١٠
١ ای برادرلر بو شیلردن بیخبر اولمكزی استمم یعنی اجدادمزك جمله‌سی بولوتك آلتنده ایدیلر جمله‌سی دكزدن كچدیلر٢ و جمله‌سی بولوتده و دكزده موسایه وافتیز اولدیلر٣ و جمله‌سی همان عینی روحانی ییه‌جكی ییوب٤ جمله‌سی همان عینی روحانی ایچه‌جكی ایچدیلر زیرا رفاقت ایدن روحانی قبادن ایچرلر ایدی اول قیا دخی مسیح ایدی٥ لكن الله انلرك اكثرندن راضی اولمادی زیرا برّیه‌ده یره سریلوب قالدیلر٦ بو شیلر بزه عبرت ایچون اولدبلر تا كه انلرك طمع ایتدكلری مثللو كوتو شیلردن طمع ایتمیه‌لم٧ و انلرك بعضلری اولدیغی كبی بتپرست اولمایه‌سڭز نته كیم قوم ییمكه و ایچمكه اوتوروب اوینامغه قالقدیلر دیو یازلمشدر٨ و زنا ایتمیه‌لم نته كیم انلردن بعضلری زنا ایتملریله بر كونده یكرمی اوچ بیك دوشدی٩ و ربی تجربه ایتمیه‌لم نته‌كیم انلردن بعضلری دخی تجربه ایتملریله ییلانلردن تلف اولدیلر١٠ و سویلنمیڭز نته كیم انلردن بعضلری دخی سویلنملریله هلاك ایدیجینك الیله هلاك اولدیلر١١ و بونلرك جمله‌سی عبرت ایچون انلره وقوع بولور ایدی و بزه كه عصرلرك نهایتنه واصل اولدق نصیحت اولمق اوزره یازلدی١٢ ایمدی طوریورم ظن ایدن دوشمكدن صاقنسون١٣ سزه انسانه متعلق اولان تجربه‌دن غیری بر شی اصابت ایتمدی اما الله صادق اولوب سزی اقتداركزدن زیاده تجربه‌یه بر اقمایه‌جق آنجق تحمله مقتدر اولمڭز ایچون تجربه ایله برابر خلاص چاره‌سی دخی ویره‌جكدر١٤ بونڭ ایچون ای سوكیلولرم بتپرستلكدن قاچڭز١٥ عقللولره سویلر كبی سویلرم. سویله‌دیكمی سز حكم ایدڭز١٦ بركت اوقودیغمز بركت كاسه‌سی مسیحك قاننك مشاركتی دكلمیدر. پاره‌لدیكمز اتنمك مسیحك جسدینك مشاركتی دكلمیدر١٧ چونكه بز چوق اوله‌رق بر اتمك بر جسد ایز زیرا جمله‌مز بر اتمكدن حصه‌دار ایز١٨ تن جهتیله اولان اسرائیله دقت ایدڭز. ذبیحه‌لری ییانلر مذبحه مشترك دكللرمیدر١٩ ایمدی نه دیه‌یم بت بر شیمی یاخود بته ذبح اولنان قربان بر شیمیدر٢٠ لكن طائفه‌لر ذبح ایتدكلری شیلری اللهه دكل آنجق جنلره ذبح ایدرلر و استمم كه سز جنلره مشترك اوله‌سڭز.٢١ ایله جنلرك سفره‌سندن حصه‌دار اوله‌مازسڭز٢٢ ربی غیرته تحریك‌می ایده‌لم. اندن قوتلومی ایز.٢٣ بڭا هر شی حلال ایسه‌ده هر شی فائده‌لو دكلدر. بڭا هر شی حلال ایسه‌ده هر شی معمور قیلماز٢٤ بر كیمسه كندینك دكل آنجق هر كس دیكرك منفعتنی اراسون٢٥ قصاب دكاننده هر نه كه صاتیلور ایسه ضمیر ایچون بر شی تفتیش ایتمیهرك ییڭز٢٦ زیرا زمین ایله انده بولنانك كافه‌‌سی ربكدر٢٧ مؤمن اولمایانلردن بری سزی دعوت ایتدیكی حالده سز دخی كیتمك استر ایسه‌ڭز اوككزه هر نه قونیلورسه ضمیر ایچون بر شی تفتیش ایتمیهرك ییڭز٢٨ و لكن بر كیمسه سزه بو ات بته ذبح اولنمشدر دیر ایسه اول خبر ویرن ایچون و ضمیر ایچون یمییڭز٢٩ دیدیكم ضمیر سنڭ دكل آنجق اولبرینك ضمیریدر زیرا بنم سربستلكم نیچون غیرینك ضمیریله حكم اولنه٣٠ اگر بن عنایتله حصه‌دار اولور ایسه‌م نیچون شكر ایتدیكم شیدن طولایی تقبیح اولنه‌یم٣١ و الحاصل كرك ییر ایسه ڭز و كرك ایچر ایسه ڭز و هر نه ایدر ایسه ڭز هر شیئی اللهك عزّتی ایچون ایلبڭز٣٢ نه یهودیلره و نه یونانیلره و نه ده اللهك كلیساسنه توكزه سبب اولمایڭز٣٣ نته كیم بن دخی كندی منفعتمی دكل آنجق نیچه‌لرك منفعتنی ارایه‌رق هر شیده جمله‌یی خوشنود ایدرم كه خلاصه نائل اوله‌لر