٢٠
١ v\ و ولوله ساكن اولدقدنصكره پولس شاكردلری چاغروب و نصیحت ویروب وداع ایده‌رك ماكدونیه‌یه كیتمك اوزره چیقدی.٢ v\ و اول سمتلری طولاشوب انلره چوق كامله نصیحت ویردكدن صكره یونانستانه گلدی٣ v\ و اوچ آی مكث ایتدكدنصكره دكزدن صوریه‌یه كچه‌جكی صره‌ده یهودیلر انڭ علیهنه بر حیله ترتیب ایتملریله ماكدونیه اوزرندن عودت ایتمكه قرارویردی٤ v\ و بیریه‌لو پرّوس اوغلی سوپاطروس و سلانیكلولردن ارستارخوس ایله سقوندوس و دربه‌لو غایوس و طیموتاوس و آسیالو تیخیقوس ایله تروفیموس آسیایه قدر اڭا یولداش اولدیلر٥ v\ بونلر ایلرو گیدوب بزی طرواسده بكله‌دیلر.٦ v\ بز دخی فطیر كونلرندنصكره فیلیپیدن بحراً چیقوب بش كونده یانلرینه طرواسه واروب اوراده یدی كون اكلندك.٧ v\ و هفته‌نڭ برنجی گونی اتمك پاره‌لمكه جمع اولدیغمزده پولس ایرتسی كون كیده‌جك اولمغله انلره وعظ ایده‌رك كلامی كیجه یاریسنه‌رك اوزاتدی٨ v\ و اول جمع الودیغمز فوقانی اوطه‌ده پك چوق قندیللر وار ایدی٩ v\ و اوتیخوس اسمنده بر نوجوان پنجره‌ده اوتوروب درین اویقویه طالمش ایدی. و پولس وعظنی اوزاتدیغنده انڭ اویقوسی غلبه ایتمكله اوچنجی طبقه‌دن اشاغی دوشوب اولو اوله‌رق قالدرلدی١٠ v\ پولس دخی اینوب أوزرینه دوشدی و اڭا صاریلوب ولوله ایتمیڭز زیرا جانی دروننده‌در دیدی١١ v\ و ینه یوقاری چیقوب اتمك پاره‌لیه‌رك یدی و سحر وقتنه دكین چوق كلام ایتدكدن صكره بویله‌جه چیقدی١٢ v\ و اول نوجوانی صاغ كتوروب زیاده‌سیله متسلی اولدیلر١٣ v\ بز دخی كمی‌یه كمی‌یه بینه‌رك پولسی آسوسدن آلمق اوزره اورایه كیتدك زیرا كندیسی یایان كیده‌جمندن بویله اصمارلمش ایدی.١٤ v\ و آسوسده بزه ملاقات ایتدكده انی كمی‌یه آلوب مدللویه كلدڭ١٥ v\ و اورادن آچیلوب ایرتسی كون ساقیز آطه‌سنڭ قارشوسنه یتشدك و دها ایرتسی كون ساموسه و اصل اوله‌رق {طروغلیونده كیجه‌لدك} و ایرتسی كون میلیتوسه كلدڭ١٦ v\ زیرا پولس خمسین بیرامی گونی ممكن ایسه اورشلیمده بولنمق اوزره عجله ایلدیكندن آسیاده وقت كچورمه‌مك ایچون افسوسك وكندن بحراً كچمكه قرار ویرمش ایدی.١٧ v\ و میلیتوسدن افسوسه خبر كوندروب كلیسانك اختیارلرینی دعوت ایلدی١٨ v\ و یاننه كلدكلرنده انلره دیدیكه: ” آسیایه كلدیكمك ایللك كونندنبرو بتون وقت نصل سزڭ ایله بولنوب كمال تواضع١٩ v\ و چوق كوز یاشلریله و یهودیلرك حیله‌لرندن طولایی بڭا واقع اولان تجربه‌لرله ربه خدمت ایتدیكمی٢٠ v\ و كرك یهودیلره و كرك یونانیلره اللهه اولان توبه و ربّمز! عیسی المسیحه اولان ایمان حقّنده شهادت ایده‌رك٢١ v\ فائده‌لو شیلردن سزه خبر ویروب علناً و خانه بخانه سزی تعلیم ایتمكدن اصلا چكنمیكمی كندیڭز بیلورسڭز٢٢ v\ و شمدی اشته بن روحده باغلو اوله‌رق اورشلیمه گیدیورم و اوراده باشمه‌كله‌جك شیلری بیلمم٢٣ v\ فقط روح القدس هر شهرده بڭا شهادت ایدوب سنی بندلر و مضایقه‌لر بكلیور دیو بیورر٢٤ v\ لكن هیچ برینی صایمام جانمی دخی كندمه قیمتلو طوتمام تا كه سفرمی و اللهك عنایتنك بشارتنه شهادت ایتمك ایچون رب عیسادن آلدیغم خدمتی مسرّتله اتمام ایده‌یم.٢٥ v\ و شمدی اشته سزڭه بن اراكزده ملكوت اللّهی وعظ ایده‌رك طولاشدم هیچ بریڭز یوزمی آرتق كورمیه‌جككزی بیلورم٢٦ v\ بو اجلدن بن جمله‌نڭ قانندن بری اولدیغمه سزه بو كون شهادت ایدرم٢٧ v\ زیرا سزه اللهك بتون ارادتنی خبر ویرمكدن چكنمدم٢٨ v\ ایمدی كندیڭزه و اللهك كندی قانیله صاتین آلدیغی كلیساسنی كوتمك ایچون روح القدسك سزی أوزرینه ناظر تعیین ایلدیكی بتون سوری‌یه مقید اولڭز٢٩ v\ زیر بن بیلورمكه بن آیرلدقدنصكره اراكزه آزغین قوردلر گیروب سوری‌ی اسیركه‌میه‌جكدر٣٠ v\ و كندی اراكزدن دخی شاكردلری كندی ارقه‌لری صره چكمك ایچون فاسد شیلر سویلیان ادملر ظهور ایده‌جكدر٣١ v\ بو اجلدن اویانق طورڭز و اوچ سنه كیجه كوندوز هر بریكزه كوز یاشیله نصیحت ویرمكدن فراغت ایتمدیكمی در خاطر ایدڭز٣٢ v\ و شمدی {ای برادرلر} سزی اللهه و انڭ عنایتنك كلامنه اصمارلارم اول كه سزی بنا ایدوب جمله مقدّسلر ایله برابر سزه میراث ویرمكه قادردر٣٣ v\ هیچ بر كیمسه‌یڭ كومشنه یا آلتوننه یا اثوابنه طمع ایتمدم٣٤ v\ كندی احتیاجاتمه و بنم ایله برابر اولانلره بو اللرك خدمت ایتدیكنی كندیڭز بیلورسڭز٣٥ v\ بویله امك ویروب ضعیفلره امداد اتمك و رب عیسانڭ ویرمك آلمقدن زیاده مباركدر دیدیكی كلامی در خاطر ایتمك كرك ایدیكنی سزه هر وجهله كوستردم٣٦ v\ و بو شیلری سویله‌دكدنصكره دیز چوكوب جمله‌سی ایله برابر دعا ایلدی٣٧ v\ و جمله‌سندن بر چوق اعلایش واقع اولدی و پولسك بویننه صاریلوب انی اوپدیلر٣٨ v\ و خصوصا یوزمی آرتق كورمیه‌جكسڭز دیدیكی سوزدن طولایی زیاده‌سیله مكدّر اولدیلر بعده انی كمی‌یه قدر تشییع ایتدیلر.