٩
١ لكن ساول ربك شاكردلری أوزرینه دها تهدید و قتلدن دم اوره‌رق كاهن اعظمك یاننه گیدوب٢ اندن دمشقده اولان سیناغوغلره مكتوبلر دیله‌دی تاكه اگر بوطریقدن بعض كیمسه‌لر بوله‌جق اولور ایسه كرك اركك كرك قاری انلری باغلو اوله‌رق اورشلیمه كتوره٣ و یولده دمشقه یاقلاشدیغنده اطرافنه سمادن آنسزین بر نور پارلادی٤ و یره دوشوب كندیسنه ای ساول ساول بڭا نیچون تعدّی ایدیورسین دیو بر صدا ایشیتدی٥ او دخی ای افندی سن كیم سین دیدی و رب بن سنڭ تعدّی ایتدیكك عیسی ایم. اوكندره‌لره قارشو دپمك سڭا كوجدر دیدی٦ او دخی دتره‌یوب حیران اوله‌رق یا رب نه استرسین كه بن یاپه‌یم دیدی.٧ رب دخی اڭا قالق شهره كیر و نه یاپمقلغك كرك ایدیكی سڭا سویلنیله‌جكدر دیدی. و انڭ ایله برابر یوله كیدن ادملر صدایی ایشیدوب اما كیمسه‌یی كورمیه‌رك نطقلری طوتلمش طوریورلر ایدی.٨ و ساول یردن قالقوب كوزلری آچیلمش اولدیغی حالده كیمسه‌یی كوره‌مدی و انی الندن طوته‌رق دمشقك ایچنه كوتوردیلر٩ و اوچ كون كوره‌میوب نه یدی نه ایچدی.١٠ و دمشقده حنانیا اسمنده بر شاكرد بولنوب بوكا رب رؤیاده ای حنانیا دیدكده او دخی لبیك یا رب دیدی١١ و رب اڭا قالق طوغری دینلان سوقاغه وار و یهودانك خانه‌سنده طرسوسلو ساول نام كیمسه‌یی بول زیرا اشته او دعا ایدیور١٢ و رؤیاده حنانیا اسمنده بر ادمك ایچری گلدیگنی و كوزلری كورمسی ایچون أوزرینه النی قودیغنی كورمشدر دیدی١٣ و حنانیا جواباً یا رب بو ادمك حقّنده اورشلمده اولان سنڭ مقدّسلركه نه قدر كوتولكلر ایتدیكنی چوق كیمسه‌لردن ایشیتدم١٤ و سنڭ اسمكه دعا ایدنلرك جمله‌سنی باغلامغه باش كاهنلر طرفندن بوراده دخی حكمی وار دیدی١٥ و رب اڭا گیت زیرا او ملتلر و ملِكلرك و بنی اسرائیلك حضورنده اسممی طاشمیق ایچون بڭا انتخاب اولنمش بر قابدر١٦ زیرا بنم اسمم ایچون نه‌لر چكمك كرك ایدیكنی بن كندیسنه كوستره‌جكم دیدی١٧ ایمدی حنانیا گیدوب اول اوه گیردی و اللرینی انڭ أوزرینه قویوب ای ساول برادر رب یعنی كلدیكك یولده سڭا كورینان عیسی كوزلرك كورسون و روح القدسله مملو اوله‌سین دیو بنی كوندردی دیدی.١٨ v\ و درحال انڭ كوزلرندن صانكه پوللر دوشوب كورور اولدی و قالقوب وافتیز اولندی١٩ v\ و طعام ایدوب كسب قوت ایلدی و [ساول] دمشقده اولان شاكردلر ایله بر قاچ كون قالدی.٢٠ v\ و درعقب سیناغوغلرده عیسایی ابن الله‌در دیو وعظ ایدر ایدی٢١ v\ و ایشیدنلرك جمله‌سی حیران اولوب اورشلیمده بو اسمه دعا ایدنلری خراب ایدن بو دكلمی. همده بورایه انلری باغلو اوله‌رق باش كاهنلره كوتورمك ایچون كلمدیمی دیرلر ایدی٢٢ v\ اما ساول كیتدكجه كسب قوت ایتدی و مسیح بودر دیو اثبات ایده‌رك دمشقده ساكن اولان یهودیلری حیرتده براغور ایدی٢٣ v\ و بر چوق كونلر مرورنده یهودیلر انڭ قتلی ایچون مشاوره ایتدیلر٢٤ v\ اما انلرك سوء قصدلری ساوله معلوم اولدی و انی قتل ایتمك ایچون قپولری كیجه كوندوز بكلرلر ایدی ایسه‌ده٢٥ v\ شاكردلرانی كیجه‌لین آلوب زنبیل ایچنده حصاردن اشاغی صارقیده‌رق ایندردیلر.٢٦ v\ و ساول اورشلیمه گلدیگی زمان شاكردلر ایله بر لشمكه غیرت ایتدی ایسه‌ده جمله‌سی انڭ شاكرد اولدیغنه اعتماد ایتمدكلرندن اندن قورقارلر ایدی٢٧ v\ اما بارناباس انی آلوب رسوللرك یاننه كتوره‌رك انڭ یولده ربی نصل كوردیكنی و ربك اڭا سویله‌دیكنی و دمشقده عیسانڭ اسمیله نصل جسورانه سویله‌مش اولدیغنی انلره حكایه ایلدی.٢٨ v\ و اورشلیمده انلر ایله گیروب چیقمقده ایدی٢٩ v\ و رب عیسانڭ اسمیله جسارت بولوب یونانیجه تكلم ایدنلر ایله سویلشور و مباحثه ایدر ایدی انلر ایسه انڭ قتلنه جهد ایدرلر ایدی٣٠ v\ لكن برادرلر بوكا واقف اولمغله انی قیصریه‌یه ایندروب طرسوسه كوندردیلر.٣١ v\ او زمان كلیسالر بتون یهودیه‌ده و جلیلده و سامریه‌ده سلامت بولوب معمور اولمغله ربك قورقوسنده و روح القدسك تسلیسنده یورویه‌رك چوغالمقده ایدیلر.٣٢ v\ و بطرس هر طرفدن كچر ایكن لدّه‌ده ساكن اولان مقدّسلرك یاننه دخی ایندی٣٣ v\ و اوراده سڭز ییلدنبرو یتاقده قالمش انیا اسمنده بر كوتروم ادم بولوب٣٤ v\ بطرس اڭا ای انیا عیسی المسیح سڭا شفا ویریور قالق كندوك ایچون دوشككی یاپ دیدكده درحال قالقدی٣٥ v\ و لدّه‌ده وصارونده ساكن اولانلرك جمله‌سی انی كوروب ربه دوندیلر.٣٦ v\ و یافاده طابیثا (ترجمه‌سی جیران دیمكدر) نامنده نسادن بر شاكرد وار ایدی. مرقومه ایشلدیكی ایو عمللر و صدقه‌لرله مملو ایدی٣٧ v\ و اول كونلرده بو خاتون خسته اولوب وفات ایلدی و انی ییقادقدنصكره فوقانی بر اوطه‌یه قودیلر٣٨ v\ و لدّه یافایه یاقین بولنمغله شاكردلر بطرسك اوراده اولدیغنی ایشیتملریله یانلرینه كلمكده كجیكمه‌مسنی رجا ایچون انڭ طرفنه ایكی ادم كوندردیلر٣٩ v\ و بطرس قالقوب انلر ایله برابر گلدی و واصل اولدیغنده انی فوقانی اوطه‌یه چیقاردیلر و جمله طول قاریلریاننه گلوب آغلایه‌رق جیران انلر ایله برابر ایكن یاپدیغی انتاریلر ایله لباسلرك كافه‌سنی كوستررلر ایدی.٤٠ v\ و بطرس جمله‌سنی طیشاری چیقاروب دیز چوكه‌رك دعا ایلدی و جسده دونوب ای طابیثا قالق دیدی او دخی كوزلرینی آچوب بطرسی كورونجه قالقوب اوتوردی٤١ v\ او دخی مرقومه‌یه النی ویروب قالدردی و مقدّسلر ایله طول قاریلری چاغروب انی دیری اوله‌رق تقدیم ایلدی٤٢ v\ و بو واقعه بتون یافاده معلوم اولوب نیچه كیمسه‌لر ربه ایمان ایتدیلر٤٣ v\ و بطرس یافاده سمعون نامنده بر دباغك یاننده بر چوق كونلر مكث ایلدی.