١٩
١ v\ و اپولس قورنطوسده ایكن پولس یوقاری سمتلری طولاشه‌رق افسوسه گلوب بر قاچ شاكرد بولدقده انلره٢ v\ ایمان ایندیككزده روح القدسه نائل اولدیكزمی دیدی. انلر دخی اڭا روح القدس موجود ایدیكنی بیله ایشیتمدك دیدیلر٣ v\ او دخی انلره اویله ایسه نه‌یه وافتیز اولندیڭز دید كده انلر یحیانك وافتیزینه دیملری اوزرینه٤ v\ پولس یحیی قومه بندنصكره كلانه یعنی عیسی المسیحه ایمان ایدڭز دیه‌رك توبه وافتیزیله وافتیز ایلدی دیدی٥ v\ انلر دخی بونی ایشیتدكده رب عیسانك اسمنه وافتیز اولندیلر٦ v\ و پولس اوزرلرینه اللرینی قودقده روح القدس انلر أوزرینه كلمكله لسانلر تكلم ایده‌رك الهامله سویلرلر ایدی٧ v\ و جمله‌سی تقریبا اون ایكی ادم ایدی.٨ v\ و سیناغوغه گیروب اوچ آی مدت ملكوت اللهه متعلق شیلردن جسورانه بحث ایده‌رك ادملری الزام ایدر ایدی.٩ v\ و بعض كیمسه‌لر عناد و مخالفت ایده‌رك خلقك حضورنده بو طریق حقّنده كوتو سویله‌دكلرنده انلردن چكیلدی و شاكردلری آیروب هر كون تیرانوس نام بر كیمسه‌نك مدرسه‌سنده مباحثه ایدر ایدی١٠ v\ بو دخی ایكی سنه دوام ایتمكله آسیاده اقامت ایدنلرك كافه‌سی كرك یهودیلر كرك یونانیلر ربك كلامنی ایشیتدیلر١١ v\ و الله پولسك الیله فوق‌العاده معجزه‌لر اجرا ایدر ایدی١٢ v\ شویله كه انك جسدندن خسته‌لره مندیللر یاخود پشتماللر كوتورلمكله انلر مرضلرندن شفا بولوب شریر روحلر دخی چیقار ایدی.١٣ v\ و طولاشمقده اولان افسونجی یهودیلردن بعضلری شریر روحلو كیمسه‌لر اوزرینه رب عیسانك اسمنی اوقومغه جسارت ایدوب پولسك وعظ ایتدیكی عیسی ایله اوزركزه قسم اوقورز دیرلر ایدی١٤ v\ و بونی ایدنلر باش كاهن اسكوا نامنده بر یهودینك یدی اوغلی ایدی.١٥ v\ و اول شریر روح جواباً عیسایی طانیرم پولسی ده بیلورم لكن سز كیملرسڭز دیدی١٦ v\ و شریر روحلو ادم انلر اوزرینه صچرایوب انلره تسلط ایده‌رك غالب كلمسیله اول خانه‌دن چیلاق و یاره‌لو اوله‌رق فرار ایتدیلر١٧ v\ بو دخی افسوسده اقامت ایدن جمله یهودیلر ایله یونانیلره معلوم اولوب جمله‌سنه قورقو دوشمكله رب عیسانك اسمی تعظیم اولنور ایدی١٨ v\ و ایمان ایتمش اولان نیچه كیمسه‌لر گلوب عمللرینی اعترافله حكایه ایدرلر ایدی١٩ v\ و سحر بازلق ایدنلردن چوق كیمسه‌لر كتابلرینی طوپلایوب و جمله‌نك اوكنده یاقوب انلرك بهاسنی حساب ایتدكده اللی بیك درهم كومش بولدیلر٢٠ v\ بو منوال اوزره ربك كلامی زیاده‌سیله ترقی ایدوب قوتلنور ایدی.٢١ v\ و بو شیلر تمام اولدقده پولس ماكدونیه ایله اخایه‌یی طولاشدقدن صكره اورشلیمه عزیمت ایتمكی روحنده تصمیم ایده‌رك اورایه واردقدنصكره رومایی دخی كورملی ایم دیدی٢٢ v\ و كندینه خدمت ایدنلردن ایكی كشی یعنی طیموتاوس ایله اراسطوسی ماكدونیه‌یه ارسال ایدوب كندیسی بر مدت آسیاده مكث ایتدی.٢٣ v\ و اول اثناده بو طریق خصوصنده خیلی ولوله اولدی.٢٤ v\ زیرا دیمتریوس اسمنده بر قیومجی كومشدن اوطامیس بتنك هیكل رسملرینی یاپمغله اهل صنعته خیلی كار ایتدرر ایدی٢٥ v\ مرقوم انلر ایله بو مثللو شیلری یاپانلری جمع ایدوب ای ادملر بزم ثروتمز بو صنعتدن اولدیغنی بیلورسڭز٢٦ v\ و بو پولسك ال ایله یاپیلان الهلر اله دكلدر دیه‌رك یالڭز افسوسده دكل اما همان بتون آسیاده بر چوق خلقی اقناع ایده‌رك اضلال ایتدیكنی كوروب ایشیدیورسڭز٢٧ v\ و یالڭز بو اصنافمز حقارته دوجار اولمق تهلكه‌سنده الومایوب آنجق اله عظیمه اولان ارطامیسك هیكلی دخی هیچ اعتبار اولنوب بتون آسیا ایله دنیانڭ معبوده‌سی بولنانك عظمتی دخی محو ایدیله‌جكدر دیدی٢٨ v\ و بونی ایشیتدكلرنده پر غب اوله‌رق افسوسلرلرك ارطامیسی بیوكدر دیو باغرشدیلر٢٩ v\ بتون شهر دخی دغدغه ایله طولدی و پولسك یولداشلری اولان ماكدونیه‌لو غایوس ایله ارستارخوسی قاپوب جمله‌سی بردن سیر یرینه قوشدیلر٣٠ v\ و پولس خلقك اراسنه كیرمك استدی ایسه‌ده شاكردلر انی براقمادیلر٣١ v\ همدخی آسیا رئیسلرندن بعضلری دوستلری اولدیغی جهتله اڭا خبر كوندروب سیر یرینه كندیسنی كوسترمه‌مستی رجا ایتدیلر٣٢ v\ ایمدی جمهور قارماقارش اولوب اكثرسی نه سببدن طولایی جمع اولدقلرینی بیلمیه‌رك كپمی بونی و كیمی شونی باغرور ایدی٣٣ v\ و یهودیلرك سوق ایتدكلری اسكندری خلقك آراسندن ایلرو سوردیلر اسكندر دخی الیله اشارت ایدوب جمهوره جواب ویرمك استدی ایسه‌ده٣٤ v\ یهودی اولدیغنی اكلادقلرنده جمله‌سی بر آوازله افسوسلولرك ارطامیسی بیوكدر دیو ایكی ساعت قدر باغرشدیلر٣٥ v\ اما شهرڭ كاتبی خلقی تسكین ایدوب ای افسوسلو ادملر قنغی ادم واردر كه افسوسلولر شهرینك اله عظیمه اولان ارطامیسك و زوس طرفندن نازل اولان صنمك هیكل خدمتجیسی اولدیغنی بیلمیه٣٦ v\ ایمدی بونلر اعتراض قبول ایتمز شبلر اولمغله سكونت اوزره اولوب تدبیرسز حركت ایتمه‌مڭز الزمدر٣٧ v\ زیر بو ادملری كتوردیڭز اما هیكل صوییجیلر یاخود الهمزه كفر ایدیجیلر دكللردر٣٨ v\ و الحاصل اگر دیمتریوس و انڭ ایله برابر بولنان اهل صنعتك بر كیمسه ایله بر دعوالری وار ایسه محاكمه كونلری اولیور حاكملر دخی واردر بری بری ایله مرافعه اولسونلر٣٩ v\ و اگر مطلوبڭز بشقه ماده‌لره دائر ایسه جمعیت مشروعه‌ده فصل اولنور٤٠ زیرا بو كونكی واقع‌دن طولایی اختلال تهمتیله متهم بولنمق تهلكه‌سنده ایز چونكه بو قارشقلق ایچون بیان ایده‌بیله‌جك سببمز یوقدر دیدی. و بونی سویله‌دكدنصكره جماعتی طاغتدی.