١١
١ و یهودیه‌ده بولنان رسوللر ایله برادرلر طائفه‌لرك دخی اللهك كلامنی قبول ایتدكلرینی ایشیتدیلر٢ و بطرس اورشلیمه چیقدیغی وقت اهل ختاندن اولانلر٣ سن ختانسز ادملر یاننه گیروب انلر ایله برابر طعام ایتدك دیو اعتراض ایدرلر ایدی٤ بطرس دخی انلره صره‌سیله حكایته ایتمكه باشلایوب٥ بن یافا شهرنده بولنه‌رق دعا ایتمكده ایكن حال وجدده بر رؤیا یعنی بیوك چارشب كبی بر قاب درت اوجندن آصیلو اوله‌رق سمادن ایندر یلوب بڭا گلدیگنی كوردم.٦ و اڭا دقتله باقمقده ایكن زمینك هر درلو درت ایاقلو و وحشی حیوانات ایله حشراتنی و هوا قوشلرینی كوردم٧ و بڭا ای بطرس قالق بوغازله ویی دیان بر صدا ایشیتدم٨ اما بن حاشا یا رب زیرا هیچ بر وقت حرام یا ناپاك بر شی آغزمه كیرمدی دیدم٩ و اول صدا سمادن ایكنجی دفعه اللهك تطهیر ایلدیكی شیلری سن حرام صایمه دیو بڭا جواب ویردی١٠ بو اوچ دفعه واقع اولوب ینه جمله‌سی سمایه چكیلدی١١ و اشته اول انده قیصریه‌دن بڭا كوندرلمش اوچ ادم بولندیغم خانه‌نك أوڭنده طوردیلر١٢ و روح بڭا تردد ایتمیه‌رك انلر ایله برابر گیت دیدی. و بو آلتی برادر دخی بنم ایله برابر گیدوب اول ادمك خانه‌سنه كیردك١٣ او دخی ملكی نصل كوردیكنی و انڭ كندی خانه‌سنده طوروب كندینه خطاباً یافایه [ادملر] كوندروب بطرس لقبلو سمعونی دعوت ایله١٤ او دخی سنڭ و بتون خانه‌كك خلاصنه واسطه اوله‌جق سوزلر سویلیه‌جكدر دیدیكنی بزه نقل ایتدی.١٥ بن دخی سویله‌مكه باشلادیغمده روح‌القدس ابتداده بزم اوزرمزه نازل اولدیغی كبی انلر اوزرینه دخی نازل اولدی١٦ اول وقت ربك یحیی صو ایله وافتیز ایتدی سز ایسه روح‌القدسله وافتیز اولنه‌جقسڭز دیدیكی كلامی خاطرمه كتوردم١٧ ایمدی الله بزه ویردیكی موهبه‌نڭ عیننی رب عیسی المسیحه ایمان ایتملری اوزرینه انلره دخی ویردی ایسه بن كیم ایدم كه اللهه مخالفت ایده‌بیله‌یم دیدی١٨ انلر دخی بونی ایشیدنجه سكوت ایتدیلر و اویله ایسه الله حیات ایچون توبه‌یی طائفه‌لره دخی احسان ایتمشدر دیو اللهی تمجید ایلدیلر.١٩ و استفانوس واقعه‌سی اوزرینه ظهور ایدن مضایقه سببیله تارومار اولانلر كلامی یهودیلردن ماعدا هیچ بر كیمسه‌یه سویله‌میه‌رك فینیكه‌یه و قبریسه و انطاكیه‌یه قدر كچدیلر٢٠ و انلردن بعضلری قبریسلو و قرینه‌لو ایدیلر و انطا كیه‌یه وصوللرنده یونانیلره خطاب ایده‌‌رك رب عیسایی تبشیر ایدرلر ایدی٢١ و ربك الی انلر ایله اولمغله خیلی كیمسه ایمان ایدوب ربه دوندی٢٢ و بونلرك خبری اورشلیم كلیساسنك قولاغنه واصل اولدقده بارناباسی انطا كیه‌یه قدر كچمك اوزره كوندردیلر٢٣ او دخی واصل اولوب اللهك لطفنی كوردكده مسرور اولدی و ربه جان و كوكلدن صادق قاله‌لر دیو جمله‌سنه نصیحت ایتدی٢٤ زیرا كندیسی ایو و روح القدسله و ایمانله مملو بر ادم ایدی و بر چوق خلق ربه منضم اولدی٢٥ او زمان بارناباس ساولی ارامق اوزره طرسوسه چیقوب انی بوله‌رق انطا كیه‌یه كتوردی٢٦ و انلر تمام بر سنه ظرفنده كلیسا ایله جمع اولوب٢٧ و اول گونلردە اورشليمدن انطاکيەيە الهامله سويليانلر اينوب٢٨ اونلردن اغابوس نامندە اولان برى قالقوب بتون دنيادە بر بيوك قتلق اولەجغنى روحك قوتيلە بيان ايتدى بو دخى قلاوديوس قيصرك گونلرندە وقع اولدى٢٩ و شاکردلر هر برى اقتداريە گورە يهوديەدە مقيم برادرلرە اعانه گوندرمکە قرار ويرديلر٣٠ و بونى بارناباس و ساول اليله اختيارلرە گوندرەرك اجرا دخى ايتديلر۔