١٦
١ مقدّسلر ایچون اولان اعانه طوپلانمسی خصوصنده غلاطیا كلیسالرینه ترتیب ایتدیكم كبی سز دخی بویله یاپڭز٢ هر هفته‌نك برنجی كوننده سزدن هر بری نائل اولدیغی بركته كوره جمع ایدوب یاننده آلیقوسون تا كه واصل اولدیغمده او زمان طوپلامقلق اولمایه٣ و كلدیكمده مناسب كوره جكڭز ادملر كیملر ایسه احسانكزی اورشلیمه كوتورمك ایچون مكتوبلرله انلری كوندررم٤ بنم كیتمه‌م دخی مناسب كوریلور ایسه بنم ایله برابر كیده‌جكلردر٥ و ماكدونیه‌دن كچد كدنصكره سزه كله‌جكم چونكه ماكدونیه‌دن كچه‌جكم٦ و اولوركه یانكزده مكث ایدرم و بلكه‌ده قیشی كچوررم تا كه هر نره‌یه كیده‌جك اولور ایسه‌م بنی سز یوله چیقاره‌سڭز٧ زیرا بو دفعه یول اوزری سزڭ ایله كوروشمك استمیوب رب اذن ویرر ایسه یانكزده بر مدت اكلنمك امیدنده ایم٨ لكن خمسین بیرامنه‌دك افسوسده قاله‌جغم.٩ زیرا بڭا بیوك و كارلو بر قپو آچیلوب مخالفت ایدنلر دخی چوقدر١٠ و اگر طیموتاوس كله‌جك اولور ایسه یانكزده قورقوسزجه بولنمسنه دقت ایدڭز زیرا او دخی بنم كبی ربك ایشیله مشغولدر.١١ ایمدی انی كیمسه تحقیر ایتمسون لكن یانمه كلمسی ایچون سلامتله یوله چیقارڭز زیرا برادرلر ایله انی بكلیورم١٢ آپولس برادر حقنده ایسه برادرلر ایله برابر یانكزه كلمسنی كندیسندن چوق رجا ایتدم ایسه‌ده شمدی كلمكی قطعاً استمیور و لكن مناسب وقتی اولدقده كله‌جكدر١٣ اویانق طوروڭز. ایمانده ثابت اولڭز. مردانه حركت ایدڭز. محكم اولڭز١٤ جمله امورڭز محبتله اجرا اولنسون١٥ ای برادرلر استفاناسك خانه‌سی اخائیانك طرفانده‌سی اولوب مقدّسلرك خدمتنه كوكل ویردكلری معلومڭز ایكن سزه رجا ایدرمكه١٦ كندیڭز دخی بو كبی كیمسه‌لره و برابر ایشلیوب امك چكنلرك جمله‌سنه مطیع اوله‌سڭز١٧ استفاناس و فورتوناتوس و اخایقوسك واصل اولمه‌لرندن مسرور اولدم زیرا سزڭ نقصانكزی انلر تمام ایتدیلر١٨ چونكه بنم روحمی و سزڭكینی‌ده مستریح قیلدیلر. ایمدی بویله كیمسه‌لره رعایت ایلیڭز١٩ آسیا كلیسالری سزه سلام ایدرلر. اكویلاس و پریسقیللا ایله خانه‌لرنده بولنان كلیسا سزه ربده چوق سلام ایدرلر٢٠ جمله برادرلر سزه سلام ایدرلر. مقدّس اوپشله بری بریكزه سلام ایدڭز.٢١ بن پولسك ال یازیسیله سلام٢٢ اگر بر كیمسه رب [عیسی المسیح]ی سومز ایسه ربمزك كلدیكنده ملعون اولسون٢٣ رب عیسی المسیحك عنایتی سزڭ ایله اولسون٢٤ محبتم عیسی المسیحده جمله كزایله اولسون آمین