١٦
١ v\ و دربه ایله لیسطره‌یه واصل اولدی و اشته اوراده طمیوتاوس اسمنده بر شاكرد وار ایدی مرقوم مؤمن بر یهودی قارینك اوغلی اولوب پدری ایسه یونانی ایدی٢ v\ بو دخی لیسطره ایله قونیه‌ده اولان برادرلرك حسن شهادتنه مظهر اولمغله٣ v\ پولس بونڭ كندیسی ایله برابر چیقمسنی استیه‌رك اول محللرده بولنان یهودیلر سببندن انی آلوب ختان ایلدی زیرا پدری یونانی ایدیكنی جمله‌سی بیلورلر ایدی.٤ v\ و شهرلردن كچرلر ایكن اورشلیمده اولان رسوللر ایله اختیارلر طرفندن قرار ویریلان قانونلری حفظ ایتملری ایچون انلره تسلیم ایدرلر ایدی٥ v\ ایمدی كلیسالر ایمانده معمور اولمغله كوندن كونه عددی آرنمقده ایدی.٦ v\ و فریحیه‌دن و غلاطیا دیارندن كچوب آسیاده كلامی سویله‌ملری روح القدس طرفندن منع اولنمغله٧ v\ میسیا جوراینه گلوب بتینیه‌یه طوغری كیتمكه جهد ایتدیلر ایسه‌ده٨ v\ عیسانك روحی انلره اذن ویرمدیكندن میسایی كچوب طرواسه ایندیلر٩ v\ و كیجه‌لین پولس رؤیاسنده ماكدونیه‌یه كچوب بزه یاردم ایله دیو كندینه یالواران ماكدونیه‌لو بر ادمی اوكنده طورور گوردی١٠ v\ و بو رؤیایی كوردكده رب بزی انلره بشارتی تبشیر ایتمكه دعوت ایتمش ایدیكنی اكلایه‌رق درحال ماكدونیه‌یه چیقمغه سعی ایلدك.١١ v\ بویله‌جه بز طرواسدن آچیلوب طوغری ساموتراقی‌یه كیتدك و ایرتسی كون نیاپولیسه١٢ v\ اورادن دخی ما كدونیه سمتنك باش شهری و مهاجرلر محلی اولان فیلپی‌یه واردق و بو شهرده بر قاچ كون مكث ایلدك١٣ v\ و سبت كوننده شهردن طیشاری ایرماغك كنارینه عادت اوزره دعا ایتدكلری محله چیقوب اوتوردق و جمع اولمش قاریلره سویلدك١٤ v\ و طیاتیره‌لو ارغوانی صاتان و اللهه عبادت ایدن لیدیه نام بر قاری دیكله‌یور ایدی. رب دخی پولسك سویله‌دیكی شیلره دقت ایتمك اوزره مرقومه‌نك قلبنی آچدی١٥ v\ و كندیسی ایله خانه‌سی خلقی وافتیز اولندقده اگر نبی ربه مؤمنه عدّ ایتدیڭز ایسه اومه گیروب اقامت ایدڭز دیو رجا ایتدی و ابرام ایده‌رك بزی كوتوردی.١٦ v\ و بز دعایه كیدر ایكن كندیسنده فالجی بر روح اولان و فال آچمسیله اغالرینه چوق كار كتورن بر جاریه بزه راست گلدی.١٧ v\مزبوره بولس ایله بزم آردمز دوشوب ندا ایده‌رك بو ادملر الله متعالك قوللری اولوب بزه خلاص طریقنی وعظ ایدیورلر دیر ایدی.١٨ v\ و چوق كونلر بو یولده حركت ایتمش اولمغله پولس مكدّر اوله‌رق دونوب اول روحه عیسی المسیحك اسمیله سڭا امر ایدرم اندن چیق دیدكده اول ساعت چیقدی١٩ v\مزبوره‌نك اغالری دخی كارلرینك امیدی كسلدیكنی كوردكده پولس ایله سیلاسی طوتوب میدانه رئیسلرك حضورینه سوروكلیه‌رك٢٠ v\ انلری ضابطلره احضارله بو ادملر یهودی ایكن شهرمزی آلت اوست ایدیورلر٢١ v\ و رومالو اولدیغمز حالده بزه قبول و اجرا ایتمسی جائز اولمایان آیینلر وعظ ایدیورلر دیدیلر٢٢ v\ و خلق اوزرلرینه هجوم ایلمكله ضابطلر انلرك لباسلرینی جبراً صویدقدنصكره دوكملرینی امر ایتدیلر٢٣ v\ و انلری ضربله یاره‌لادقدنصكره حبسخانه‌یه آتوب انلری دقتله حفظ ایتمسنی حبسخانه مدیرینه تنبیه ایتدیلر٢٤ v\ او دخی بویله بر تنبیه آلمغله انلری ایچ زندانه آتوب ایاقلرینی طومروغه اوردی.٢٥ v\ و كیجه یاریسنده پولس ایله سیلاس دعا ایدوب اللهه حمد ایتمكده محبوسلر دخی انلری دیكله‌مكده ایكن٢٦ v\ ناكاه عظیم بر حركت ارض وقوع بوله‌رق زندانك تمللری صارصلدی و درحال جمله قپولر آچیلوب هر كسك باغلری چوزولدی٢٧ v\ و حبسخانه مدیری اویانوب حبسخانه‌نك قپولرینی آچیق كورمكله محبوسلر فرار ایتدی ظنیله قلیح چكوب كندی كندینی اولدره‌جك اولدی٢٨ v\ اما پولس یوكسك سسله چاغروب كندیكه بر ضرر اینمه زیرا جمله‌مز بوراده ایز دیدی.٢٩ v\ او دخی ایشق استیوب ایچری قوشدی و دتره‌یه‌رك پولس ایله سیلاسك ایاقلرینه قپاندی٣٠ v\ و انلری طیشاری چیقاروب ای افندیلر نه یاپملی ایم كه خلاص بوله‌یم دیدی٣١ v\ انلر دخی رب عیسی المسیحه ایمان ایت و كندك و اهل بیتك خلاص بوله‌جقسڭز دیدی.٣٢ v\ و اڭا و خانه‌سنده بولنانلرك جمله‌سنه ربك كلامنی سویله‌دیلر.٣٣ v\ او دخی انلری كیجه‌نك همان اول ساعتنده آلوب یاره‌لرینی ییقادی و كندیسی ایله جمله تعلقاتی درعقب وافتیز اولندیلر٣٤ v\ و انلری خانه‌سنه چیقاروب سفره قوردی و اللهه ایمان ایده‌رك بتون اهل بیتی ایله مسرور اولدی٣٥ v\ و صباح اولدقده ضابطلر چاوشلری كوندروب اول ادملری صالیویر دیدیلر٣٦ v\ و حبسخانه مدیری بو سوزلری پولسه نقل ایدوب ضابطلر صالیویرلمه‌ڭز ایچون خبر كوندردیلر انك ایچون شمدی چیقوب سلامتله كیدڭز دیدی٣٧ v\ پولس ایسه انلره بز رومالو ادملر ایكن بزی محاكمه ایتمیه‌رك علناً دوكوب زندانه آتدیلر شمدیده بزی كیزلومی چیقاریورلر. اویله اولماز اما كندیلری گلوب بزی چیقارسونلر دیدی٣٨ v\ و چاوشلر بو سوزلری ضابطلره خبر ویردیلر انلر دخی رومالو اولدقلرینی ایشیتمكله قورقدیلر٣٩ v\ و گلوب التفات ایده‌رك انلری طیشاری‌یه چیقاروب شهردن كیتملرینی رجا ایتدیلر.٤٠ v\ و انلر زنداندن چیقوب لیدیه‌نك خانه‌سنه كیردیلر و برادرلر ایله كوریشوب انلره تسلی ویرد كدنصكره كیتدیلر.