٩
١ بن آزاد دكلمی ایم بن رسول دكلمی ایم بن ربمز عیسی المسیحی كورمدممی. ربده سز بنم اثرم دكلمیسڭز٢ اگر غیریلر ایچون دكل ایسه‌م البته سزڭ ایچون رسول ایم زیرا ربده سز رسالتمك مهریسڭز٣ بنی تفتیش ایدنلره جوابم بودر٤ ییوب ایچمكه صلاحیتمز یوقمیدر٥ سائر رسوللر و ربك قارنداشلری و كفاس كبی همشیره اولان بر زوجه یانمزده ڭز درمكه صلاحیتمز یوقمیدر٦ یوقسه ایش ایشلمه‌مكه یالڭز بنم ایله بارناباسك‌می صلاحیتی یوقدر٧ مصرفی كندیسندن اوله‌رق كیم عسكرلك ایدر. كیم باغ دیكرده انك محصولندن ییمز یاخود كیم سوری كودرده سورینك سودندن ییمز.٨ بو سویله‌دیكم انسان سوزیمیدر یوقسه بونلری شریعت دخی سویله‌مزمی٩ زیرا خرمان دوكن اوكوزك آغزینی باغلامایه‌سین دیو موسانك شریعتنده یازلمشدر. الله او كوزلری‌می قایرور١٠ یوقسه هر وجهله بزم ایچونمی سویلر. بلی بزم ایچون یازلمشدر زیرا چفت سورانك امیدله سورمسی و خرمان دوكنك كندی امیدندن حصه‌دار اولمق امیدیله دوكمسی كركدر١١ اگر بز سزه روحانی شیلری اكدك ایسه سزڭ جسمانی شیلركزی بیچه‌جكمز بیوك شیمی اولور.١٢ اگر دیكر كیمسه‌لر اوزر كزه اولان بو صلاحیتدن حصه‌دار اولدیلر ایسه بز دها زیاده اولملی دكلمی ایز. بز ایسه مسیحك بشارتنه بر وجهله مانع اولمامق ایچون بو صلاحیتی استعمال ایتمیوب هر شیئه تحمل ایدرز١٣ بیلمزمیسڭز كه هیكله متعلق امورده خدمت ایدنلر هیكلدن ییرلر و مذبحك خدمتنده بولنانلر مذبحدن حصه‌دار اولورلر١٤ بویله دخی رب بشارتی وعظ ایدنلرك بشارتدن تعیش ایتملرینی تعیین ایلدی١٥ بن ایسه بو شیلرك هیچ برینی استعمال ایتمدم و بڭا بویله معامله اولنسون دیو بو شیلری یازمادم زیرا بر كیمسه افتخارمی ابطال ایتمه‌دن ایسه اولمك بنم ایچون اولیدر١٦ زیرا بشارتی تبشیر ایتدیكم حالده بڭا افتخار سببی دكلدر چونكه مجبوریت آلتنده‌ایم. بلی اگر بشارتی تبشیر ایتمز ایسه‌م وای بڭا١٧ زیرا اگر بونی استیه‌رك ایدر ایسه‌م اجرم وار و لكن اگر استمیه‌رك ایدر ایسه‌م ینه بر وكالت بڭا امانت اولنمشدر١٨ ایمدی اجرم نه در. بشارتی وعظ ایتدیكمده بشارتده اولان صلاحیتمی سوء استعمال ایتمه‌مك ایچون مسیحك بشارتنی مجاناً تبشیر ایتمكدر١٩ زیرا جمله‌نك حكمندن آزاد ایكن دها زیاده كیمسه‌لر قزانمق ایچون كندمی جمله‌سنه قول ایتدم٢٠ و یهودیلری قزانمق ایچون یهودیلره یهودی كبی اولدم. شریعت تحتنده اولانلری قزانمق ایچون شریعت تحتنده اولانلره شریعت تحتنده كبی اولدم٢١ اللهك عندنده كندم شریعتسز اولمایوب آنجق مسیحك شریعتی تحتنده اوله‌رق شریعتسزلری قزانمق ایچون شریعتسزلره شریعتسز كبی اولدم٢٢ ضعیفلری قزانمق ایچون ضعیفلره ضعیف كبی اولدم. هر بر وجهله بعضلرینی خلاص ایتمك ایچون جمله‌یه هر شی اولدم٢٣ جمله‌سنی دخی بشارت ایچون ایدرم كه اڭا مشترك اوله‌یم٢٤ بیلمزمیسڭز كه میدانده سكردانلرك جمله‌سی سكردر ایسه‌ده مسابقت نشاننی بر كیمسه آلور. بویله سكردڭز كه نائل اوله‌سڭز.٢٥ و هر پهلوان هر خصوصده نفسنی ضبط ایدر. انلر بر فانی تاج آلمق ایچون بز ایسه فانی اولمایان بر تاج ایچون ایدرز٢٦ ایمدی بن بویله سكردرم تردد ایدر كبی دكل بویله یومروق اورورم هوایی دوكر كبی دكل٢٧ اما جسدمه جفا ویروب انی قوللغه چكرم تا كه سائرلره وعظ ایتدكدن صكره كندم مردود اولمایه‌یم.