٢٧
١ و دكزدن ایتالیه‌یه كیتمه‌مز مقرر اولدقده پولسی و دیكر بعض محبوسلری اوغوستوس طابورینك یولیوس نام بر یوز باشیسنه تسلیم ایتدیلر٢ و آسیا طرفلرندن كیتمك اوزره ادریمیدلی بر كمی‌یه بینوب و سلانیكدن اولان ماكدونیه‌لو اریستارخوس بزم ایله برابر اوله‌رق آچیلوب٣ ایرتسی كون صیدایه واصل اولدق و یولیوس پولسه انسانیتله معامله ایده‌رك استراحت ایچون دوستلرینك یاننه كیتمسنه رخصت ویردی٤ و اورادن آچیلوب روزكار مخالف اولمغله قبریسك آلت طرفندن كچوب٥ قیلیقیه و پامفیلیه دڭزینڭ اورته‌سندن كچه‌رك لیقیه‌ده واقع میرایه كلدك٦ و یوز باشی اوراده ایتالیایه كیده‌جك اسكندریه‌لو بر كمی بولوب بزی اڭا بیندردی٧ و بر چوق كونلر آغر آغز گیدوب كوجله كنیدوسك قربنه یتشدیكمزده روزكار بزی براقمادیغندن كریدك آلت طرفندن سلمونه اوكندن كیده‌رك٨ انی كوجله كچوب كوزل لیمانلر دینلان بر محله كلدك. بونڭ قربنده لاسایه نام بر شهر وار ایدی.٩ و خیلی زمان كچد كدنصكره اوروج وقتی حالا كچمش اولدیغندن آرتق دڭز سفری مخاطره‌لو اولمغله پولس انلره نصیحت ایدوب١٠ ای ادملر بو دڭز سفرینك یالڭز یوكه و كمی‌یه دكل بلكه كندی جانلرمزه دخی مشقتلو و چوق ضررلو اوله‌جغنی گوریورم دیدی.١١ اما یوز باشی كمینك رئیسی ایله صاحبنه پولسك سوزلرندن زیاده اعتماد ایتدی١٢ و اول لیمان قیشلامق ایچون مناسب اولمادیغندن اكثریسی كریدك جنوبه و غربی شماله باقان فینیكس لیماننه قیشلامق ایچون واصل اوله‌بیلورز دیو اورادن دخی آچلمغه رأی ویردیلر.١٣ و بر یواش لدوس اسوب مقصدلرینه ایردیلر ظنیله قالقوب كریدك قییسندن كچیورلر ایدی١٤ اما براز دنصكره اڭا قارشو اورقلیدون دینلان بر شدتلو روزكار ظهور ایتمكله١٥ كمی بردن قاپلدی و اورسایه كیده‌مدیكندن انی كندی حالنه براقوب سوروكلنیور ایدك١٦ و قلودا نام بر كوچوك اطه‌نك آلتنه صغینه‌رق صندالی كوجله ضبط ایتمكه مقتدر اولوب ایچری آلدقدنصكره١٧ چاره‌لر قوللانه‌رق كمی‌یی آلتندن قوشاتدیلر وصیغه دوشمك قورقوسیله‌یلكنی ایندروب اویله سوروكلنورلر ایدی١٨ و شدتلو فورطنه‌ده بولندیغمزدن ایرتسی كون یوكی دكزه آتدیلر١٩ و اوچنجی كونده كندی اللرمزله كمینك طاقملرینی آتدق.٢٠ و چون كونلر نه كونش نه یلدزلر كورینوب شدتلو فورطنه دخی اوزرمزه باصمغله آرتق نجات بولمامزك امیدی كلیاً قطع اولندی.٢١ و چوقدنبرو آج قالمش اولملریله پولس اورته‌لرنده طوروب ای ادملر فی الواقع بنم سویله‌دیكمی دیكله‌یه‌رك بو مشقت و ضرره اوغرامامق ایچون كریددن آچلماملو ایدیڭز٢٢ اما شمدی سزه نصیحت ویررمكه خوش خاطر اوله‌سڭز زیرا سزدن هیچ بری تلف اولمایوب انجق كمی تلف اوله‌جقدر٢٣ زیرا صاحبم و معبودم اولان اللهك ملكی بو كیجه یانمده طوروب٢٤ ای پولس قورقمه. قیصرك حضورنده طورمه‌ك لازمدر و اشته الله سنڭ ایله برابر كمیده اولانلرك جمله‌سنی سڭا باغشلامشدر دیدی٢٥ بونڭ ایچون ای ادملر خوش خاطر اولڭز زیرا همان بڭا سویلنلدیكی وجه اوزره واقع اوله‌جغنه بن اللهه اعتماد ایدرم.٢٦ آنجق بر اطه‌یه دوشمه‌مز لازمدر دیدی.٢٧ و اون دردنجی كیجه اولدقده ادریا دكزنده سوروكلنمكده ایكن كیجه‌نك یاریسنده كمیجیلر بر قره‌یه یاقلاشدقلرینی ظن ایتدیلر.٢٨ و اسقندیل آتوب یكرمی قولاج بولدیلر و براز ایلری واروب و تكرار آتوب اون بش قولاج بولدیلر٢٩ و قیالغه دوشمك قورقوسیله قیچدن درت لنكر آتوب كوندوز اولمسنی ارزو ایتدیلر٣٠ و كمیجیلر كمیدن قاچمق مقصدیله باشدن لنكرلر آتمق بهانه‌سیله صندالی دكزه ایندردكلرنده٣١ پولس یوز باشی‌یه و عسكرلره اگر بونلر كمیده قالمازسه سز نجات بوله‌مازسڭز دیدی٣٢ او زمان عسكرلر صندالك ایپلرینی كسوب انی براقدیلر٣٣ و صباح اولمق اوزره ایكن پولس جمله‌سنه طعام ایتملرینی رجا ایده‌رك بوكون اون درت كوندر بكلیوب هیچ بر شی یمییه‌رك آج قالدیڭز٣٤ بو اجلدن طعام ایلمكزی رجا ایدرم زیرا بو سزڭ نجاتڭز ایچوندر چونكه بریكزك باشندن بر قیل دوشمیه‌جكدر دیدی٣٥ و بویله دیه‌رك اتمك آلوب كافه‌سنك اوكنده اللهه شكر ایتدی و پاره‌لیوب یمیكه باشلادی٣٦ و جمله‌سی خوش خاطر اولوب كذلك طعام ایتدیلر٣٧ و بزكمیده جمله‌مز ایكی یوز یتمش التی كشی ایدك.٣٨ و طعامدن طویدقلرنده بغدایی دكزه آته‌رق كمی‌یی تخفیف ایتدیلر.٣٩ و كوندوز اولدقده اول یری طانیمایوب فقط ساحلی اولان بر كورفز كورملریله اگر ممكن اولورسه كمی‌یی اورایه سوق ایتمكی مرادایتدیلر٤٠ و لنكرلری كسوب دكزه براقدیلر و دومنلرك باغلرینی چوزوب یلكنی روزكاره قالدره‌رق ساحله طوغری كیدیورلر ایدی.٤١ و ایكی طرفدن دكزك قاوشدیغی بر محله دوشوب كمی‌یی اوتورتدیلر و باشی صاپلانه‌رق قیملدانماز اولدی قیچ ایسه طالغه‌لرك شدتندن طاغیلیور ایدی٤٢ و محبوسلردن بری یوزوب فرار ایتمه‌مسی ایچون عسكرلر انلری قتل ایتمكه مشورت ایتدیلر ایسه‌ده٤٣ یوز باشی پولسی قورتارمق استمكله انلری بو نیتدن منع ایله یوزمك بیلنلرك اوّلا آتیلوب قره‌یه چیملرینی٤٤ باقیلرینك دخی كیمی تخته‌لر كیمیده كمینك بعض پارچه‌لری أوزرنده چیقملرینی امر ایتدی و بو وجهله جمله‌سی سالماً قره‌یه چیقدیلر.