٥
١ هر طرفده ایشیدیلیور كه اراكزده زنا وار بویله زنا كه طائفه‌لرده بیله [ذكر] اولنمایور حتی بر ادم كندی پدرینك روجه‌سنی آلور٢ و سز بو فعلی ارتكاب ایدنك ایچڭزدن دفع اولنمسی ایچون غم چكمد كدن بشقه تكبر بیله ایتدیڭز٣ زیرا بن جسدجه غائب اما روحجه حاضر اوله‌رق شمدی حاضر كبی حكم ایتدمكه٤ سز تجمع ایلدیككزده بنم روحم دخی ربمز عیسی المسیحك قدرتیله برابر حاضر بولنه‌رق بو فعلی بویله‌جه ارتكاب ایدنی٥ تننك هلاكی ایچون ربمز عیسی المسیحك اسمیله شیطانه تسلیم ایده‌سڭز تا كه رب عیسانك كوننده روحی خلاص بوله٦ شو تفاخر ڭز ایو دكلدر. بر آز مایه بتون خمیری مایه لادیغنی بیلمزمیسڭز٧ سز مایه‌سز اولدیغڭز مثللو یكی خمیر اولمق اوزره اسكی مایه‌یی دفع اید ڭز چونكه فصحمز اولان مسیح [بزم ایچون] ذبح اولندی٨ بو صورتله اسكی مایه ایله دكل و شرّ و كوتولك مایه‌سیله دكل آنجق خلوص و حقیقت فطیریله بیرام ایده‌لم٩ زنا كارلر ایله اختلاط ایتمیه‌سڭز دیو سزه مكتوبده یازدم١٠ و ینه بو دنیانك زنا كارلری یا طعمكارلری یا غصب ایدیجیلری ایله یاخود بتپرستلری ایله دكل چونكه اویله اولسه بو دنیادن چیقمڭز لازم گلور١١ اما شمدی اگر برادر آكیلان بر كیمسه زنا كار یا طعمكار یا بتپرست یا شتم ایدیجی یا بكری یا غضب ایدیجی اولور ایسه اختلاط ایتمدكدن ماعدا بویله كیمسه ایله برابر طعام بیله ایتمیه‌سڭز دیو یازدم١٢ زیرا خارجده اولانلری دخی حكم ایتمك نه وظیفه‌مدر. سز داخلده بولنانلری حكم ایتمیورمیسڭز١٣ اما خارجده اولانلری الله حكم ایدر . ایمدی اول كوتو كیمسه‌یی كندی اراكزدن دفع ایدڭز.