٦
١ سزدن بر كیمسه‌نك دیكری ایله بر دعواسی اولورسه مقدّسلرك حضورنده اولمایوب حقسزلرك حضورنده محاكمه‌یه جسارت ایدرمی٢ مقدّسلر دنیایی حكم ایده‌جكلرینی بیلمز میسڭز و اگر دنیا سزڭ طرفكزدن حكم اولنور ایسه اك كوچوك دعوالرك فصلنه لیاقتڭز یوقمی٣ ملكلری حكم ایده‌جكمزی بیلمز میسڭز نره‌ده قالور دنیوی شیلر٤ ایمدی اگر دنیوی شیلره متعلق محاكمه‌لر ڭز وار ایسه كلیساده اعتباری اولمایانلری حاكم نصب ایدڭز٥ سزی خجل ایتمك ایچون سویله‌یورم سزده عارف كیمسه بر بیله یوقمیدر كه برادرلرینك اراسنده حكم ایتمكه مقتدر اوله٦ لكن برادر برادر ایله بو دخی مؤمن اولمایانلرك حضورنده محاكمه اولور٧ ایمدی یكدیكر ڭز ایله دعوالر ڭز بولنمسی سزه هر وجهله قصوردر. بونی ایتمه‌دن ایسه نیچون حقسزلغه تحمل ایتمزسڭز. بوندن ایسه نیچون غدر كورمكه قائل اولمازسڭز.٨ لكن سز حقسزلق و غدر ایدرسڭز بوده برادرلره‌در٩ بیلمز میسڭز كه حقسز اولانلر ملكوت اللهه وارث اولمایه جفلردر. آلدانمایڭز نه قحبه‌زنلر نه بتپرستلر نه زنا كارلر نه مخنثلر نه لوطیلر١٠ نه خرسزلر نه طمعكارلر نه بكریلر نه شتم ایدیجیلر نه غصب ایدیجیلر ملكوت اللهه وارث اوله‌جقلردر١١ بعضلر ڭز دخی بویله ایدیڭز لكن رب عیسی المسیحك اسمیله و اللهمزك روحیله ییقاندیڭز. تقدیس اولندیڭز همدخی تبریر اولندیڭز.١٢ بڭا هر شی حلال ایسه‌ده هر شی فائده‌لو دكلدر. بڭا هر شی حلال ایسه‌ده بن هیچ بر شیئڭ حكمی آلتنه كیرمم١٣ طعاملر قارن ایچون قارن دخی طعاملر ایچوندر اما الله بونیده انلریده محوه ایده‌جكدر. فقط جسد زنا ایچون دكل آنجق رب ایچوندر و رب جسد ایچوندر١٤ و الله ربی احیا ایلدیكی كبی بزی دخی كندی قدرتیله احیا ایده‌جكدر١٥ جسدلرڭز مسیحك اعضاسی اولدیغنی بیلمز میسڭز ایمدی مسیحك اعضاسنی آلوب فاحشه اعضاسیمی ایده‌یم. حاشا١٦ فاحشه‌یه ملاصق اولان انك ایله یك وجود اولدیغنی بیلمزمیسڭز چونكه ایكیسی یك وجود اوله‌جقلر دیو كتاب بیورر١٧ لكن ربه ملاصق اولان انك ابله بر روح اولور١٨ زنادن قاچڭز. ادمك ارتكاب ایتدیكی هر كناه جسدندن خارجدر اما زنایی ارتكاب ایدن كندی جسدی علیهنه كناه ایدر١٩ بیلمز میسكزكه جسد ڭز الله طرفندن سزه احسان اولنوبده درونكزده بولنان روح القدسك هیكلیدر سز دخی كندیكزك دكلسڭز٢٠ زیرا بها ایله صاتین آلندیڭز بو سببدن اللهه متعلق اولان جسدڭز و روحكزله اللهی تعزیز ایلیڭز