١٢
١ و او زمان هيرودس ملك کليسادن بعضلرينە ظلام ايتمك ايچون ال اوزادوب۔ ٢ يوحنانك قرنداشى يعقوبى قلينجله قتل ايتدى٣ و يهوديلرك بو شيدن خوشنود اولدقلرينى گورمکه بطرسى دخى طوتدى و فطير گونلري ايدي۔٤ و اونى طوتدقدە فصحدن صکره خلقك اوكنە چيقارمق نيتله اونى بکلەمك ايچون هر برى درت نفردن مرکب درت طاقم عسکرە تسليما حبسخانەيە اتدى۔٥ بو صورتلە بترس حبسخانەدە محفوظ ايدى و اونك ايچون کليسادن دوام اوزرە اللهە دعا اولنيور ايدى۔ ٦ و هيرودس اونى احضار ايدەجك اولديغندە اول گيجە بطرس ايکى زنجيرله باغلو اولەرق ايکى عسکرك اراسندە اويويوب بکجيلر دخى قبونك اوكندە حبسخانديي بکلمکدە ايکن٧ اشته ربك بر ملکى يانندە طوروب اول خانەدە بر نور لمعان ايتدي و بطرسك ياننە اورەرق اونى اوياندروب تيز قالق ديمسيلە اللرندن زنجيرلر دوشدى ٧ ... تیز قالق دیمسیله اللرندن زنجیرلر دوشدی٨ و ملك اڭا قوشاغكی قوشان و چاریقلركی كی دیدی او دخی بویله ایتدكدنصكره ینه اڭا اثوابكی كیوب آردم صره كل دیدی٩ او دخی چیقوب آردی صره گیتدی و ملك واسطه‌سیله واقع اولان شی حقیقی اولدیغنی بیلمیوب رؤیا گوریورم ظن ایدر ایدی١٠ و برنجی و ایكنجی قراغولی كچوب شهره چیقیلان تیمور قیویه گلدیلر بو دخی كندیلكندن انلره آچیلمغله چیقوب سوقاغك برینی كچدكلری كبی ملك اندن آیرلدی١١ و بطرس كندینه گلوب رب كندی ملكنی ارسال ایدوب بنی هیرودسك الندن و یهودی قومنك مأمول ایتدكلرینك جمله‌سندن قورتاردیغنی شمدی صحیحاً بیلورم دیدی١٢ و تفكر ایدوب مرقوس لقبلو یوحنانك والده‌سی مریمك خانه‌سنه گلدی. اوراده دخی چوق كیمسه‌لر جمع اولوب دعا ایدرلر ایدی١٣ بطرس حولی قپوسنی چالدقده رودا اسمنده بر خادمه قولاق ویرمكه گلدی١٤ و بطرسك سینی طانمیغله مسرّتندن قیویی آچمایوب ایچری سكرده‌رك بطرسك قپو اوكنده طوردیغنی خبر ویردی١٥ و انلر مرقومه‌یه چلدرمشسین دیدیلر اوایسه بویله‌در دیو تأكید ایتدكده انلر دخی انك ملكی در دیدیلر.١٦ بطرس ایسه بر دوزی‌یه قپویی چالمقده اولوب آچدقلرنده انی كوروب حیران قالدیلر١٧ او ایسه الیله سكوت ایدڭز دیو اشارت ایده‌رك ربك كندیسنی حبسخانه‌دن نه وجهله چیقاردیغنی انلره نقل ایتدی و بوشیلری یعقوبه و برادرلره خبر ویرڭز دید كدنصكره چیقوب دیكر بر محله گیتدی١٨ و كوندوز اولدقده بطرس نه اولدی دیو عسكرلراراسنده بر چوق اضطراب واقع اولدی١٩ هیرودس دخی انی ارایوب بوله‌مدیغندن استنطاقدنصكره بكجیلرك قتل اولنملرینی امر ایدی. و یهودیه‌دن قیصریه‌یه اینوب اوراده اقامت ایلدی.٢٠ و هیرودس صور ایله صیدا اهالیسنه غضبلنمش اولمغله بونلر كندی دیارلری ملِكك دیاری طرفندن بسلنمكده اولدیغندن بالاتفاق انك حضورینه گلدیلر و ملِكك مابینجیسی اولان بلاسطوسی اقناع ایده‌رك صلح طلب ایتدیلر٢١ و بر معین كونده هیرودس ملوكانه البسه‌سنی كیوب كرسیده اوتوره‌رق انلره بر نطق ایراد ایلدی.٢٢ خلق دخی الۤه سسیدر و انسان سسی دكلدر دیو ندا ایدر ایدی.٢٣ و مجدی اللهه ویرمدیكی ایچون درعقب ربك ملكی انی اوردی و انی قوردلر یمیسیله تسلیم روح ایتدی٢٤ اللهك كلامی ایسه ایلرولیوب نشر اولنمقده ایدی.٢٥ و بارناباس ایله ساول خدمتی تكمیل ایتدكدنصكره مرقوس لقبلو یوحنایی دخی برابر آله‌رق اورشلیمدن عودت ایتدیلر.