٦
١ و اول كونلرده شاكردلر چوغالمقله یونانیجه تكلم ایدنلر طرفندن كندی طول قاریلرینك یومی اعانه‌ده اهمال اولندقلری ایچون عبرانیلر علیهنه قیل و قال واقع اولدی٢ و اون ایكیلر شاكردلرك جماعتنی دعوت ایدوب اللهك كلامنی تركله سفره‌لره خدمت ایتمه‌مز مناسب دكلدر٣ انڭ ایچون ای برادرلر سزدن حقلرنده حسن شهادت اولنان و روح القدس و حكمتله مملو بولنان یدی ادم انتخاب ایدڭز بز دخی انلری بو ایشه تعیین ایده‌لم٤ بز ایسه دعا ایله كلامڭ خدمتنه دوام ایده‌جڭز دیدیلر٥ و بو سوز بتون جماعتك خوشنه كیده‌رك ایمان و روح القدسله مملو اولان استیفانوس نام برادم ایله فیلبس و پروكورس و نیقانور و طیمون و پارمناس ایله انطا كیه‌لو مهتدی نیقولاوسی انتخاب ایدوب٦ انلری رسوللرك حضورینه كتوردیلر انلر دخی دعا ایدوب اللرینی اوزرلرینه قودیلر٧ و اللهك كلامی ایلرولیوب شاكردلرك عددی اورشلیمده غایتله چوغاله‌رق كاهنلردن بر چوق خلق دخی ایمانه اطاعت ایدرلر ایدی.٨ و استیفانوس ایمان و قدرتله مملو اوله‌رق قوم اراسنده عظیم معجزه‌لر و علامتلر اجرا ایدر ایدی٩ و لیبرتینلر و قیرینه‌لولر و اسكندریه‌لولر سیناغوغی دینلان سیناغوغدن و قیلیقیه‌لو و آسیالولردن بعضلری قالقوب استیفانوس ایله مباحثه ایدلر ایدی١٠ و واسطه‌سیله سویله‌دیكی حكمت و روحه مقاومت ایده‌مدیلر١١ او زمان بز بونڭ موسایه و اللهه كفرلر سویله‌دیكنی ایشیتدك دیمك ایچون بعض ادملری ایارتدیلر١٢ و قوم ایله اختیارلری و علمایی تحریك ایتدیلر و أوزرینه هجومله انی طوتوب ملت مجلسنه كوتوردیلر١٣ و یالان شاهدلر احضار ایده‌رك انلر دخی بو ادم بو مقدس محله و شریعته قارشو كفرلر سویله‌مكدن فراغت ایتمز١٤ زیرا بونڭ اول ناصرتلو عیسی بو یری ییقوب موسانك بزه تسلیم ایتدیكی آیینلری تبدیل ایده‌جكدر دیدیكنی بز ایشیتدك دیدبلر١٥ و مجلسده اوتورانلرك جمله‌سی اڭا دقتله باقوب انڭ یوزینی ملك یوزی كبی كوردیلر.