١٧
١ v\ و امفیپولیس ایله اپولونیه‌دن كچوب سلانیكه گلدیلر اوراده دخی یهودیلرك سیناغوغی وار ایدی٢ v\ و پولس عادتی اوزره یانلرینه واروب مسیحك الم چكمسی و اولولردن قیام ایتمسی لازم ایدی.٣ v\ همدخی بنم سزه تبشیر ایتدیكم عیسی مسیحدر دیو تفسیر و بیان ایده‌رك كتابلردن اوچ سبت گونی انلر ایله مباحثه ایدر ایدی٤ v\ و انلردن بعضلری و اهل تقوی یونانیلردن بر بیوك جماعت و معتبر قاریلردن نیچه‌لری دخی اعتقاد ایدوب پولس و سیلاس ایله برلشدیلر.٥ v\ اما ایمان كلیان یهودیلر حسد ایدوب كندیلری ایله برابر ایاق طاقمندن بعض یارامز كیمسه‌لری طوپلایوب شهری ولوله‌یه ویردیلر و یاسونك خانه‌سنه هجومله خلقك حضورینه كتورلملرینی طلب ایتدیلر٦ v\ اما انلری بولمادقلرندن یاسونی و برادرلردن بعضیسنی شهرك حاكملرینه سوروكلیوب دنیایی فساده ویرن اول ادملر بورایه دخی گلدیلر٧ v\ و یاسون انلری قبول ایتدی و انلرك جمله‌سی عیسی اسمنده دیكر بر پادشاه واردر دیه‌رك قیصرك فرمانلرینه مخالفت ایدیورلر دیو چاغررلر ایدی٨ v\ و بو شیلری ایشیدن غلبه‌لغی و شهرك حاكملرینی مضطرب ایتدیلر٩ v\ و انلر یاسون ایله سائرلردن كفالت آلوب انلری صالیویردیلر١٠ v\ برادرلر دخی درحال كیجه‌لین پولس ایله سیلاسی بیریه‌یه كوندردیلر بونلر دخی اورایه واصل اولوب یهودیلرك سناغوغنه كیتدیلر١١ v\ انلر ایسه سلانیكده بولنانلردن اشرف اولملریله كلامی جان و كوكلدن قبول ایدوب بو شیلر بویله‌میدر دیو هر كون كتابلری اراشدررلر ایدی١٢ v\ بونڭ اوزرینه انلردن چوق كیمسه‌لر و معتبر یونانی قاریلردن و ارككلردن نیچه‌لری ایمانه گلدیلر.١٣ v\ و سلانیك یهودیلری پولسك بیریه‌ده اللهك كلامنی تبشیر ایتدیكنی بیلدكلرنده اورایه دخی گلوب خلقی تحریك و تشویق ایتدیلر١٤ v\ او زمان برادرلر یولسی دڭز طرفنه كیتمك اوزره در عقب یوله چیقاردیلر اما سیلاس ایله طیموتاوس اوراده قالدیلر١٥ v\ و پولسه یولداش اولانلر انی آتینه‌یه دكین كتوروب برآن اوّل یاننه كلملری خصوصنده سیلاس ایله طیموتاوسه امر آلوب كیتدیلر.١٦ v\ و پولس آتینه‌ده انلره منتظر ایكن شهری بتلرله طولو كوروب روحی دروننده حدّتلنمكله١٧ v\ سیناغوغده یهودیلر و اهل تقوا اولانلر ایله و هر كون چارشوده تصادف ایتدیكی كیمسه‌لر ایله مباحثه ایدر ایدی١٨ v\ و اپیقوروسلو و اسطوئقی فیلسوفلردن بعضیسی انك ایله مباحثه ایدوب بعضلری بولافزن نه دیمك استیور و بعضلری غریب الۤهلر واعظی اولملیدر دیرلر ایدی زیرا انلره عیسایی و قیامتی تبشیر ایدر ایدی١٩ v\ و انی آلوب اریوپاغوسه كوتوردكده سنڭ سویله‌دیكك بو یكی تعلیم نه اولدیغنی اكلامه‌مز ممكنمیدر٢٠ v\ زیرا سن قولاقلرمزه غریب شیلر ایراد ایدیورسین. بو اجلدن انلرك نه اولدیغنی اكلامق استرز دیدیلر٢١ v\ زیرا آتینه‌لولرك كافه‌سی و اوراده اقامت ایدن اجنبیلر یكی بر شی سویله‌مكدن و دیكله‌مكدن بشقه شیئه وقت صرف ایتمزلر ایدی.٢٢ v\ اولوقت پولس اریوپاغوس اورته‌سنده طوروب دیدیكه ای آتینه‌لو ادملر سزی هر وجهله زیاده‌سیله اهل عبادت گوریورم٢٣ v\ زیرا طولاشوب سزڭ معبودلركزه نظر ایدر ایكن اوزرنده نا معلوم الهه دیو یازلمش بر مذبح بولدم. ایمدی بن سزڭ طانیمایه‌رق عبادت ایتدیككزی سزه همان انی وعظ ایدیورم٢٤ v\ دنیایی و انده بولنانك كافه‌سنی خلق ایدن الله كندیسی سما ایله زمینك ربی اولمغله ال ایله یاپلمش هیكللرده ساكن اولماز٢٥ v\ و بر شیئه محتاج كبی اڭا انسان الیله خدمت اولنماز چونكه جمله‌یه حیات و نفس و هر شیئی احسان ایدن او در٢٦ v\ و نوع بشرك جمله ملتلرینی بتون یر یوزنده ساكن اولملری ایچون بر قاندن خلق ایدوب مقدّمجه معین وقتلری و مسكنلرینك حدودلرینی تحدید ایلدی٢٧ v\ تا كه هر نه قدر الله هر بریمزدن اوزاق دكل ایسه‌ده انی ارایه‌لر بلكه لمسله انی بولورلر٢٨ v\ زیرا انكله یاشارز و حركت ایدرز و موجود ایز. نته كیم سزڭ شاعرلركزدن بعضلری زیرا بزده انك نسلی ایز دیو سویله‌مشدر٢٩ v\ ایمدی بز اللهك نسلی اولدیغمز تقدیرده الوهیتی انسان صنعتی و هنریله اویولمش اولان آلتون یا كومش یا طاشه بكزر ظن ایتمه‌ملی ایز٣٠ v\ و الله اشبو جهالت زمانلرندن اغماض ایتدی ایسه‌ده شمدی هر یرده ادملرك جمله‌سنه توبه ایتملریی تنبیه ایدیور٣١ v\ زیرا كندیسی تعیین ایتدیكی ادم واسطه‌سیله دنیایی عدالت اوزره حكم ایتمك ایچون بر كون تخصیص ایتمش اولوب انی‌ده اولولردن قیام ایتدرمسیله جمله‌نك ایمان ایتملرینه سبب ویردی.٣٢ v\ و اولولردن قیامی ایشیتدكلرنده بعضلری استهزا ایدوب بعضلری دخی بو خصوصده سنی تكرار دیكلرز دیدیلر٣٣ v\ و بویله‌جه پولس ارالرندن چیقدی٣٤ v\ اما بعض ادملر انك ایله برلشوب ایمان گلدیلر و بونلرك اراسنده اریوپاغوسلو دیونسیوس ایله دامارس نامنده بر قاری و انلر ایله سائرلردخی وار ایدی.