١٢
١ ایمدی ای برادرلر اللهك رحمتلری ایچون سزه یالواررم كه جسدلر كزی دیری و مقدّس و اللهه مقبول بر قربان دیو تقدیم ایده‌سڭز. روحانیعبادتڭز بودر٢ و بو عالمك كیدیشنه اویمایڭز اما اللهك خیرلو و مقبول و كامل ارادتی نه اولدیغنی تجربه ایتمك ایچون عقلكزك تجدیدیله تبدیل ایدڭز٣ زیرا بڭا ویریلان عنایتله اراكزده بولنان هر بر ادمه دیرمكه كندیسنه لایقندن زیاده اعتبار ایتمسون اما اللهك هر كسه توزیع ایتدیكی ایمانك مقدارینه كوره تام عقل اوزره اعتبار ایتسون٤ زیرا بر جسدده چوق اعضامز بولندیغی و لكن اعضانك جمله‌سنك ایشی همان بر اولمادیغی مثللو٥ بز دخی چوق ایكن مسیحده بر جسد و هر بریمز بری بریمزك اعضاسی ابز٦ اما بزه ویریلان عنایته كوره درلو درلو موهبه‌لرمز اولمغله اگر الهامله سویله‌مك ایسه ایمانك مقدارینه كوره اولسون٧ اگر شماسلق ایسه شماسلقده اگر معلم ایسه تعلیمده٨ اگر نصیحت ویرن ایسه نصیحتده اولسون. اگر توزیع ایدن ایسه ساده‌لكله و ریاست ایدن غیرتله و مرحمت ایدن جان و كوكلدن ایتسون٩ محبت ریاسز اولسون. كلمكدن اكراه ایدوب خیره یاپشڭز١٠ قارنداش محبتیله بری بریكزی سوڭز. حرمت ایتمكده بری بریكزه تقدّم ایدڭز١١ سعی و غیرتده كوشكلك ایتمیڭز. روحده حرارتلو اولڭز. ربه قوللق ایدڭز١٢ امیدده مسرور اولوب مضایقه‌ده صبرلو اولڭز. دعاده دوام ایدڭز١٣ مقدّسلرك احتیاجاتنه معاونت ایدوب مسافر پرورلكه مقید اولڭز.١٤ سزه تعدّی ایدنلره خیر دعا ایدڭز. خیر دعا ایلیڭز و بد دعا ایتمیڭز١٥ مسرورلر ایله مسرور اولڭز. اغلایانلر ایله اغلایڭز.١٦ یكدیكر ڭز حقنده هم افكار اولڭز. یوكسك شیلره صرف افكار ایتمیوب آنجق متواضعلر ایله یولداش اولڭز. كندیكزی عقللو كورمیڭز١٧ هیچ بر كیمسه‌یه كملكه مقابل كملك ایتمیڭز. جمله ادملرك حضورنده ایو شیلره دقت ایلیڭز١٨ ممكن مرتبه الكزدن گلدیگی قدر جمله ادملر ایله صلح اوزره اولڭز١٩ ای سوكیلولر نفسڭز ایچون انتقام آلمایڭز فقط غضبه محل ویرڭز زیرا رب بیورر كه انتقام بنمدر جزایی بن ویررم دیو یازلمشدر٢٠ ایمدی اگر دشمنك آج ایسه اڭا طعام ویر اگر صوصامش ایسه اڭا صو ویر زیرا بونی ایتمكله انك باشنه آتش قورلری ییغمش اولورسین٢١ شرّه مغلوب اولمه اما خیرله شرّه غالب اول