون آرتمكزی طلب ایدڭز١٣ بو اجلدن لسان سویلیان ترجمه ایتمسی ایچون دعا ایتسون١٤ زیرا اگر بر غریب لسانله دعا ایدر ایسه‌م روحم دعا ایدر اما ذهنم ثمره‌سز قالور١٥ ایمدی نه اولور روحله دعا ایده‌یم ذهنله دخی دعا ایده‌یم. روحلهمزمور اوقویه‌یم ذهنله دخیمزمور اوقویه‌یم١٦ یوقسه اگر روحله بركت اوقور ایسه‌ك جاهل مقامنده طوران سنڭ نه دیدیككی بیلمدیكی اجلدن سنڭ تشكركه آمین نصل دیه‌ببلور١٧ واقعا سن ایو تشكر ایدیورسین لكن دیكری معمور اولماز١٨ اللهه شكر ایدرمكه جمله كزدن زیاده لسانلر سویلرم.١٩ فقط غریب لسانده اون بیك سوز سویله‌مكدن ایسه دیكرلره دخی تعلیم ایتمك اوزره ذهنمله كلیساده‌بش سوز سویله‌ممی دها ایو صایارم.٢٠ ای برادرلر عقل جهتیله چوجوق اولمایوب آنجق شرّ جهتیله معصوم اولڭز اما عقل جهتیله كامل اولڭز٢١ شریعتده یازلمشدركه بو قومه غریب لسانلرله و غریب دوداقلرله سویلیه‌جك ایسه‌مده ینه بنی دیكله‌میه‌جكدر دیو رب بیورر٢٢ حالبوكه لسانلر مؤمنلره دكل انجق مؤمن اولمایانلره علامت ایچون اولوب الهامله سویله‌مك ایسه مؤمن اولمایانلر ایچون دكل آنجق مؤمنلر ایچوندر٢٣ ایمدی بتون كلیسا بر یره جمع اولدیغی زمان جمله‌سی لسانلر سویلر ایسه و جاهللر یاخود مؤمن اولمایانلر ایچری‌یه كیرر ایسه چلدرمشسڭز دیمیه‌جكلرمی٢٤ و لكن اگر جمله‌سی الهامله سویلر ایكن ایچری‌یه مؤمن اولمایان یاخود جاهل كیرر ایسه جمله طرفندن الزام جمله طرفندن امتحان ایدیلور٢٥ و بو وجهله قلبنك كیزلو شیلری ظاهر اولمغله فی الحقیقه الله اراكزده‌در دیو اقرار ایده‌رك یوزی اوزری دوشوب اللهه سجده قیله‌جقدر٢٦ و الحاصل ای برادرلر حال نه‌در جمع اولدیغڭز زمان سزدن هر برینكمزموری وار تعلیمی وار لسانی وار وحی وار ترجمه‌سی وار. هر شی معموریت ایچون اولسون٢٧ و بر كیمسه لسان سویلر ایسه ایكی و نهایت اوچ كشی اولوب صره ایله سویله‌سونلر و بر كیمسه دخی ترجمه ایتسون٢٨ اما ترجمان یوق ایسه كلیساده سكوت ایتسون و كندی كندیسنه و اللهه سویله‌سون٢٩ الهامله سویلیانلردن ایكی یا اوچ كیشی سویله‌سون و دیكرلری تمییز ایتسونلر٣٠ و اوتورانلردن دیكر برینه وحی كله‌جك اولور ایسه اوّلكیسی سكوت ایتسون٣١ زیرا جمله‌سنك تعلیم و تسلیمی ایچون جمله‌ڭز برر برر الهامله سویلیه‌بیلورسڭز٣٢ و الهامله سویلیانلرك روحلری الهامله سویلیانلره مطیعدر٣٣ زیرا الله تشویشه باعث اولمایوب مقدّسلرك جمله كلیسالرنده اولدیغی كبی باعث سلامتدر٣٤ كلیسالرده نسا ڭز سكوت اینسونلر زیرا سویله‌مكه رخصتلری اولمایوب آنجق شریعتك دخی بیوردیغی اوزره مطیع اولملیدرلر٣٥ اما بر شی اوكرنمك استدكلرنده خانه‌ده كندی زوجلرینه سؤال ایتسونلر زیرا كلیساده سویله‌مك نسایه عیبدر٣٦ اللهك كلامی سزدن‌می چیقدی یاخود یالڭز سزه‌می یتشدی٣٧ اگر بر كیمسه كندی كندینی الهامه مالك یا روحانی ظن ایدر ایسه سزه یازدیغم شیلرك ربك تنبیهلری اولدیغنی تحقیقاً بیلسون٣٨ اما اگر بر كیمسه بیلمز ایسه بیلمسون٣٩ ایمدی ای برادرلر الهامله سویله‌مكه غیرت ایدوب لسان سویله‌مكی‌ده منع ایتمیڭز٤٠ هر شی حسن حركت و انتظام اوزره اولسون.