٤
١ هر كس بزی مسیحك خدمه‌سی و اللهك سرّلرینك كتخدالری مقامنده طوتسون٢ ایمدی كتخدالردن مطلوب اولان شی صادق بولنملریدر٣ اما سزڭ طرفكزدن یاخود انسان حكمیله حكم اولنمق بنم عندمده پك كوچوك شیدر حتی كندمی كندم بیله حكم ایتمم٤ زیرا كندی حقمده ضمیرم بر شی كوسترمز ایسه‌ده ینه بونكله كندمی صالح عدّ ایتمم آنجق بنی حكم ایدن ربدر٥ ایمدی وقتندن اوّل یعنی رب كلمه‌ینجه هیچ بر شیئی حكم ایتمیڭز او دخی ظلمتك كیزلو شیلرینی آیدینلغه چیقاروب قلبلرك مرادلرینی آشكار ایده‌جكدر. او زمان هر كسك مدحی اللهدن اوله‌جقدر.٦ لكن ای برادرلر بن بو شیلری سزڭ ایچون كندمه و اپوللوسه تمثیلاً نقل ایلدم شو مقصدله كه هیچ بریڭز برینك طرفداری اوله‌رق دیكری علیهنه تكبر ایتمه‌مك ایچون یازلمش اولاندن فضله تفكر ایتمه‌مكی بزدن اوكرنه‌سڭز٧ زیرا سنی ممتاز ایدن كیمدر و سنده آلمادیغك نه شی وار و اگر آلدك ایسه نیچون آلمامش كبی افتخار ایدرسین٨ آرتق طویدیڭز آرتق زنكین اولدیڭز. بز بولنمقسزین سلطنت سوردیڭز و كاشكی سلطنت سوره ایدیكزكه بز دخی سزڭ ایله برابر سلطنت سوره ایدك٩ زیرا ظن ایدرمكه الله قتله محكوم اولانلر مثللو بز رسوللری صكره‌دن كوستردی چونكه دنیایه و ملكلره و ادملره تماشا ایچون اولدق١٠ بز مسیح ایچون سفیه ایز سز ایسه مسیحده عقللوسڭز بز ضعیف ایز سز قوتلوسڭز. سز مكرم‌سڭز بز محقر ایز.١١ بو ساعته دكین آجلق و صوسزلق چكوب چپلاق قالورز ضرب اولنورز و مكان اقامتمز یوقدر١٢ كندی اللرمزله دخی ایشلیه‌رك امك چكرز. شتم اولندیغمزده خیر دعا ایدرز. تعدّی كوردیكمزده تحمل ایدرز١٣ تقبیح اولندیغمزده یالواررز. شمدی‌یه‌دك دنیانك سوپروندیسی و جمله‌نك منفوری اولدق١٤ بونلری سزی خجل ایتمك ایچون یازمایورم آنجق سو كیلو اولادم كبی سزه نصیحت ایدرم١٥ زیرا اگر مسیحده اون بیك معلمڭز بیله اولسه چوق پدرڭز یوقدر زیرا عیسی المسیحده بشارت واسطه‌سیله بن سزی تولید ایتدم١٦ ایمدی بڭا مقتدی اولمكزی سزدن رجا ایدرم١٧ بو اجلدن بنم سو كیلو و ربده صادق اولان اوغلم طیموتاوسی سزه كوندردم او دخی هر یرده هر كلیساده تعلیم ایتدیكم اوزره مسیحده اولان طریقلری سزه اخطار ایده‌جكدر١٨ بعض كیمسه‌لر تكبر ایتدیلر كویا كه سزه كلمیه‌جكم١٩ لكن اگر رب مراد ایدر ایسه سزه تیز كله‌جكم و تكبر ایدنلرك سوزینی دكل آنجق قوتنی بیله‌جكم٢٠ زیرا ملكوت الله سوزله دكل آنجق قوتله‌در٢١ نصل استرسڭز سزه دكنكله‌می یوقسه محبت و حلم روحیله‌می كله‌یم