١٨
١ v\ اندنصكره پولس آتینه‌دن مفارقتله قورنطوسه گلدی.٢ v\ و هپ یهودیلرك رومادن چیقمه‌لری ایچون قلاودیوس قیصرك امری سببیله ایتالیادن هنوز گلمش اولان عن اصل پونطوسلو اكویلاس نام بر یهودی ایله زوجه‌سی پریسكلایی بولوب انلرك یاننه گیتدی٣ v\ و صنعتلری بر اولمغله یانلرنده قالوب ایشلر ایدی زیرا صنعتلری چادرجیلق ایدی٤ v\ و هر سبت گونی سیناغوغده مباحثه ایدوب یهودیلری و یونانیلری الزام ایدر ایدی٥ v\ و سیلاس ایله طیموتاوس ماكدونیه‌دن ایندكلرنده پولس روحنك تشویقیله یهودیلره عیسانك مسیح ایدیكنه قویاً شهادت ایدر ایدی٦ v\ و انلر مقاومتله كفر ایتملریله كندیسی البسه‌سنی سیلكوب انلره قانڭز باشڭز اوزرینه اولسون بن پاك ایم. شمدنصكره طائفه‌لره گیدرم دیدی٧ v\ و اورادان چیقوب اللهه عبادت ایدن یوسطوس نام بر كیمسه‌نك خانه‌سنه گلدی. اول خانه سیناغوغه متصل ایدی٨ v\ و سیناغوغ رئیسی كریسپوس بتون اهل بیتی ایله ربه ایمان ایتدی. قورنطوسلولردن دخی چوق كیمسه‌لر ایشیدوب ایمان ایده‌رك وافتیز اولندیلر٩ v\ و رب كیجه رؤیاده پولسه قورقمه لكن سویله و سكوت ایتمه١٠ v\ زیرا بن سنڭ ایله ایم. بر كیمسه دخی رنجیده ایتمك ایچون سڭا هجوم ایتمیه‌جكدر چونكه بو شهرده بنم چوق قومم وار دیدی١١ v\ و ارالرنده اللهك كلامنی تعلیم ایده‌رك بر سنه و التی آی اقامت ایلدی.١٢ v\ و غالیون اخایه والیسی ایكن یهودیلر بالاتفاق پولسك علیهنه قالقوب انی محكمه‌یه جلبله١٣ v\ بو كیمسه شریعتك خلافی وجهله اللهه عبادت ایتمكه ادملری تشویق ایدیور دیدیلر١٤ v\ و پولس آغزینی آچمق اوزره ایكن غالیون یهودیلره ای یهودیلر اگر مسئله بر حقسزلق یاخود بر فنا ایش اولسه ایدی سزه حق اوزره تحمل ایدر ایدم١٥ v\ اما مسئله سوز یا اسملر یا شریعتكزه دائر ایسه سز كندیڭز كورڭز زیرا بن بو شیلره حاكم اولمق استمم دیه‌رك١٦ v\ انلری محكمه‌دن طرد ایلدی١٧ v\ اولوقت جمله یونانیلر سیناغوغ رئیسی سوستانیسی طوتوب محكمه‌نك اوكنده دوكرلر ایدی. غالیون ایسه بو شیلرك هیچ برینی وظیفه ایدنمدی.١٨ v\ پولس دخی خیلی وقت دها اكلنوب برادرلر ایله وداع ایده‌رك نذری اولدیغی جهتله كنخریاده باشنی تراش ایتد كدنصكره پریسكلا و اكویلاس كندیسی ایله برابر اوله‌رق بحراً سوریه‌یه عزیمت ایلدی١٩ v\ و افسوسه واصل اولدقده انلری اوراده براقدی كندیسی دخی سیناغوغه گیروب یهودیلر ایله مباحثه ایتدی٢٠ v\ و یانلرنده بر مدت دها مكث ایتمسنی رجا ایتدیلر ایسه‌ده راضی اولمایوب٢١ v\ [آنجق كله‌جك بیرامی مطلقا اورشلیمده ایتملی ایم] اما اللهك ارادتیله ینه سزه دونرم دیه‌رك انلر ایله وداع ایدوب افسوسدن بحراً چیقدی٢٢ v\ و قیصریه‌یه واصل اولدقده اورشلیمه چیقوب كلیسایی سلاملادقدنصكره انطاكیه‌یه ایندی٢٣ v\ و بر مدت مكث ایتدكدنصكره چیقوب غلاطیا ایالتی ایله فریجیه‌یی صره ایله طولاشه‌رق جمله شاكردلره تقویت ویرر ایدی.٢٤ v\ و اهل كلام و كتابلرده ماهر اپولس اسمنده عن اصل اسكندریه‌لو بر یهودی افسوسه گلدی٢٥ v\ بو ادم ربك طریقنده تعلیم اولنمش و روحجه غیرتلو اولمسیله عیسایه متعلق شیلری سویلیوب دقتله تعلیم ایدر ایدی فقط یالڭز یحیانك وافتیزینی بیلور ایدی.٢٦ v\ و سیناغوغده جسارتله سویله‌مكه باشلادیغنده اكویلاس ایله پریسكلا دخی انی ایشیتملریله یانلرینه آلوب اللهك طریقنی اڭا دها زیاده بیان ایتدیلر٢٧ v\ مرقوم اخایه‌یه كچمكی مراد ایتمكله برادرلر اڭا یوز ویره‌رك شاكردلره انی قبول ایتملری خصوصنده یازدیلر اودخی واصل اولدقده عنایتله ایمان ایدنلره چوق یاردم ایلدی.٢٨ v\ زیرا كتابلردن عیسانك مسیح ایدیكنی بیان ایده‌رك یهودیلری علناً و اكیداً اسكات ایدر ایدی.