١٥
١ v\ و یهودیه‌دن بعض كیمسه‌لر اینوب اگر موسانك آیینی اوزره ختان اولنماز ایسه ڭز خلاص بوله‌مازسڭز دیو برادرلره تعلیم ایدرلر ایدی.٢ v\ ایمدی پولس و بارناباسك انلر ایله چوق منازعه و مباحثه‌لری ارلمغله بو مسئله‌دن طولایی پولس و بارناباس ایله كندیلرندن دیكر بعض كیمسه‌لرك اورشلیمه رسوللر و اختیارلرك یاننه چیقملرینه قرار ویردیلر٣ v\ انلر دخی كلیسا طرفندن كوندرلمكله فینیكه و سامریه‌دن كچوب طائفه‌لرك ایمانه كلدكلرینی افاده ایده‌رك جمله برادرلره عظیم مسرّت ویررلر ایدی٤ v\ و اورشلیمه واصل اولدقلرنده كلیسا و رسوللر و اختیارلر طرفندن قبول اولنوب اللهك كندی واسطه‌لریله اجرا ایتدیكی شیلرك جمله‌سنی نقل ایتدیلر٥ v\ و فریسیلر فرقه‌سندن ایمان گلمش بعض كیمسه‌لر قالقوب انلری ختان ایتمك و موسانك شریعتنی حفظ ایتملرینی تنبیه ایتمك لازمدر دیدیلر.٦ v\ بونڭ اوزرینه رسوللر ایله اختیارلر بو مسئله‌نك مذاكره‌سی ضمننده جمع اولدیلر٧ v\ و چوق مباحثه‌دنصكره بطرس قالقوب انلره خطاباً ای برادرلر طائفه‌لر بشارتك كلامنی بنم آغزمدن ایشیدوب ایمان ایتملری ایچون الله ارامزدن اوّلكی كونلرده بنی انتخاب ایلدیكنی بیلورسڭز٨ v\ و قلبلری بیلان الله روح القدسی بزه ویردیكی كبی انلره دخی ویرمكله انلره شهادت ایتدی٩ v\ و قلبلرینی ایمانله پاكلیه‌رك بزم ایله انلری تفریق ایتمدی١٠ v\ حال بویله ایكن نیچون شاكردلرك بویننه كرك اجدادمزك كرك بزم تحمل ایده‌مدیكمز بر بویوندریق قومغله اللهی تجربه ایدرسڭز١١ v\ لكن انلر مثللو بزم دخی رب عیسی [المسیحك] عنایتیله خلاص بوله‌جغمزه اینانرز دیدی.١٢ v\ او زمان بتون جماعت سكوت ایدوب بارناباس ایله پولسك كندی واسطه‌لریله طائفه‌لر اراسنده اللهك اظهار ایلدیكی جمله علامتلری و معجزه‌لری حكایه ایتدكلرینی دیكلر ایدی١٣ v\ انلر دخی كلامی تمام ایتد كدنصكره یعقوب جواباً ای برادرلر بنی دیكله‌یڭز.١٤ v\ اللهك طائفه‌لر اراسندن كندی اسمی ایچون بر قوم آلمق اوزره اوّلدن انلری نصل زیارت ایتدیكنی سمعون حكایه ایلدی١٥ v\ بوكا دخی پیغمبرلرك كلاملری مطابقدر١٦ v\ نته كیم بوندنصكره دونوب داودك دوشمش مسكننی تكرار بنا و ییقلمش یرلرینی تعمیر ایدوب انی تكرار قوره‌جغم١٧ v\ تاكه ادملرك باقیلری ایله اسمم اوزرلرنده آكلدیغی طائفه‌لرك جمله‌سی ربّی ارایه‌لر دیو بونلرك جمله‌سنی اجرا ایدن ربك بیوردیغی یازلمشدر١٨ v\ كندی ایشلرینك جمله‌سی ازلدنبرو اللهه معلومدر١٩ v\ بو اجلدن بن مناسب كورورمكه اللهه ایمان ایدن طائفه‌لره اذیت ویرمیه‌لم٢٠ v\ آنجق بتلرك كراهتلرندن و زنادن و بو غلمش نسنه‌دن و قاندن اجتناب ایتسونلر دیو مكتوب یازه‌لم٢١ v\ زیرا قدیم زمانلردنبرو موسی هر سبت گونی سیناغوغلرده اوقونمقده اولوب هر شهرده انی وعظ ایدنلر واردر دیدی.٢٢ v\ او زمان بتون كلیسا ایله رسوللر و اختیارلره كندیلرندن بعض ادملر یعنی برادرلر اراسنده معتبر اولان بارسباس لقبلو یهودا ایله سیلاسی انتخاب ایدوب پولس و بارناباس ایله برابر انطاكیه‌یه كوندرمك مناسب كوروندی٢٣ v\ و انلرك الیله آتی الذكر وجهله بر مكتوب كوندردیلر. رسوللر و اختیارلر و برادرلر طرفندن انطاكیه و سوریه و قیلیقه‌ده طائفه‌لردن اولان برادرلره سلام اولنور.٢٤ v\ بز كندیلرینه امر ایتمه‌مش ایكن طرفمزدن بعض كیمسه‌لر چیقوب ختان اولنمق و شریعتی حفظ ایتمك واجبدر دیملریله نفسلركزی اضلال ایده‌رك سزی مضطرب قیلمش اولدقلرینی ایشیتدیكمزدن٢٥ v\ بز بالاتفاق جمع اولوب ادملر انتخاب ایده‌رك٢٦ v\ و جانلرینی ربمز عیسی المسیحك اسمی ایچون فدا ایتمش اولان سوكیلولرمز بارناباس و پولس ایله برابر كوندرمكی مناسب كوره‌رك٢٧ v\ یهودا ایله سیلاسی كوندردك انلردخی همان بوشیلری شفاهاً خبر ویره‌جكلر٢٨ v\ زیرا سزڭ اوزركزه شولازم اولان شیلردن ماعدا یوك یوكلتمه‌مك روح القدسه و بزه مناسب كوروندی٢٩ v\ یعنی بت قربانندن و قاندن و بوغلمشدن و زنادن اجتناب ایده‌سڭز و بو شیلردن صاقندیغڭز حالده ایو ایتمش اولورسڭز. عافیتده اولڭز.٣٠ v\ انلردخی یوله چیقارلدقدنصكره انطاكیه‌یه گلدیلر و جماعتی جمع ایدوب مكتوبی تسلیم ایتدیلر٣١ v\ و انلر اوقودقده تسلیسندن طولایی مسرور اولدیلر٣٢ v\ و یهودا ایله سیلاس كندیلری دخی الهامه مالك اولدقلرندن چوق كلامله برادرلره نصیحت ایدوب تقویت ویردیلر٣٣ v\ و بر مدت اكلند كدنصكره برادرلر طرفندن سلامتله رسوللره ارسال اولندیلر ایسه‌ده٣٤ v\ سیلاسه اوراده قالمق مناسب كوروندی٣٥ v\ و پولس ایله بارناباس سائر نیچه كیمسه‌لر ایله برابر انطاكبه‌ده اقامت ایدوب ربك كلامنی تعلیم و تبشیر ایدرلر ایدی.٣٦ v\ و بر قاچ كون صكره پولس بارناباسه خطاباً دونوب ربك كلامنی وعظ ایتدمڭز هر بر شهرده برادرلری زیارت ایده‌رك نه حالده بولندقلرینی كوره‌لم دیدی٣٧ v\ و بارناباس مرقوس دینلان یوحنایی برابر آلمق استدی ایسه‌ده٣٨ v\ پولس پامفیلیه‌ده كندیلرندن آیریلوب كندیلری ایله برلكده ایشه كیتمیان كیمسه‌یی برابر آلمغی لایق كورمدی٣٩ v\ بوندن طولایی منازعه وقوع بولدی شویله كه بری برندن آیرلدیلر و بارناباس مرقوسی یاننه آلوب كمی ایله قبریسه گیتدی.٤٠ v\ پولس دخی سیلاسی انتخاب ایتدی و برادرلر طرفندن اللهك عنایتنه حواله اولندقدنصكره٤١ v\ عزیمت ایدوب سوریه ایله قیلیقیه‌یی طولاشه‌رق كلیسالره تقویت و یرر ایدی.