١ كلام ابتدادە موجودە ایدی وكلام اللهڭ نزدندە ایدی وكلام اللە ایدی ۔ ٢ بوكلام ابتدادە اللهڭ نزدندە ایدی٣ ەرشی انڭ واسطە سیلە وجودە گلدی ووجودە گلمش اولانلردن آنسز برشی وجودە كلمدی ۔ ٤ حیات اندە ایدی حیات دخی ادلملرك نوری ایدی۔٥ ونور ظلمتدە ضیا ویرر ظلمت دخی انی ادراك ایتمز ایدی۔٦ اللە طرفندن ارسال اولنمش یحیی اسمندە بر ادم وار ایدی ۔٧ اشبو ادم شهادت ایچون گلدی تاكە نورك حقندە شهادت ایتمسیلە جملە ادملر انڭ واسطە سیلە ایمانە كلەلر ۔ ٨ كندیسی اول نور اولمایوب آنجق نور حقندە شهادت ایتمك ایچون ایدی۔٩ دنیایە گلان *ەر بر ادمی تنویر ایدن حقیقیی نور او ایدی۔١٠ دنیادە ایدی دنیا دخی انڭ واسطە سیلە وجودە گلدی ایسە دە دنیا انی طانیمادی ۔ ١١ كندینككینە گلدی و كندینككیلر انی قبول ایتمدیلر ۔ ١٢ اما هر كیم انی قبول ایتدی ایسە انلرە یعنی اسمنە ایمان ایدنلرە اولاد اللە اولمقلغە صلاحیت ویردی۔ ١٣ بونلرك تولدی دخی نە قاندن و نە تن ارادتندن ونە دە انسان ارادتندە آنجق اللەدن ایدی۔١٤ وكلام تن اولوب عنایت مملو اولە رق ارامزدە ساكن اولدی بزدخی انڭ جلالنی پدرڭ ابن وحیدینك جلالی دیو گوردك۔١٥ یحیی انڭ حقندە شهادت ایدوب ندا ایدەرك دیدیكە بندنصڭرە گلوب بڭا تقّدم ایدر دیدیكم ذات بودر چونكە بندن مقدّم ایدی۔١٦ وانّك فضلندن بز جملەمز عنایت اوزرینە عنایتە نائل اولدق۔١٧ زیرا شریعت موسی واسطە سیلە ویرلدی اما عنایت ایلە حقیقت عیسی المسیح واسطە سیلە اولدی۔ ١٨ اللەی اصلا بركیمسە كورمە مشدر آنجق پدرڭ قوجاغندە اولان ابن وحید كندیسی انی بیان ایلدی۔١٩ ویهودیلر اور شلیمدن یحیایە سن كیم سین دیو سؤال ایتمك اوزرە كاھنلر ایلە الاویلیلر كوندردكلری زمان انڭ شهادتی بودر ٢٠ یعنی اقرار ایدوب انكار ایتمیە رك بن مسیح دگلم دیو اقرار ایندی ۔ ٢١ واكا اویلە ایسە نە ۔ سن ایلیا میسین دیو سؤال ایتدكلرندە او دخی دگلم دیدی ۔ سن شول پیغمبر میسین دید كلر ندە خیر دیو جواب ویردی۔٢٢ اولو قت اڭا سن كیم سین سویلە كە بزی كوندرنلرە جواب ویرە لم كندی حقكدە نە دیرسین دیدیلر ۔ ٢٣ بن اشعیا پیغمبرك دیدیكی كبی ربك یولنی طوغرولد كز دیو برّیە دە ندا ایدك صداسی ایم دیدی۔٢٤ واول كوندر یلنلر فریسیلردن ایدیلر٢٥ واكا سؤال ایدوب اویلە ایسە سن مسیح یا خود ایلیا یا اول پیغمبر اولماد یغك حالدە نیچون وافتیز ایدیور سین دیدیلر ۔ ٢٦ یحیی انلرە جواباً بن صوایلە وافتیز ایدرم اما سزڭ اراكزدە بیلمد یككز بركیمسە طوریور ۔ ٢٧ بندنصڭرە گلان اودر بن دخی انڭ ایاق قابنك تاسمە سنی چوزمكە لایق دگلم دیدی ۔ ٢٨ بوشیلر اردنك اوتە طرفندە یحیانڭ وافتیز ایتمكدە اولدیغی بیت عبرا نام محلدە واقع اولدی۔٢٩ ایرتسی كون یحیی كندینە عیسانڭ گلدیگی كوردكدە اشتە دنیانڭ كناەنی رفع ایدن اللهڭ قوزیسی ۔ ٣٠ بندنصڭرە برادم كلبور بندن مقدّم ایدیكندن بڭا تقدّم ایدر دیەرك حقندە سویلدیكم ذات بودر ۔ ٣١ بن دخی انی بیلمز ایدم ۔ اما انڭ بنی اسرائیلە اظەار اولنمسی ایچون صوایلە وافتیز ایدە رك گلدم دیدی ۔ ٣٢ ویحیی شهادت ایدە رك روحك سمادن كوكرجین كبی اینوب انڭ اوزرندە قرارلاشدیغنی كوردم ۔ ٣٣ وبن انی بیلمز ایدم لكن بنی صوایلە وافتیز ایتمكە كوندرن كندیسی بكاروحك كیمك اوزرینە اینوب قرار لاشد یغنی كورور ایسە ك روح القدسلە وافتیزایدن اودر دیدی ۔٣٤ بن دخی كوروب ابن اللە بودر دیو شهادت ایتدم دیدی ۔٣٥ ایرتسی كون ینە یحیی كندی شاكر دلرندن ایكی كشی ایلە طور یور ایكن ۔ ٣٦ عیسایە كز مكدە اولدیغی حالدە یاقە رق اشتە اللهڭ قوزیسی دیدی ۔ ٣٧ واول ایكی شاكرد انڭ سویلدیكنی ایشیتملریلە عیسانڭ آردنجە كیتدیلر ۔ ٣٨ وعیسی دونوب آردنجە كلدكلرینی كورد كدە انلرە نە ارایورسكز دیدی ۔ واكا ربی (كە بو ترجمە اولنە معلم دیمكدر ) نرە دە اقامت ایدیو رسین دیدیلر ۔ ٣٩ انلرە گلوب باقڭز دید كدە گلدیلر ونرە دە اقامت ایتدیكنی كوروب اول كون یانندە قالدیلر وساعت اون رادّەلرندە ایدی ۔ ٤٠ ویحیادن ایشیدوب عیسانڭ آردی صرە كیدن ایكی كشیدن بری سمعون بطرسك قارنداشی اندراوس ایدی ۔ ٤١ بودخی اوّلا كندی قارنداشی سمعونی بولوب اڭا مسیحی ( كە ترجمە سی خرستوس دیمكدر ) بولدق دیدی ۔ ٤٢ وانی عیسانڭ یاننە كتوردی عیسی دخی اڭا باقوب سن یونسك اوغلی سمعون سین سن كیفاس (كە ترجمە سی بطرسدر ) تسنیە اولنە جقسین دیدی۔٤٣ ایرتسی كون عیسی جلیلە عزیمت ایتمك استدیكندە فیلبسی بولوب اڭا آردم صرە كل دیدی ۔ ٤٤ فیلبس دخی اندراوس ایلە بطرسك شەری بیت صیدادن ایدی ۔ ٤٥ فیلبس ناتانائیلی بولوب اڭا موسانك توراتدە پیغمبرلرك دخی حقندە یازدقلری ذاتی یعنی ناصر تدن اولان عیسی ابن یوسفی بولدق دیدی۔ ٤٦ وناتانائیل اڭا ناصر تدن ایو بر شیئك حاصل اولماسی ممكنمیدر دیدی ۔ فیلبس اڭا كل دە باق دیدی ۔ ٤٧ عیسی ناتانائیلی كندی یاننە گلور ایكن كوروب انڭ حقندە اشتە درونندە حیلە بولنمایان حقیقتدە بر اسرائیللو دیدی۔ ٤٨ ناتانائیل اڭا بنی نرەدن طانیورسین دیدی۔ عیسی اڭا جواباً فیلبس سنی چاغرمازدن اوّل سن انجیر اغاجی آلتند ایكن سنی كوردم دیدی۔٤٩ ناتانائیل اڭا جواباً ربی سن ابن اللە سین سن اسرائیلك ملكیسین دیدی ۔ ٥٠ عیسی دخی اڭا جواباً سڭا انجیر اغاجی آلتند ایكن سنی كوردم دیدكم ایچونمی اینانیور سین بونلردن دها عظیم شیلر كورە جكسین دیدی۔ ٥١ واكا حقیقۃً حقیقۃً سزە دیرمكە سمد نصڭرە سمانك آچلد یغنی وابن الانسان اوزرینە اللهڭ ملكرینك اینوب چیقد دقلرینی كورە جكسكز دیدی۔