٢١
١ v\ و بز انلردن آیرلدقدنصكره آچیلوب طوغری قوس اطه‌سنه و ایرتسی كون ردوسه اورادن دخی پاتارایه كلدك٢ v\ و فینیكه‌یه كیده‌جك بر كمی بولمغله بینوب آچلدق٣ v\ و قبریس كورینوب انی صولده براغه‌رق سوریه طرفنه گیدوب كمی یوكنی صورده بوشالده‌جق اولدیغندن اورایه چیقدق٤ v\ و شاكردلری بولوب اوراده یدی كون قالدق. بونلر دخی روحك واسطه‌سیله پولسه اورشلیمه چیقمه دیرلر ایدی.٥ v\ بز ایسه اول كونلری كچوردكدنصكره چیقوب یوله روان اولدیغمزده جمله‌سی قاریلر و چوجوقلر ایله برابر شهرڭ طیشاریسنه دكین بزی تشییع ایدوب دڭز ساحلنده دیز چوكه‌رك دعا ایلدك٦ v\ و بری بریمز ایله وداع ایتدكدنصكره بز كمی‌یه بیندك انلر ده كندی محللرینه عودت ایتدیلر٧ v\ و بز دڭز سفرینی تكمیل ایده‌رك صوردن پتولمایسه واصل اولدیغمزده برادرلری سلاملایوب بر كون انلرك یانلرنده قالدق٨ v\ و بز ایرتسی كون چیقوب قیصریه‌یه كلدڭ و یدیلردن اولان مبشر فیلبسك خانه‌سنه گیروب یاننده قالدق.٩ v\ بونڭ دخی الهامله سویلیان درت باكره قیزی وار ایدی.١٠ v\ و بز اوراده خیلی وقت مكث ایدر ایكن یهودیه‌دن اغابوس اسمنده بر پیغمبر اینوب١١ v\ اینمزه گلدی و پولسك قوشاغنی آلوب كندی اللری ایله ایاقلرینیباغلایه‌رق بو قوشانغك صاحبی اولان ادمی یهودیلر اورشلیمده بویله باغلایوب طائفه‌لر النه تسلیم ایده‌جكلر دیو روح القدس بیورر دیدی١٢ v\ و بو شیلری ایشیتدیكمزده بز و یرلولر اورشلیمه انڭ چیقمامسنی وجا ایلدك١٣ v\ اما پولس جواباً آغلایوب قلبمی قیره‌رق نه ایدیورسڭز زیرا بن اورشلیمده یالڭز باغلانمغه دكل اما رب قیسانك اسمی ایچون اولمكه دخی حاضر ایم دیدی.١٤ v\ و كندیسی قانمادیغن بز ربّڭ، مرادی اولسون دیه‌رك سكوت ایتدڭ.١٥ v\ و بو كونلردهنصكرده حار لانوب اورشلیمه چیقدق١٦ v\ و قیصریه‌دن بعض شاكردلر بزم ایله برابر گلوب بزی یاننده مسافر اوله‌جغمز مناسون نام اسكی شاكرد و قبریسلو بر ادمه كوتوردیلر.١٧ v\ و اورشلیمه واصل اولدیغمزده برادرلر بزی مسرّتله قبول ایتدیلر.١٨ v\ و ایرتسی كون پولس بزم ایله برابر یعقوبك یاننه گیتدی هپ اختیارلر دخی حاضر ایدیلر١٩ v\ و انلره سلام ویردیكدنصكره كندی خدمتی واسطه‌سیله اللهك طائفه‌لر اراسنده اجرا ایتدیكی شیلری برر برر حكایه ایلدی٢٠ v\ انلر دخی ایشیتدكلرنده آللهه حمد ایدوب اڭا دیدیلر كه ای برادر ایمانه گلمش اولان نه قدر بیك یهودیلر موجود اولدیغنی كوریورسین جمله‌سیده شریعتك غیرتنی چكرلر٢١ v\ لكن سنڭ حقّڭده ایشیتمشلردر كه سن طائفه‌لرڭ اراسنده اولان جمله یهودیلره اولادكزی ختان ایلمیڭز و آیینلر اوزره حركت ایتمیڭز دیه‌رك موسادن ارتداد ایتملرینی تعلیم ایدرسین٢٢ v\ ایمدی نصل اوله‌جق. سنڭ كلدیككی ایشیده‌جملرندن البته خلق جمع اوله‌جقدر٢٣ v\ بو اجلدن سڭا شو دیله‌جكمزی اجرا ایله. یانمزده نذری اولان درت ادم وار٢٤ v\ بو ادملری آلوب انلر ایله برابر كندیڭی تطهیر ایده‌رك باشلرینی تراش ایتملری ایچون مصرفلرینی كور. جمله‌سی دخی سنڭ حقكده ایشیتدكلری شیلرڭ اصلی اولمیوب كندك دخی شریعتی حفظ ایده‌رك حركت ایتدیككی اكلایه‌جقلر٢٥ v\ اما ایمانه گلمش طائفه‌لر خصوصنده بز مكتوب كوندره‌رك بویله بر شی حفظ ایتمیوب آنجق بت قربانلردندن و قاندن و بوغلمش نسنه‌دن و زنادن اجتناب ایتملرینی مناسب گوردك٢٦ v\ او زمان پولس اول ادملری آلوب ایرتسی كون انلر ایله برابر تطهیر اولندقدنصكره بونلرڭ هر بری ایچن قربان تقدیم اولنه‌جغی وقته دكین تطهیر كونلرینك اكمالنی خبر ویره‌رك هیكله گیردی.٢٧ v\ و اول یدی كون ختام بولمق اوزره ایكن آسیالو یهودیلر انی هیكلده كورمكله بتون خلقی تحریك ایدوب أوزرینه ال اوزاده‌رق٢٨ v\ ای رجال اسرائیل اوغوللرینی یاردم ایدڭز. هر یرده قوم و شریعت و بو محلك علیهنده جمله‌یه تعلیم ایدن ادم بودر حتی هیكلك ایچنه بیله یونانیلر كتوروب بو مقدّس محلی ناپاك ایلدی دیو باغررلر ایدی٢٩ v\ (زیرا بوندن اوّل شهرده انڭ ایله برابر افسوسلو تروفیموسی گورمش اولملریله پولس انی هیكلك ایچنه كتوردی ظن ایتدیلر)٣٠ v\ و بتون شهر تحریك اولنه‌رق خلق قوششوب پولسی طوته‌رق هیكلدن طیشاری چكدكلری كبی قپولر قپاندی٣١ v\ انلر دخی قتلنه قصد ایتمكده ایكن آلایك بیڭ باشیسنه بتون اورشلیم آلت اوست اولدی دیو خبر یتشدی٣٢ v\ او دخی فی الحال عسكرلر ایله یوز باشیلر آلوب اوزرلرینه قوشدی و انلر بیڭ باشی ایله عسكری كورد كده پولسی دوكمكدن واز كچدیلر٣٣ v\ او زمان بیك باشی یاقلاشوب انی طوتدی و ایكی زنجیرله باغلانمسنی امر ایدوب كیم ایدیكنی و نه یاپمش اولدیغنی سؤال ایلدی٣٤ v\ و فلبه‌لقده بعضیسی شویله و بعضیسی بویله باغرملریله كورلدیدن حقیقت حاله وافق اوله‌مدیغندن انڭ قلعه‌یه كوتورلمسنی امر ایتدی٣٥ v\ و نردبانه كلدیكنده غلبه‌لغك شدتندن طولایی عسكرلر انی كوتوردیلر٣٦ v\ زیرا جمع اولان قوم انی قالدر دیو باغره‌رق آردی صره كلورلر ایدی٣٧ v\ و پولس قلعه‌نڭ ایچنه كوتورلمك اوزره ایكن بیك باشی‌یه خطاباً رخصت وارمی كه سڭا بر شی سویلیه‌یم دیدی٣٨ v\ او دخی یوننیجه بیلورمیسین. سن بوندن مقدم فساد چیقاروب برّیه درت بیك نفر حیدود كوتوران مصرلو دكلمیسین دیدی٣٩ v\ و پولس بن قیلیقیه‌نڭ مشهور شهری اولان طرسوس اهالیسندن یهودی ایم و سڭا رجا ایدرم اذن ویر قومه سویلیه‌یم دیدی٤٠ v\ او دخی اذن ویردكدنصكره پولس نردبانده طوره‌رق قومه ال ایله اشارت ایتدی و عظیم سكوت اولدقده عبرانیجه نطق ایراد ایده‌رك دیدیكه