١٣
١ v\ و انطا كیه‌ده بولنان كلیساده بعض الهامله سویلیانلر و معلملر یعنی بارناباس و نیكار دینلان سمعون و قرینه‌لو لوقیوس هم رئیس الربع هیردوس ایله برابر بسلنمش اولان ماناین و ساول وار ایدی.٢ v\ و انلر ربه عبادت ایدوب اوروج طوتدقلری صره‌ده روح القدس دعوت ایتدیكم ایش ایچون بارناباس ایله ساولی بڭا تخصیص ایدڭز دیدی٣ v\ او زمان اوروج طوتوب و دعا ایدوب اللرینی انلر اوزرینه قودقدنصكره كوندردیلر.٤ v\ ایمدی بونلر روح القدس طرفندن ارسال اولنمغله سلوكیه‌یه اینوب اورادن كمی ایله قبریسه كچدیلر٥ v\ و سلامینایه وصوللرنده یهودیلرك سیناغوغلرنده اللهك كلامنی وعظ ایدرلر ایدی یوحنا دخی انلرك خدمتنده ایدی٦ v\ و پافوسه قدر اطه‌دن كچوب باریسوع اسمنده سحرباز و یالانجی پیغمبر بر یهودی بولدیلر٧ v\ بو ادم عاقل بر ذات اولان سرقیوس پولس والینك یاننده بولنور ایدی. بو ذات بارناباس ایله ساولی دعوت ایدوب اللهك كلامنی دیكله‌مكه آرزو ایتدی٨ v\ اما الماس یعنی سحرباز (چونكه اسمی بویله ترجمه اولنور) والی‌یی ایماندن دوندرمكه چالیشه‌رق انلره قارشو طوردی٩ v\ و ساول یعنی پولس روح القدسله مملو اولوب اڭا دقتله نظر ایده‌رك١٠ v\ هر حیله و هر شرّتله مملو اولان شیطان اوغلی هر صلاحك دشمنی ربك طوغری یوللرینی افساد ایتمكدن فراغت ایتمزمیسین١١ v\ و شمدی اشته ربك الی سنڭ اوزركده اولوب بر مدت كونش كورمیه‌رك كور اوله‌جقسین دیدیكی كبی أوزرینه دومان و قراڭلق دوشمكله طولاشوب الندن طوته‌جق ادم ارار ایدی١٢ v\ او زمان والی واقع اولانی كورد كده ربك تعلیمنه تعجّب ایده‌رك ایمان ایلدی.١٣ v\ و پولس رفیقلری ایله پافوسدن حركت ایدوب پامفلیه‌ده كائن پرغه‌یه گلدیلر اما یوحنا انلردن آیریلوب اورشلیمه عودت ایتدی.١٤ v\ انلر دخی پرغه‌دن كچوب پیسیدیه‌ده واقع انطا كیه‌یه واصل اولدیلر و سبت كوننده سیناغوغه گیروب اوتوردیلر١٥ v\ و تورات ایله پیغمبرلر اوقوندقدنصكره سیناغوغ رئیسلری انلره خبر كوندروب ای برادرلر اكرقومه نصیحت یوللو بركلامڭز وار ایسه سویله‌یڭز دیدیلر١٦ v\ اولوقت پولس قالقوب الیله اشلرت ایده‌رك دیدیكه ای بنی اسرائیل و اللهدن قورقانلر دیكله‌یڭز١٧ v\ بو اسرائیل قومنك اللهی اجدادمزی انتخاب ایلدی. و قومی مصر دیارنده غربتده ایكن یوكسلدوب انلری اورادن یوكسلمش بازو ایله چیقاردی١٨ v\ و انلری تقریباً قرق سنه مدت برّیه‌ده بسلد كدنصكره١٩ v\ كنعان دیارنده یدی طائفه هلاك ایده‌رك یرلرینی انلره میراث اولمق اوزره ویردی٢٠ v\ اندنصكره تقریباً درت یوز اللی سنه صموئیل پیغمبره دكین حاكملر ویردی٢١ v\ و صكره ملِك طلب ایتدكلرنده الله انلره قرق سنه بنیامین سبطندن قیس اوغلی ساولی ویردی٢٢ v\ و انی عزل ایتدكده انلره ملِك اولمق اوزره داودی ظهوره كتوروب انك حقنده شهادت دخی ایده‌رك داود ابن یسی‌یی كندی قلبمه موافق بر ادم بولدم. هر بر مرادمی اجرا ایده‌جكدر دیدی٢٣ v\ بونڭ نسلندن الله وعده كوره اسرائیله بر خلاصكار یعنی عیسایی ظهوره كتوردی٢٤ v\ و او مأموریت اجراسنه باشلامزدن اوّل یحیی بتون اسرائیل اوغوللرینی قومنه توبه وافتیزینی وعظ ایتمش ایدی.٢٥ v\ و یحیی مأموریتنی اتمام ایتمك اوزره ایكن دیدیكه بنی كیم ظن ایدرسڭز بن مسیح دكل ایم لكن اشته بندنصكره بن ایاق قابلرینی چیقارمغه لایق اولمادیغم ذات گلیور٢٦ v\ ای برادرلر بنی ابراهیم نسلی و اراكزده اللهدن قورقانلر بو خلاصك خبری سزه ارسال اولنمشدر٢٧ v\ زیرا اورشلیم اهالیسی ایله رئیسلری انی همده هر سبتده اوقونان پیغمبرلرك كلاملرینی بیلمدكلری ایچون اوزرینه حكم ایتمكله او كلاملری اتمام ایتدیلر٢٨ v\ و قتله هیچ بر سبب بولمادقلری حالده پیلاطوسدن انك قتلنی طلب ایتدیلر٢٩ v\ انك حقّنده یازیلان شیلرك جمله‌سنی اتمام ایتد كدنصكره انی آغاجدن ایندروب قبره قودیلر٣٠ v\ اما الله انی اولولردن احیا ایلدی٣١ v\ او دخی كندیسی ایله برابر جلیلدن اورشلیمه چیقانلره چوق كونلر كورینوب انلر دخی قوم ایچون انك شاهدلریدر٣٢ v\ و بز اجدادمزه اولان وعدی سزه تبشیر ایدیورز٣٣ v\ شویله كه الله عیسایی احیا ایتمكله انی بز انلرك اولادینه اتمام ایتمشدر نته كیم ایكنجیمزمورده دخی‌سن اوغلم سین سنی بو كون تولید ایلدم دیو یازلمشدر٣٤ v\ و انی اولولردن احیا ایدوب آرتق چورومكلكه دونمیه‌جكنه دائر داوده اولان عزیز و امین وعدلری سزه ویره‌جكم دیمشدر٣٥ v\ انك ایچون بشقهمزمورده دخی مقدّسكی چورومكلك كورمكه براقمایه‌جقسین دیدی٣٦ v\ زیرا داود كندی عصرنده اللهك ارادتنه خدمت ایتمش اوله‌رق او یقویه واروب اجدادینه منضم اولمسیله چورومكلك گوردی٣٧ v\ اما اللهك احیا ایتدیكی ذات چورومكلك كورمدی٣٨ v\ ایمدی ای برادرلر سزه معلوم اولسونكه كناهلر عفوی سزه بونڭ واسطه‌سیله وعظ اولنور.٣٩ v\ و موسانك شریعتی واسطه‌سیله تبریه اولنه‌مدیغڭز جمله شیلردن هر ایمان ایدن بونڭ واسطه‌سیله تبریه اولنور٤٠ v\ ایمدی صاقنڭز اولمایه كه پیغمبرلرده٤١ v\ ای تحقیر ایدیجیلر باقڭز و تعجّب ایدوب تلف اولڭز زیرا سزڭ كونلركزده بر ایش ایشلرم اویله بر ایش‌كه اگر بری سزه نقل ایدرایسه اینانمایه جقسڭز دیو بیوریلان كلام اوزركزه كله.٤٢ v\ و یهودیلرك سیناغوغندن چیقدقلرنده طائفه‌لر بو سوزلرك كله‌جك سبت كندیلرینه سویلنلمسنی رجا ایتدیلر٤٣ v\ و جماعت طاغلدقده یهودیلردن و اهل تقوی مهتدیلردن نیچه‌لری پولس ایله بارناباسك آردی صره كیتدیلر. بونلر دخی انلره سویلیوب اللهك لطفنده ثابت اولمالری ایچون نصیحت ایدرلر ایدی٤٤ v\ و ایرتسی سبت كوننده تقریباً بتون شهر اهالیسی اللهك كلامنی دیكله‌مكه جمع اولدی٤٥ v\ و یهودیلر خلقی كورد كده حسدله طولمغله پولسك سویلدیكی شیلره اعتراض و كفر ایده‌رك مخالفت ایدرلر ایدی.٤٦ v\ اولوقت پولس ایله بارناباس جسورانه سویلیه‌رك اللهك كلامنی اوّلا سزه سویله‌مك واجب ایدی فقط سز انی رد ایدوب كندیكزی ابدی حیاته لایق كورمدیكڭز حالده اشته طائفه‌لره دونرز.٤٧ v\ زیرا رب بزه بویله یعنی زمینك نهایتنه قدر باعث خلاص اوله‌سین دیو سنی طائفه‌لره نور اولمق اوزره نصب ایتدم دیو امر ایتمشدر دیدیلر٤٨ v\ و طائفه‌لر بونی ایشیتدكده مسرور الوب ربك كلامنی تعزیز ایتدیلر و ابدی حیاته تعیین اولنانلر ایمانه گلدیلر٤٩ v\ و ربك كلامی بتون اول دیارده نشر اولنمقده ایدی٥٠ v\ اما یهودیلر اهل تقوی و معتبر قاریلر ایله شهرك بیوكلرینی تحریك ایدوب پولس ایله بارناباس علیهنه تعدّی چیقاره‌‌رق انلری كندی سنورلرندن طرد ایتدیلر٥١ v\ بونلردخی ایاقلرینك توزینی انلره قارشو سیلكوب قونیه‌یه كلدیر٥٢ v\ شاكردلر ایسه مسرّت و روح القدسله مملو اولورلر ایدی.