١ اوزما پیلاطوس عیسایی آلوب قامچیلە دو كدی٢ عسكرلر دخی دیكنلردن بر تاج اوروب انڭ باشتە قودیلر واكا ارغوانی بر لباس كیدروب ۔ ٣ سلام سڭا ای یەویلرك ملكی دیەرك اڭا سلە اورورلر ایدی ۔ ٤ بیلاطوس تكرار طیشاری چیقوب انلرە اشتە اندە بر جرم بولمادیغمی بیلمكز ایچون انی سزە طیشاری یە چیقاریورم دیدی ۔ ٥ اولوقت عیسی دیكن تاجی وارغوانی لباسی كیمش اولە رق طیشاری چیقد قدە انلرە اشتە اول ادم دیدی ۔ ٦ باش كاەنلر ایلە مأموررلر دخی انی كوردكلرندە صلب ایلە صلب ایلە دیو باغر رلر ایدی ۔ پیلاطوس انلرە انی سز آلوب صلب ایلیكز زیرا بن اندە جرم بولمایورم دیدی ۔ ٧ یهودیلر اڭا جواباً بزم شریعتمز وار و شریعتمز موجینجە قتلی واجبدر زیرا كندیسنی ابن اللە مقامندە طوتدی دیدیلر۔٨ پیلا طوس بو سوزی ایشیتدیكندە دها زیادە قورقە رق٩ تكرار حكومت قوناغنە گیروب عیسایە سن نرەدن سین دیدی ۔ اما عیسی اڭا جواب ویرمە مسیلە ۔ ١٠ پیلاطوس اڭا خطاباً بڭا سویلمز میسین۔ بیلمز میسین كە سنی صلب ایتمكە قدرتم وار و سنی صالیویر مكە دخی قدرتم وار دیدی ١١ عیسی اگر سڭا یوقاریدن ویرلمش اولماسیی بنم اوزرمە هیچ بر قدرتك اولماز ایدی بوسببدن بنی سڭا تسلیم ایدنك كناەی دها بیوكدر دیو جواب ویردی ۔ ١٢ بوندنصڭرە پیلاطوس انی صالیویرمكە وسیلە ارار ایدی ایسە دە یهودیلر اگر بونی صالیویرر ایسە ك قیصرك دوستی دكل سین ۔ هر كیم كە كندیسنی ملك عد ایدرسە قیصرە مخالف سویلر دیو باغررلر ایدی ۔ ١٣ پیلاطوس دخی بو سوزی ایسیتدكدە عیسایی طیشاری یە چیقاروب عبر انیجە غباثا دینلان طاش دوشە مە نام محلدە محكمە دە اوتوردی۔ ١٤ وفصحك تدارك گونی اولوب ساعت التی رادەلرندە ایدی ۔ ویەودیلرە اشتە ملككز دیدی ۔ ١٥ اما انلر قالدر قالدر انی صلب ایلە دیو باغر دیلر پیلاطوس انلرە ملككزی صلب دیدی۔ باش كاەنلر قیصردن بشقە ملكمز یوقدر دیو جواب ویردیلر ۔ ١٦ اولوقت انی صلب اولنمق اوزرە انلرە تسلیم ایتدی انلر دخی عیسایی آلوب كوتوردیلر۔١٧ كندیسی دخی خاچنی طاشیە رق عبرانیجە جلجتا دینلان قفا یری نام محلە چیقدی ۔ ١٨ وانی وانك ایلە برابر دیكر ایكی كیمسە بری بر یانندە وعیسی كندیسی اورتە دە اولە رق اورادە خاچە كردیلر ۔ ١٩ وپیلاطوس بر یافتە یازوب خاچك اوزرینە قدی یازیسی دخی یهودیلرڭ ملكی ناصر تلو عیسی ایدی۔٢٠ وعیسانك خاچە كرلدیكی محل شەرە یاقین و بو یافتە دخی عبرانیجە ولا طینجە یازیلو اولمغلە یەودیلردن نیچەلری انی اوقودیلر ۔ ٢١ اولوقت یهودیلرڭ باش كاەنلری پیلاچوسە یهودیلرڭ ملكی دكل اما كندیسی بن یهودیلرڭ ملكی ایم دیدی دیو یا دیدیلر۔٢٢ پیلاطوس نە یازدم ایسە یازدم دیو جواب ویردی۔٢٣ وعسكرلر عیسایی خاچە كرد نصڭرە انڭ البسە سنی آلوب هر بر عسكرە بر حصە اولمق اوزرە درت حڈە ایتدیلر انتاری یی دخی آلدیلر فقط انتاری دیكشز باشدن باشە بسبتون طوقومە اولمسیلە ٢٤ بری برینە انی یرتمیە لم اما كیمك اولە جغنە قرعە آتە لم دیدیلر تاكە البسە می ارا الرندە نقسیم ایدوب انتاریم اوزرینە قرعە آتدیلر دیو یازلمش اولان اتمام اولنە ۔ عسكرلر دخی بوشیلری ایتدیلر۔٢٥ و عیسانڭ خاچی یا نندە والدە سی ایلە والدە سنڭ ەمشیرە سی قلاو پاسك زوجە سی مریم و مجدلی مریم طوریورلر ایدی ۔ ٢٦ ایمدی عیسی والدی سی ایلە سودیكی شاكر دی یا نندە طورور كورمكلە كندی والدە سنە ای خاتون اشتە اوغلڭ دیوب ۔ ٢٧ صڭرە شاكردە دخی اشتە والدە ك دیدی واول وقتدنصڭرە بو شاكرد انی كندی خانە سنە قبول ایتدی۔٢٨ اندنصڭرە عیسی آرتق پر شیئلك تمام اولد یغنی بیلمكلە یازلمش اولانك اتمامی ایچون صوصادم دیدی ۔ ٢٩ واورادە سركە ایلە طولو برقاب بولنمغلە انلر سركە ایلە بر سونكر طولدروب بر زوفا یە طاقە رق انڭ آغزینە صوندیلر ۔ ٣٠ عیسی دخی سركە یی آلدیغی كبی تمام اولدی دید و باشنی اكوب تسلیم روح ایتدی۔٣١ ایمدی تدارك گونی اولد یغندن جسدلرك سبت گونی خاچ اوزرندە قالمامسی ایچون (چونك اول سبت بیوك ایدی) یهودیلر انلرڭ انیجكلرك قیریلوب والدرلمسنی پیلاطوسە رجا ایتدیلر۔٣٢ بونكاوزرینە عسكرلر گلوب انڭ ایلە برابر صلب اولنان اوّلكی ایلە دیكرینك اینكلرینی قیردیلر ۔ ٣٣ اما عیسایە كلدكلرندە انڭ وفات ایتمش اولد یغنی كورمەلریلە اینجكلرینی قیرمادیلر ٣٤ لكن عسكرلردن بری انڭ یاننیمزراقلە دلدی و در عقب قان ایلە صو چیقدی۔٣٥ و بونی كورن سزڭ ایمان ایتمكز ایچون شهادت ایتدی و انڭ شهادتی حقدر و كندیسی دخی حق سویلدیكنی بیلور ۔ ٣٦ زیرا بو شیلر اندن بركنیك قیرلمایە جق دیو یازلمش اولانك اتمامی ایچون واقع اولدی ۔ ٣٧ وینە بشقە بر یردە دلدكلری كیمسە یە نظر ایدەجكلر دیو یازلمشدر۔٣٨ اندنصڭرە عیسانڭ شاكردی اولوب یهودیلرڭ قورقوسندن كندینی خفی طوتان اریمتیالو یوسف عیسانڭ جسدینی والدرمغە پیلاطوس رخصت طلب ایلدی پیلاطوس دخی رخصت ویرمكلە گلوب عیسانڭ جسدینی والدردی ۔ ٣٩ ومقدما عیسایە كیجە لین گلمش اولان نیقودیموس دخی گلوب یوز لیترە قدر مرّصافی ایلە عود اغاجی تركیبی كتوردی ۔ ٤٠ اولوقت عیسانڭ جسدینی آلوب یهودیلرڭ دفن ایتمك خصوصندە كی عادنلری اوزرە انی بەارلر ایلە برابر كتان بزلرینە صاردیلر ۔ ٤١ وصلب اولندیغی محلدە بر باغچە دە ایچنەە دها بر كیمسە قونلمامش یكی بر قبر بولند یغندن ۔ ٤٢ یهودیلرڭ تدارك گونی اولدیغی حسبیلە قبر دخی یاقین اولدیغی ایچون عیسایی اورایە ودیلر۔