١ وهفتەنڭ برنجی گونی صباحلاین دها قراڭلق ایكن مجدلی مریم قبرە گلوب طاشی قبردن قالدرلمش گورمكلە ۔٢ قوشوب سمعون بطرسە و عیسانڭ سودیكی اولبر شاكردە گلوب انلرە ربی قبردن قالدرمشلر وانی نرە یە قودقلرینی بیلمیز دیدی۔٣ اولوقت بطرس ایلە اولبر شاكرد چیقوب قبرە كیتدیلر ۔٤ ایكیسی دخی برابر قوشیورلر ایدی فقط اولبر شاكرد بطرسدن چابك ایلری قوشدیغندن اوّلجە قبرە واردی۔٥ واكیلوب كتان بزلرینی بر طرفە قونلمش گوردی ایسە دە ایچری كیرمدی ۔٦ سمعون بطرس دخی انڭ آردی صرە گلوب قبرە گیردی و كتان بزلری قونلمش ۔٧ وانك باشندە اولان مندیلی كتان بزلری ایلە برابر قونل،ایوب آنجق آیریجە بر محلدە دوریلو گوردی۔٨ اوزمان قبرە اوّلجە گلان اولبر شاكرد دخی گیروب گوردی وایناندی ۔٩ زیرا اڭا اولولردن قیام ایتمك كركدر دیو یازلمش اولانی دها بیلمزلر ایدی ۔١٠ ایمدی بوشاكر دلر تكرار كندی یرلرینە كیتدیلر١١ اما مریم قبرك یانندە طیشاریدە طوروب آغلایور ایدی وآغلار ایكن باقمق ایچون قبرە اكیلوب ۔١٢ عیسانڭ جسدینك قونلمش اولدیغی محلدە بری باش طرفندە و دیكری ایاق طرفندە اوتورمش بیاض البسە لو ایكی ملك گوردی ۔١٣ و بونلر اڭا خاتون نیچون آغلا یورسین دیملری اوزرینە ربمی قالدردقلری وانی نرە یە قودقلرینی بیلمدیكم ایچون دیدی ۔١٤ بونی سویلد كدە آرقە سنە دونوب عیسایی طوروركوردی ایسە دە عیسی ایدیكنی بیلمدی ۔١٥ عیسی اڭا ای خاتون نیچون آغلایورسین كیمی ارایورسین دیدی ۔ او دخی باغچو اندر ظن ایدە رك اڭا افندم انی سن قالدردك ایسە نرە یە قدیغكی بڭا سویلە بن دخی انی قالدرە یم دیدی۔١٦ عیسی اڭا ای مریم دیمسی اوزرینە دونوب اك ربونی ( یعنی معلم ) دیدی۔١٧ عیسی اڭا خطاباً بڭا طوقونمە زیرا دها پدرمڭ نزدینە چیقمادم لكن بردرلرمك یاننە واروب انلرە سویلە بنم پدرم و سزڭ پدركزك نزدینە و بنم اللەم وسزڭ اللەكزك نزدینە چیقارم دیدی ۔١٨ مجدلی مریم گلوب شاكر دلرە ربّی كودیكنی و كندیسنە بوشیلری سویلدیكنی نقل ایلدی۔١٩ وەمان اول گوندە یعنی هفتە نك برنجی كونندە اقشام اولد قدە شاكردلرك جمع اولد قلری محلك قپولری دخی یهودیلرڭ قورقوسندن قپالو اولدیغی حلادە عیسی گلوب اورتە دە طورە رق انلرە انلرە سزە سلامت اولسون دیدی٢٠ وبونی سویلد كدنصڭرە انلرە اللرینی ویاننی كوستردی اولوقت شاكردلر ربی كورمكلە مسرور اولدیلر۔٢١ وعیسی ینە انلرە سزە سلامت اولسون پدر بنی ارسال ایلدیكی كبی بن دخی سزی ارسال ایدرم دیدی ۔٢٢ و بونی سویلد كدە نفخ ایدوب انلرە روح القدسی آلكز۔٢٣ كیملرك كناەلرینی عفو ایدر ایسەڭز انلرە عفق اولنمش اولور وكیملر ككینی توقیف ایدر ایسەڭز توقیف اولنمش اولور دیدی۔٢٤ اما اون ایكیلردن بری اولوب ایكیز دینلان توما عیسانڭ گلدیگی زمان انلرە ایلە برابر دك ایدی ۔٢٥ ودیكر شاكردلر اڭا ربی گوردك دیدكلرندە انلرە انڭ اللرندە میخلرك اثرینی كوروب پرماغمی میخلرك اثرینە قوماز ایسە م المی دخی یاننە صوقماز ایسە م اصلا اینانمام دیدی۔٢٦ وسكز كوندنصڭرە ینە شاكر دلر ایچریدە اولوب توما دخی انلر ایلە برابر ایدی و قپولر قپالو اولدیغی حلادە عیسی گلوب اورتە دە طورە رق سزە سلامت اولسون دیدی ۔٢٧ اندنصڭرە تومایە پرماغكی بورایە اوزات واللرمە باق والكی اوزادوب یانمە صوق و ایمانسز اولمە آنجق مؤمن اول دیدی۔٢٨ توما اڭا جواباً ربم واللەم دیدی۔٢٩ عیسی اڭا [ای توما] بنی كوردیكك ایچون ایمان ایتدك۔ كورمكسزین ایمان ایدنلر نە مباركدر دیدی۔٣٠ عیسی شاكردلرینك اوكندە بشقە چوق علامتلر اجرا ایتدی ایسە دە بو كتابدە یازیلو دكلدر ۔٣١ آنجق عیسانڭ مسیح ابن اللە ایدیكنە ایمان ایتمكز و ایمان ایدە رك انڭ اسمیلە حیاتە مالك اولماكز ایچون بونلر یازلمشر۔