١٠
١ v\ و قیصریه‌ده ایتالیالو دینلان طابوردن یوز باشی اوله‌رق٢ v\ اهل تقوی و بتون خانه‌سی ایله اللهدن قورقار و قومه چوق صدقه ویروب اللهه دائما دعا ایدر قورنیلیوس اسمنده بر ادم بولنوب٣ v\ مرقوم كوندوز ساعت طقوز راده‌لرنده رؤیاده اللهك بر ملكنك ای قورنیلیوس دیه‌رك ایچری انڭ یاننه گلدیگنی عیاناً گوردی.٤ v\ او دخی اڭا كوز دیكوب زیاده‌سیله قورقه‌رق ای افندی نه در دیمسی أوزرینه ملك اڭا دعالرك و صدقه‌لرك تذكار ایچون اللهك حضورینه چیقدیلر٥ v\ و شمدی یافایه ادملر كوندروب بطرس لقبلو سمعونی دعوت ایله٦ v\ او دخی سمعون نامنده بر دباغك یاننده مسافر اولوب انڭ خانه‌سی دخی دڭز كنارنده‌در [و نه یاپمقلغك كرك ایدیكنی او سڭا سویلیه‌جكدر] دیدی٧ v\ و [قورنیلیوسه] سویلیان ملك آیرلدقده خدمتكارلرندن ایكی كشی و معیتنده بولنانلردن اهل تقوی بر عسكر چاغروب٨ v\ انلره هر شیئی بیانله انلری یافایه كوندردی.٩ v\ و ایرتسی كون انلر یولده كیده‌رك شهره یاقلاشمقده ایكن بطرس ساعت آلتی راده‌لرنده دعا ایتمك اوزره طامه چیقدی١٠ v\ و زیاده‌سیله آجیقمش اولمغله طعام ایتمك استیوب انلر دخی حاضر ایتمكده ایكن كندینه حال وجد واقع اولدی١١ v\ و سمانك آچیلدیغنی و بیوك چارشب كبی بر قاب درت اوجندن باغلو اوله‌رق كندینه طوغری كله‌رك یره ایندرلدیكنی گوردی١٢ v\ و ایچنده زمینك هر درلو درت ایاقلو و وحشی حیوانات و حشراتی و هوا قوشلری وار ایدی١٣ v\ و اڭا ای بطرس قالق بوغازله ویی دیو بر صدا گلدی١٤ v\ لكن بطرس حاشا یا رب چونكه هیچ بر وقت حرام یا ناپاك بر شی یمیدم دیدی.١٥ v\ و تكرار ایكنجی دفعه اڭا اللهك تطهیر ایلدیكی شیلری سن حرام صایمه دیو بر صدا گلدی١٦ v\ و بو اوچ كره واقع اولوب اول قاب ینه سمایه رفع اولندی١٧ v\ و بطرس اول كوردیكی رؤیا نه اوله دیو كندی دروننده شبهه ایدر ایكن اشته قورنیلیوس طرفندن كوندریلان ادملر سمعونك خانه‌سنڭ خبرینی آلمش اوله‌رق قپو أوڭنده طوردیلر.١٨ v\ و چاغروب بطرس لقبلو سمعون بوراده‌می مسافردر دیو سؤال ایتدیلر١٩ v\ و بطرس رؤیادن طولایی تفكر ایدر ایكن روح اڭا اشته سنی اوچ ادم ارایور٢٠ v\ سن‌ده قالق اشاغی این و تردد ایتمیه‌رك انلر ایله برابر گیت زیرا انلری بن كوندردم دیدی٢١ v\ و بطرس [قورنیلیوس طرفندن كندینه كوندریلان] ادملرك یاننه اینوب اشته ارادیغڭز كیمسه بن ایم. كلمه كزك سببی نه‌در دیدی٢٢ v\ انلر دخی یوز باشی قورنیلیوس صالح و اللهدن قورقار و حقّنده بتون یهودی ملتی طرفندن حسن شهادت اولمنش بر ادم سنی خانه‌سنه دعوت ایدوب سنڭ سویلیه‌جككی دیكله‌مسی بر مقدّس ملك واسطه‌سیله كندیسنه وحی اولندی دیدیلر٢٣ v\ اول وقت انلری ایچری دعوت ایدوب آلیقودی. و ایرتسی كون بطرس انلر ایله برابر چیقوب یافالو قارنداشلردن بعضلری دخی اڭا یولداش اوله‌رق٢٤ v\ فرداسی گونی قیصریه‌یه كیردیلر. قورنیلیوس دخی اقرباسی ایله خاص دوستلرینی دعوت ایتمش اوله‌رق انلره منتظر ایدی٢٥ v\ و بطرس ایچری كیردكده قورنیلیوس انی استقبال ایدوب ایاقلرینه دوشه‌رك سجده ایلدی.٢٦ v\ بطرس ایسه قالق بن كندم دخی انسان ایم دیه‌رك انی قالدردی.٢٧ v\ و انڭ ایله سویلشه‌رك ایچری كیردكده جمع اولمش چوق كیمسه‌لری بولمغله٢٨ v\ انلره بر یهودی ادمه سائر ملتدن بری ایله اختلاط ایتمك یاخود یاننه گلمك جائز اولمادیغنی بیلورسڭز. اما الله بڭا بر ادمه حرام یا ناپاك دیه‌میه‌جكمی بیان ایتمشدر٢٩ v\ بوكا بناءً دعوت اولندیغمده دخی مخالفت ایتمكسزین گلدم. ایمدی بنی‌نه سببه مبنی چاغردیغكزی سؤال ایدرم دیدی٣٠ v\ قورنیلیوس دخی بوندن درت كون مقدم همان بو ساعته دكین اوروج طوتمقده اولوب ساعت طقوزده خانه‌مده دعا ایدر ایكن اشته اوكمده پارلاق البسه‌لو بر ادم طوروب٣١ v\ ای قورنیلیوس دعاك قبول اولنوب صدقه‌لرك اللهك حضورنده ذكر اولندیلر٣٢ v\ ایمدی یافایه كوندروب دڭز كنارنده دباغ سمعونك خانه‌سنده مسافر اولان بطرس لقبلو سمعونی دعوت ایله. او كلدیكنده سڭا سویلیه‌جكدر دیدی٣٣ v\ بونڭ أوزرینه فی الحال سڭا كوندردم سن‌ده كلدیككه ایو ایلدك و شمدی جمله‌مز الله طرفندن سڭا امر اولنان شیلرڭ جمله‌سنی دیكله‌مك اوزره اللهك حضورنده حاضر ایز دیدی.٣٤ v\ و بطرس آغزینی آچوب دیدیكه حقیقةً اللهك عندنده خاطره رعایت ایتمك اولمایوب٣٥ v\ آنجق هر ملتده اندن قورقوب صلاح ایشلیان كیمسه اڭا مقبول اولدیغنی اكلایورم٣٦ v\ سز عیسی المسیحك واسطه‌سیله (او جمله‌نك ربیدر) سلامت تبشیر ایده‌رك بنی اسرائیله كوندردیكی كلامی٣٧ v\ یعنی یحیانڭ وعظ ایتدیكی وافتیزدنصكره جلیلدن باشلایوب بتون یهودیه‌ده ناصرتلو عیسی حقّنده اولان وقوعاتی بیلورسڭز.٣٨ v\ شویله كه الله انی روح القدس و قوّتله مسح ایتدی او دخی هر طرفدن كچه‌رك ایولك ایدوب شیطانك مسلط اولدیغی كیمسه‌لرك جمله‌سنه شفا ویرر ایدی زیرا الله انڭ ایله ایدی٣٩ v\ بز دخی یهودیلرك دیاری ایله اورشلیمده انڭ اجرا ایتدیكی شیلرڭ جمله‌سنه شاهد ایز و آغاجه آصوب قتل ایتدكلری بو ذاتی٤٠ v\ الله اوچنجی كونده احیا ایدوب٤١ v\ بتون قومه دكل آنجق الله طرفندن مقدما تعیین اولنان شاهدلره اشكار كوستردی و اولولردن قیام ایتدكدنصكره بز دخی انڭ ایله برابر ییدك و ایچدك٤٢ v\ و دیریلر و اولولرك الله طرفندن تعیین اولنمش حاكمی كندیسی ایدیكنی قومه وعظ ایدوب شهادت ایتمه‌مزی بزه امر ایتدی٤٣ v\ جمله پیغمبرلر بو ذاته شهادت ایدرلر كه اڭا ایمان ایدنلرك جمله‌سی انڭ اسمی واسطه‌سیله كناهلرك عفوینه نائل اولور.٤٤ v\ بطرس بو شیلری سویله‌مكده ایكن كلامی ایشیدنلرك جمله‌سی أوزرینه روح‌القدس نازل اولدی٤٥ v\ و بطرس ایله برابر گلمش اولوب اهل ختاندن اولان مؤمنلر روح‌القدس موهبه‌سنك طائفه‌لره دخی احسان اولندیغنه حیران اولدیلر٤٦ v\ زیرا انلرك لسانلر سویلیوب اللهی تعظیم ایتدكلرینی ایشیدرلر ایدی٤٧ v\ او زمان بطرس جواباً روح‌القدسه بزم كبی نائل اولان بو كیمسه‌لرك وافتیز اولنماملری ایچون بر كیمسه صویی منع ایده‌بیلورمی دیه‌رك٤٨ v\ ربك، اسمنه وافتیز اولنملرینی امر ایتدی. او زمان بر قاچ كون قالمسنی رجا ایدیلر.